Yoona 11:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Nang Yesu nfa̱k a̱nia a̱ni, huhwa gu nyia̱, “Zwan ji nyia̱ Laaza̱rut a̱ni, zwan a̱khwu ja bah. Ji̱ na bai ma̱ng A̱gwaza wa shi ma̱ng Nggwon ka.”

Yoona 11:4 Iomraidhean Croise

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 11:40

Yesu si̱ nyia̱ ma̱ng Ma̱rta, “Wa n gyei n nyia̱, ka̱ a nwuak fwuo da̱ nung, a na li shi A̱gwaza hu a?”

Yoona 12:28

A̱tyia̱, nwuak a̱lyoot ang ka shi!” A̱nwuat si̱ kin ghwut a̱ neet Ma A̱gwaza tswazwa nyia̱, “N mi̱ nkai nwuak a̱lyoot nung ka shi. A̱wot n bu na nwuak ka shi hu mbeang!”

Yoona 17:1

Nang Yesu ntyak á̱lyiat nani a̱ni, huhwa gu si̱ gba̱t á̱ghyi, a̱ si̱ nwuan Ma A̱gwaza tswazwa. A̱ si̱ naai nyia̱, “A̱tyia̱ nung, jen nyia̱. Nwuak nggwon ang ka shi; nka mameang, ka̱ ma nwuak ang shi.

Yoona 17:10

A̱mgba̱m á̱niet ba ba̱ yet á̱si̱ nung a̱ni, á̱si̱ nwan bya. A̱wot a̱mgba̱m á̱niet ba nang a byia̱ a̱ni, á̱si̱ nung bya. A̱wot bibya shei a̱kyenkyai shi nung wu.

Yoona 17:5

A̱wot ma̱ninika, A̱tyia̱ nung, bu nwuak nung a̱kyenkyai shi nang n ku mbyia̱ a̱zaghyi ang, neet nang á̱ ka̱n mat swanta hu a̱ni bah.

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

Yoona 9:24

A̱cha̱chet a̱yaakwak a̱son A̱yahudawa ba si̱ bu yorong a̱tyu a̱ ku byia̱ a̱fi̱fan ba a̱ni, ba̱ si̱ nyia̱, “Fa̱k a̱wun A̱gwaza, a hyia̱ a̱tsatsak a̱lyiat! Nzi̱t, zi̱ lyen nang a̱tyu wuni a̱ choot ang a̱ni; ngyet a̱tyu a̱ka̱tuk nyia̱ wa.”

Yoona 9:3

Huhwa Yesu si̱ nyia̱ ma̱ng a̱mba, “A̱ka̱tuk nyia̱ nggu ma̱ng á̱ka̱tuk á̱niet mbyin nggu wa mbyia̱ nang gu ngyet a̱tyu a̱fi̱fan bah. A̱ yet a̱tyu a̱fi̱fan wu da̱nian á̱ ka tak si̱sak ji nang Tyok A̱gwaza hu nnyia̱ ta̱m da̱ nggu a̱ni.

A̱romawa 11:11

N bu na ndyip, nang á̱niet Isi̱rela ba ntuk tak ba̱ si̱ kwa a̱ni, ba̱ bu na doot wa ba kee? A̱tsak a̱lyiat, ba̱ bu na doot. Mat a̱kwa mba ka di̱ lak khwi Yesu, kikya mbyia̱ A̱gwaza si̱ nwuak Nnwap na̱ nwai yet A̱yahudawa a̱ni a̱wat ba̱ shya̱ san hu; da̱nian á̱niet Isi̱rela ba̱ ka kwi swam san Nnwap na̱ nwai yet A̱yahudawa a̱ni, a̱wot mba á̱niet Isi̱rela ba meang, ba̱ ka shya̱ san hu.

A̱filibiyawa 1:11

Ma̱nang a̱kwon ni̱ ntyia̱ sum a̱ni, ma a̱nia wa, yok shya̱ san nyin hu ku tyei nyi shya̱ a̱tsotswat za̱kwa, a̱ neet da̱ a̱vwuo Yesu Kristi a̱ni, da̱nian á̱ ka dyep A̱gwaza á̱ nwuak gu shi.

A̱filibiyawa 1:20

Mat n tyia̱ fwuo ma̱ng di̱dang, n si̱ mba̱ng fwuo ba̱t, nang n si̱ mi̱n mak fa̱k nsum bah. A̱wot n na chat n gya a̱son ma̱ng gbang a̱lyia̱ di̱ shei A̱sham Nkhang tazwa Kristi, ma̱nang n ku nnyia̱ di̱n jen ji ji̱ swak a̱ni. A̱wot n nwuak a̱chuchuk tangka̱i swat nang n swan a̱ni, na nwuak Kristi shi, ku nang n shya̱ a̱chet, ku nang n ka̱n khwu.

1 Bitut 1:21

Mami Kristi kya nang nyi nnwuak fwuo da̱ A̱gwaza. A̱wot nyi si̱ nwuak a̱chuchuk ma̱ng tyia̱ fwuo da̱ A̱gwaza, mat a̱ ku ta̱ngam Kristi ma̱ á̱niet ba̱ ka̱n kwi a̱ni, a̱wot a̱ si̱ nwuak gu a̱gba̱ndang shi.

1 Bitut 4:11

A byia̱ za̱nang chet shei a̱lyiat A̱gwaza jaa? Shei na shansham, nang A̱gwaza wa lyiat mami ang a̱ni. A byia̱ za̱nang chet beang á̱niet jaa? Beang ba ma̱ng a̱mgba̱m chet nang A̱gwaza nang ang a̱ni. A̱jawa kuzang ta̱m nang a nyia̱ a̱ni na nwuak A̱gwaza shi mami a̱lyoot Yesu Kristi. A̱mgba̱m a̱kyenkyai shi ma̱ng chet, yet si̱ nggu hwa, si̱ nat sang sangba̱p. Samba̱rka!

1 Bitut 4:14

Nyi yet á̱niet a̱li̱ba̱rka bya ka̱ á̱ fwoi nyin da̱nian nyi yet á̱niet khwi Yesu. Mat ku tak nang a̱kyenkyai shi A̱za̱za̱rak Ntswa A̱gwaza wu nshya̱ dundung ma̱ng a̱nyin.