Yoona 11:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ Huhwa gu si̱ nyia̱ ma̱ng a̱mba, “A̱ji wa nang nyi mmyiai ngguu?” Ba̱ si̱ nyia̱ ma̱ng a̱nggu a̱ni, “A̱tyoli, bai a lii!”

Yoona 11:34 Iomraidhean Croise

Matyu 28:6

A̱ shya̱ a̱ji bah! A̱ wa ka̱n shyip a̱ si̱ doot ma̱ á̱niet ba̱ ka̱n kwi a̱ni, cha̱chaat ma̱nang gu ku nhyia̱ a̱ni. Nyi bai nyi li a̱vwuo ka nang á̱ ku mmyiai kwom nggu hu a̱ni!

Ma̱rkut 15:47

Ma̱ryamu Ma̱ga̱daliya ma̱ng Ma̱ryamu a̱yang Isuu ku yong á̱ cham ba̱ li a̱vwuo lyak ka nang á̱ myiai kwom Yesu hu a̱ni.

Ma̱rkut 16:6

A̱wot ka̱ si̱ nyia̱ ma̱ng a̱mba, “Nyi yok fa̱k a̱wun bah! Nyi chat Yesu a̱tyu Na̱za̱ra̱t wa; nang á̱ ku kpang da̱ a̱team a̱khwu wu a̱ni. A̱ nshya̱ bah! A̱ wa ka̱n doot ma̱ng swuan ma̱ á̱niet ba̱ ka̱n kwi a̱ni! Nyi li a̱vwuo ka nang á̱ ku myiai kwom nggu hu a̱ni!

Yoona 1:39

Yesu si̱ nyia̱ ma̱ng a̱mba a̱ni, “Nyi bai, nyi lii.” A̱jawa ba̱ si̱ nat, ba̱ si̱si̱ li a̱vwuo ka nang nggu nshya̱ a̱ni; nang jen ji yet tswam nyaai jenshyung, a̱wot ba̱ si̱ swan á̱ tyak á̱kum mam ka dundung ma̱ng a̱nggu.

Yoona 11:33

Nang Yesu ndi Ma̱ryamu twei, a̱ si̱ bu li nang A̱yahudawa ba̱ shya̱ dundung ma̱ng a̱nggu twei a̱ni; fwuo hu si̱ byian ba̱t.

Yoona 11:35

A̱jawa Yesu si̱ koot ndang a̱ghyi.

Yoona 20:2

A̱ si̱ tyong chung a̱ nat da̱ a̱vwuo Siman Bitut, ma̱ng nggwon ta̱m ka nang Yesu chat a̱ swak a̱ni. A̱ si̱ hyia̱ ma̱ng a̱mba nyia̱, “Ba̱ kyiak kwom Yesu ma̱ a̱bi ka! A̱wot zi̱ lyen a̱vwuo ka nang ba̱ si̱ nsak gu a̱ni bah!”