Yoona 11:32 - A̠lyiat A̠gwaza na di̠n Tyap: A̠li̠ka̠uli A̠fai

³² Nang Ma̱ryamu si̱ ntat tyan ji Yesu nshya̱ a̱ni, nang gu ndi Yesu a̱ni; a̱ si̱ ka̱n ta̱bwak a̱zaghyi nggu. A̱ si̱ nyia̱ ma̱ng a̱nggu, “A̱tyoli, ka̱ a wa ku nshya̱, si̱ a̱na̱nyiuk nung wu ku khwu bah!”

Yoona 11:32 Iomraidhean Croise

Luka 17:16

A̱ si̱ kpaat a̱khwukhwut, a̱ si̱ kup a̱ghyi a̱byin a̱zaghyi Yesu a̱ si̱ gwai gu. A̱wot a̱tyu gbap a̱wa ku yet a̱tyu Sa̱mariya wa.

Luka 5:8

Nang Siman Bitut ndi a̱nia a̱ni, a̱ si̱ kpaat a̱khwukhwut a̱zaghyi Yesu nyia̱, “Ka̱t A̱tyoli! Doot a ghwon nung, n gyet a̱tyu a̱ka̱tuk nyia̱ wa ba̱t! N maai n bai kpa̱mkpaan ma̱ng a̱nwan bah.”

Luka 8:41

A̱jawa a̱tyok a̱ghyang nang á̱ ngyei Yayirut, a̱ si̱ yet a̱kwak a̱son tutu a̱tung A̱yahudawa a̱ni; si̱ neet a̱ bai, a̱ ba̱ ta̱bwak a̱zaghyi Yesu. A̱ si̱ naai nggu a̱ fat a̱sa̱kut nyia̱, Yesu gu bai a̱gbang nggu;

Yoona 11:2

Laaza̱rut, a̱ ku nyia̱ ma̱ng zwan ji a̱ni, a̱ ku yet a̱na̱nyiuk Ma̱ryamu wa. (Ma̱ryamu wuni wa, na kwon Yesu a̱sham a̱myia̱ ka, ka̱ nyui turare a̱ni; a̱wot a̱ lyang a̱ti̱tak Yesu ba ma̱ng pyia̱ nggu hu.)

Yoona 11:21

Huhwa Ma̱rta si̱ nyia̱ ma̱ng Yesu a̱ni, “A̱tyoli, ka̱ a wa ku nshya̱, si̱ a̱na̱nyiuk nung wu khwu bah!

Yoona 11:37

Bi̱ri̱ng ma̱ng a̱nia, A̱yahudawa á̱ghyang si̱ nyia̱ ma̱ng á̱ghyang mba a̱ni, “A̱tyu a̱ ku teak a̱tyu a̱fi̱fan wu á̱ghyi ba a̱ni, ka̱ doot a̱ vwuong a̱tyu wuni a̱khwu ka baa?”

Yoona 4:49

A̱tyu nta̱m tyok wu si̱ nyia̱, “A̱tyoli, ma̱sa̱kut khwi nung a̱nggang, a bai; kalak nggwon nung ka na khwu!”

Tyai Á̱zanson 22:8

Nung Yoona, n ku nfa̱k, n si̱ bu ndi a̱mgba̱m nkyang nani! Nang n ku nfa̱k, n si̱ bu ndi na a̱ni, n si̱ ta̱bwak n chat n kyuak ntong a̱zaghyi a̱ta̱m tswa A̱gwaza wu a̱ tak nung nkyang nani a̱ni.

Tyai Á̱zanson 5:14

A̱jawa nkyang nswuan naai a̱nia, si̱ shim nyia̱, “Samba̱rka!” A̱wot á̱niet khwop á̱niet swak nfeang ma̱ naai ba si̱ bu ta̱bwak a̱byin. Ba̱ si̱ kwok ntong a̱zaghyi Fi̱ng A̱nfwuk hu.

Tyai Á̱zanson 5:8

Nang Fi̱ng A̱nfwuk hu nsan ta̱ka̱da hu nang á̱ kut di̱n shan ji a̱ni, nkyang nswuan naai na ma̱ng á̱niet khwop á̱niet swak nfeang ma̱ naai a̱bya, si̱ ta̱bwak a̱byin a̱zaghyi Fi̱ng A̱nfwuk hu. Nang konyan ma̱ a̱mba ba̱ng zunzom, a̱wot ba̱ si̱ ba̱ng a̱chyichya̱ ntswam zi̱nariya, ba̱ nhyiai tyentyang ma̱ng turare; jija yet naai á̱za̱za̱rak á̱niet khwi A̱gwaza ba.