Yoona 11:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ Nang A̱yahudawa ba̱ shya̱ a̱mali ka dundung ma̱ng Ma̱ryamu á̱ byiat gu a̱khwu ka a̱ni, ndi nang gu ndoot ma a̱nggang; ba̱ si̱ ma ndoot ba̱ si̱ khwi ngguu. Ba̱ ku fa nyia̱ a̱ naat ma̱ a̱bi kikya, gu si̱ twei a̱ja.

Yoona 11:31 Iomraidhean Croise

Yoona 11:19

A̱yahudawa ma̱ a̱di̱di̱t ku bai ba̱ byiat Ma̱rta ma̱ng Ma̱ryamu á̱na̱nyiuk mba wu a̱khwu ka.

Yoona 11:33

Nang Yesu ndi Ma̱ryamu twei, a̱ si̱ bu li nang A̱yahudawa ba̱ shya̱ dundung ma̱ng a̱nggu twei a̱ni; fwuo hu si̱ byian ba̱t.

1 A̱korontiyawa 2:15

Á̱niet ba ba̱ byia̱ A̱za̱za̱rak Ntswa wu a̱ni, ba̱ ni̱ byia̱ mumwang nang ba̱ ni̱ nfi̱k ba̱ mak a̱mgba̱m nkyang nang A̱za̱za̱rak Ntswa wu fa a̱ni. A̱wot mba ma̱ á̱pyia̱ mba, á̱ mbyia̱ a̱yin ma̱ á̱niet swanta ba, a̱ si̱ mi̱n fi̱k ku a̱ mak á̱niet ba̱ byia̱ A̱za̱za̱rak Ntswa wu a̱ni bah.