Yoona 11:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ Nang Ma̱rta ntyak a̱lyiat na ma̱ng Yesu a̱ni, a̱ si̱ doot a̱ si̱ nat. A̱ si̱si̱ yei a̱na̱nyiuk nggu wu Ma̱ryamu nyia̱, “A̱tyu tyiet bai, a̱ chat li ang!”

Yoona 11:28 Iomraidhean Croise

Matyu 26:18

Yesu si̱ nwuak ba shim nyia̱, “Nyi nat a̱zanson ma̱ a̱keang Urusha̱lima da̱ a̱vwuo a̱tyok a̱ghyang. Nyi tak gu nyia̱, ‘A̱tyu tyiet wu nyia̱, “Jen nung ji bai kpa̱mkpaan. N chobai n gya kyayak A̱yet hu dundung ma̱ng mman ta̱m nung na a̱mali ang ka.” ’ ”

Ma̱rkut 10:49

Yesu si̱ yong, a̱ si̱ nyia̱, “Nyi yorong gu, gu bai.” A̱wot ba̱ si̱ yorong a̱tyu a̱fi̱fan wu. Ba̱ si̱ nyia̱ ma̱ng a̱nggu, “Gwai ba̱t, doot yong, Yesu yei ang!”

Ma̱rkut 14:14

A̱wot a̱vwuo gu nnwuo a̱ni, nyi hyia̱ ma̱ng a̱tyoli wu nyia̱, ‘A̱tyu tyiet nyia̱, zi̱ lyip ang, “Da̱ a̱ji wa yet tutu á̱nietchen hu nang n na ngya A̱yet wu ma̱ng mman ta̱m nung na?” ’

Luka 22:11

Nyi hyia̱ ma̱ng a̱tyu byia̱ a̱li wu, nyia̱ ‘A̱tyu tyiet nzi̱t wu lyip: Di̱ tutu á̱nietchen hu shya̱ a̱ji wa nang n na ngya nkyayak A̱yet na ma̱ng mman ta̱m nung na a̱ni?’

Yoona 1:41

Anda̱rawut si̱ nat a̱ si̱ chat a̱na̱nyiuk nggu wu Bitut, a̱ si̱ nyia̱ ma̱ng a̱nggu a̱ni, “Zi̱ shya̱ a̱tyu a̱ yet Ma̱siha wu a̱ni!” (Ku fa “Kristi” da̱ a̱lyem A̱helenawa).

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 10:3

A̱tyu a̱ chok a̱na̱nyuo a̱ta̱mpwom ka a̱ni, ni̱ khwuk gu ndyo. A̱wot zón seap ji ni̱ fa̱k a̱nwuat nggu ka a̱ lyen. A̱wot nggu mameang, a̱ ni̱ yei kuzang zon seap da̱ a̱lyoot ji. A̱ kwak ji a̱son a̱ ghwut ma̱ng a̱nji ta̱usa.

Yoona 11:20

Nang Ma̱rta nfa̱k nyia̱ Yesu chobai a̱ni, a̱ si̱ doot a̱ si̱ nat a̱ san ngguu, a̱ bu tyia̱ nggu a̱la̱baa. A̱ si̱ ghwon Ma̱ryamu a̱mali.

Yoona 11:29

Nang Ma̱ryamu nfa̱k a̱nia a̱ni, a̱ si̱ kin tat a̱ doot ma a̱nggang, a̱ si̱ nat da̱ a̱vwuo Yesu.

Yoona 11:30

Ba̱ng ba̱ ntat jen a̱ja, Yesu ka̱n nwuo a̱da̱dei a̱keang Ba̱ta̱ni wu bah. Nang gu ni̱ nshya̱ di̱n tyan nang Ma̱rta ba̱ myim ma̱ng a̱nggu a̱ni.

Yoona 13:13

Nyi yei nung ‘A̱tyu tyiet’ ma̱ng ‘A̱tyoli.’ Nyi shei cha̱chaat, nyi ghyuap bah. A̱nia wa nang ngyet.

Yoona 20:16

Yesu si̱ nyia̱ ma̱ng a̱nggu, “Ma̱ryamu!” A̱ si̱ bwuak a̱ nat ma̱ng Yesu. A̱ si̱ kaat da̱ a̱lyem A̱yahudawa, nyia̱ “Raboni!” Huhwa yet “A̱tyu tyiet.”

Yoona 21:7

Nggwon ta̱m ka nang Yesu ku chat a̱ swak a̱ni, si̱ nyia̱ ma̱ng Bitut, “A̱tyoli Yesu wa!” Mi̱ di̱ yong a̱hwa nang Bitut nfa̱k nang Yesu wa a̱ni, a̱ si̱ kup a̱yaatoot nggu ba, (nang gu khwuk a̱yaatoot gu ba, a̱ koot); a̱wot a̱ si̱ fi̱p a̱ kwa ma̱ a̱sa̱khwot na!

1 A̱ta̱solonikawa 5:11

Mat a̱nia, nyi tyia̱ á̱ghyang nyin gba̱gbak. N nyi bu gbi̱ri̱ng á̱ghyang di̱ khwi Yesu, ma̱nang nyi nnyia̱ ma̱ninika a̱ni.

Ibriniyawa 12:12

Mat a̱nia, nyi mup mbwak nyin na na̱ tyia̱ bobwot a̱ni, mi̱ chet. A̱wot nyi mbeang chet a̱khwukhwut nyin ba, ba̱ tyia̱ luluk a̱ni!