Yoona 11:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ Yesu si̱ nyia̱ ma̱ng a̱nggu a̱ni, “Nung gwa ngyet a̱tyu ya̱ngam á̱niet ba̱ ka̱n kwi a̱ni ma̱ng swuan. Nung gwa si̱ bu ngyet swuan ji. A̱tyu a̱ nwuak fwuo da̱ nung a̱ni, a̱ na shya̱ swuan, ku nang gu khwu.

Yoona 11:25 Iomraidhean Croise

Luka 23:43

A̱jawa Yesu si̱ nyia̱ ma̱ng a̱nggu, “A̱tsak a̱lyiat, a̱fwun kani, a na shya̱ dundung ma̱ng a̱nung Ma A̱gwaza Tswazwa!”

Yoona 1:4

Swang A̱lyiat ji ku yet a̱tyin nswuan. A̱wot swuan jini si̱ bai ma̱ng á̱nietbishyi sai.

Yoona 14:19

N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 5:21

“Ma̱nang A̱tyia̱ wu ni̱ nta̱ngam á̱niet ba̱ ka̱n kwi, a̱wot a̱ bu nwuat ba swuan a̱ni; ma a̱nia wa nang Nggwon ka nnwuat swuan da̱ a̱tyu nang ka̱ shim nwuak a̱ni.

Yoona 5:26

Ma̱nang A̱tyia̱ wu ma̱ a̱pyia̱ nggu ngyet a̱tyin swuan a̱ni; ma a̱nia wa nang nggu nwuak Nggwon nggu ka, ka̱ nwuat swuan ji ma̱ cha̱chaat.

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

Yoona 6:44

Á̱ mbyia̱ a̱tyu a̱ si̱ mi̱n bai da̱ a̱vwuo nung, ka̱nang A̱tyia̱ nung wu a̱ ta̱m nung a̱ni, khwat gu a̱ bai ndyo bah. A̱wot nung mameang, n na nta̱ngam gu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Nta̱m A̱yaata̱m 3:15

Nyi si̱ hyat Yesu, a̱tyu a̱ yet a̱tyin nswuan ka a̱ni. A̱wot A̱gwaza si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. A̱wot nzi̱t ma̱ á̱pyia̱ nzi̱t, zi̱ si̱ li nkyang na̱ shya̱ Yesu a̱ni ma̱ng á̱ghyi nzi̱t!

A̱romawa 4:17

Si̱ huni nat cha̱chaat ma̱nang A̱gwaza nhyia̱ ma̱ng Ibrahim mami A̱lyiat A̱gwaza na a̱ni, nyia̱, “N wa ka̱n tyia̱ ang a yet a̱tsatsak a̱tyia̱ a̱khwop a̱mgba̱m nnwap ma̱ a̱di̱di̱t.” A̱lyiat nani bai da̱ a̱nu ka, mat Ibrahim nwuak fwuo da̱ A̱gwaza, a̱tyu a̱ tyia̱ á̱niet ba̱ ka̱n kwi si̱ doot ma̱ng swuan a̱ni. A̱wot nggu wa bu mat nkyang nfai, na̱ si̱ ghwut mi̱ kyang na̱ nwai nshya̱ a̱ni.

A̱romawa 8:2

A̱wot mat nang nyi mmun á̱pyia̱ ma̱ng Yesu Kristi a̱ni, chet A̱za̱za̱rak Ntswa hu ku si̱ tyia̱ nyi si̱ shot chet za̱kwa a̱ka̱tuk nyia̱ ku tyei a̱khwu a̱ni.

1 A̱korontiyawa 15:18

Ka̱ ku li a̱nia, ku tak nang a̱mgba̱m á̱niet ba̱ nwuak fwuo di̱ Kristi a̱ni, ba̱ bwuk wa ba̱ng si̱ nat sang sangba̱p!

1 A̱korontiyawa 15:29

Ka̱nang á̱ na ta̱ngam á̱niet ba̱ ka̱n kwi a̱ni ma̱ng swuan bah, yihwa mbyia̱ nang á̱ nyia̱ á̱ghyang á̱niet ba̱ ni̱ swuan a̱ni ba̱ptisman da̱ a̱kwonu á̱niet ba̱ ka̱n kwi a̱ni? Ka̱ á̱ na ta̱ngam á̱niet ba̱ ka̱n kwi a̱ni ma̱ng swuan bah, yihwa mbyia̱ nang á̱ nyia̱ á̱ghyang á̱niet ba̱ ni̱ swuan a̱ni ba̱ptisman ji, da̱ a̱kwonu mbaa?

2 A̱korontiyawa 4:14

Zi̱ lyen A̱gwaza wu a̱ ta̱ngam Yesu ma̱ng swuan ma̱ á̱niet ba̱ ka̱n kwi a̱ni. Nggu wa bu na ta̱ngam nzi̱t ma̱ng swuan dundung ma̱ng Yesu. A̱wot a̱ na neap zi̱t dundung ma̱ng a̱nyin a̱zaghyi nggu.

A̱filibiyawa 1:23

Ku vwuo nung a̱khwu n khai mi̱ nkyang nfeang nang n byia̱ di̱dang a̱ni: Nyiung hu, huhwa yet; n chat nat da̱ a̱vwuo Kristi. Huhwa lan nung ma̱ za̱nzan.

A̱filibiyawa 3:10

Kyang nang n chat n dyen swak a̱ni, huhwa yet; n dyen Kristi ma̱ a̱pyia̱ nggu ma̱ng chet nang gu ndoot ma̱ng swuan ma̱ á̱niet ba̱ ka̱n kwi a̱ni. N chat n dyen nggu; n bu mun a̱pyia̱ ma̱ng a̱nggu mami swuo a̱bung nggu hu; n bu ntai nggu di̱ si̱sak ji nang gu nkhwu a̱ni.

1 A̱ta̱solonikawa 4:14

Mat ki̱ zi̱ nwuak a̱chuchuk nang Yesu khwu, a̱wot á̱ si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni; ma a̱nia wa zi̱ nwuak a̱chuchuk nang A̱gwaza na nta̱ngam á̱niet khwi ba̱ ka̱n kwi a̱ni ma̱ng swuan. A̱wot A̱gwaza na bwuok ma̱ng a̱mba dundung ma̱ng Yesu a̱ bai ndyo.

Tyai Á̱zanson 1:18

Nung gwa ngyet a̱tyu a̱ swuan a̱ni. N ka̱n khwu, a̱wot ma̱ninika, n shya̱ ma̱ng swuan, si̱ nat sang sangba̱p! N byia̱ tyok tazwa A̱khwu ma̱ng A̱bi, ka̱ yet a̱vwuo nswat á̱niet ba̱ ka̱n kwi a̱ni.

Tyai Á̱zanson 20:5

Jen jini ja yet a̱son doot á̱niet ba̱ ka̱n kwi a̱ni. (Á̱kum á̱niet ba̱ kwi a̱ni, na shyip ma̱ng swuan bah; si̱ nang ndyia̱ chyikwop a̱nia nswak).

Tyai Á̱zanson 21:4

A̱gwaza na lyang mba kuzang lang a̱ghyi ma̱ á̱ghyi mba ba! A̱wot a̱khwu bu na nshya̱ bah, ku a̱lyia̱ byian, ku a̱nak ma̱ng swuo a̱bung! A̱mgba̱m a̱khwukhwop nkyang wu na swak si̱ nat sang sangba̱p!”

Tyai Á̱zanson 22:1

A̱jawa a̱ta̱m tswa A̱gwaza wu si̱ tak ma̱ng a̱nung a̱ghyui ka̱ byia̱ a̱sa̱khwot nswuan a̱ni. A̱sa̱khwot na li ma̱ wowot nang ma̱dubi a̱ni, na̱ tyong á̱ neet da̱ a̱gba̱ndang chuk Tyok A̱gwaza ma̱ng a̱si̱ Fi̱ng A̱nfwuk hu!

Tyai Á̱zanson 22:17

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!