Yoona 11:20 - A̠lyiat A̠gwaza na di̠n Tyap: A̠li̠ka̠uli A̠fai

²⁰ Nang Ma̱rta nfa̱k nyia̱ Yesu chobai a̱ni, a̱ si̱ doot a̱ si̱ nat a̱ san ngguu, a̱ bu tyia̱ nggu a̱la̱baa. A̱ si̱ ghwon Ma̱ryamu a̱mali.

Yoona 11:20 Iomraidhean Croise

Matyu 25:1

“A̱wot á̱ na tyan Tyok Ma A̱gwaza tswazwa hu ma̱ng kidee a̱ka̱neam swak na̱ yet a̱kpa̱ndang mi̱ nyeang a̱ni. Ba̱ ku kyiak fí̱tila mba ji, ba̱ si̱ nat ba̱ myim ma̱ng a̱tyu byia̱ nyeang a̱ni.

Matyu 25:6

“Ma̱ a̱ka̱wa̱tyia̱ a̱tyetuk, á̱ si̱ kan fa̱k nang á̱ yei mi̱ chet nyia̱, ‘Di, a̱tyu byia̱ nyeang wuwa wa wu chobai! Nyi ghwut, nyi san guu!’

Yoona 11:30

Ba̱ng ba̱ ntat jen a̱ja, Yesu ka̱n nwuo a̱da̱dei a̱keang Ba̱ta̱ni wu bah. Nang gu ni̱ nshya̱ di̱n tyan nang Ma̱rta ba̱ myim ma̱ng a̱nggu a̱ni.

Nta̱m A̱yaata̱m 10:25

Jen ji nang Bitut nnwuo a̱mali Ka̱rna̱liyut ka a̱ni, Ka̱rna̱liyut si̱ kin tyia̱ bwop a̱byin, a̱ si̱ kyuak ntong a̱zaghyi Bitut!

Nta̱m A̱yaata̱m 28:15

Nang á̱niet khwi ba̱ shya̱ Rom nfa̱k nkhang nang zi̱ nchobai a̱ni, ba̱ si̱ bai á̱ myim ma̱ng a̱nzi̱t mi̱ a̱gba̱ndang tungga nang á̱ ngyei Forum, ka̱ shya̱ vak hu nang á̱ ngyei A̱biyut a̱ni. Á̱ghyang á̱niet si̱ myim ma̱ng a̱nzi̱t da̱ a̱vwuo nang á̱ ngyei “A̱ka̱chya̱ Khwat Á̱nietchen A̱tat” a̱ni. Nang Bulut ndi ba a̱ni, ba̱ si̱ tyia̱ nggu gba̱gbak. A̱wot a̱ si̱ gwai A̱gwaza.

1 A̱ta̱solonikawa 4:17

A̱jawa nzi̱t á̱niet khwi Yesu ba̱ ni̱ swuan a̱ni, a̱mgba̱m zi̱t ma̱ng a̱mba á̱ na kyiak zi̱t á̱ nat ndyo mi̱ kyai tswazwa, zi̱ si̱ myim ndung ma̱ á̱ni̱nian ma̱ng A̱tyoli Yesu. A̱wot zi̱ na swan ndung ma̱ng a̱nggu si̱ nat sang sangba̱p.