Yoona 11:2 - A̠lyiat A̠gwaza na di̠n Tyap: A̠li̠ka̠uli A̠fai

² Laaza̱rut, a̱ ku nyia̱ ma̱ng zwan ji a̱ni, a̱ ku yet a̱na̱nyiuk Ma̱ryamu wa. (Ma̱ryamu wuni wa, na kwon Yesu a̱sham a̱myia̱ ka, ka̱ nyui turare a̱ni; a̱wot a̱ lyang a̱ti̱tak Yesu ba ma̱ng pyia̱ nggu hu.)

Yoona 11:2 Iomraidhean Croise

Ma̱rkut 14:3

Nang Yesu nshya̱ ma̱ a̱keang Ba̱ta̱ni a̱ fwung a̱mali Siman, a̱tyu a̱ ku mi̱ mbyia̱ gbap a̱ni; a̱byii̱k a̱ghyang si̱ kin neet a̱ bai ma̱ng a̱za̱za̱rak a̱myia̱, nang á̱ ngyei “nar” na̱ byia̱ kurum ba̱t a̱ni, mami sha̱p a̱myia̱ nang á̱ nok ma̱ng nfang a̱la̱basta a̱ni. A̱byii̱k wu si̱ fwuoi a̱nu sha̱p a̱myia̱ ka. A̱ si̱ bwak a̱myia̱ na a̱ koot Yesu ndyo a̱pyia̱.

Luka 7:13

Nang A̱tyoli Yesu ndi a̱byii̱k wu a̱ni, a̱ si̱ fa̱k kunak gu ba̱t, a̱ si̱ nyia̱, “Yok twei bah!”

Luka 7:19

A̱ si̱ ta̱m ba da̱ a̱vwuo A̱tyoli Yesu, ba̱ si̱ lyip gu nyia̱, “Nwan wa yet Kristi wu nang zi̱ swan fwuong chobai nggu hu a̱ni a? Ke zi̱ swan fwuong a̱ghyang a̱niet wa?”

Yoona 11:21

Huhwa Ma̱rta si̱ nyia̱ ma̱ng Yesu a̱ni, “A̱tyoli, ka̱ a wa ku nshya̱, si̱ a̱na̱nyiuk nung wu khwu bah!

Yoona 11:3

Á̱na̱nyiuk a̱nap Laaza̱rut ba si̱ ta̱m da̱ a̱vwuo Yesu nyia̱, “A̱tyoli, a̱kpa̱ndang nang a fa̱k da̱ nggu a̱ni, a̱ fa̱k nyinyang bah.”

Yoona 11:32

Nang Ma̱ryamu si̱ ntat tyan ji Yesu nshya̱ a̱ni, nang gu ndi Yesu a̱ni; a̱ si̱ ka̱n ta̱bwak a̱zaghyi nggu. A̱ si̱ nyia̱ ma̱ng a̱nggu, “A̱tyoli, ka̱ a wa ku nshya̱, si̱ a̱na̱nyiuk nung wu ku khwu bah!”

Yoona 12:3

Ma̱ryamu si̱ doot, a̱ si̱ kyiak sha̱p a̱myia̱ ji byia̱ swam turare a̱ni. A̱wot na̱ si̱ bu byia̱ kurum ba̱t, á̱ ku nyia̱ na ma̱ng nar wa. A̱ si̱ koot a̱sham a̱myia̱ ka da̱ a̱ti̱tak Yesu ba. A̱wot a̱ si̱ fwut ma̱ng pyia̱ nggu hu. Swam a̱sham a̱myia̱ a̱hwa si̱ kai a̱li ka a̱mgba̱m.

Yoona 13:13

Nyi yei nung ‘A̱tyu tyiet’ ma̱ng ‘A̱tyoli.’ Nyi shei cha̱chaat, nyi ghyuap bah. A̱nia wa nang ngyet.

Yoona 13:14

Ka̱ n gyet A̱tyoli nyin ma̱ng A̱tyu tyiet nyin, a̱mgba̱m ma̱ng a̱nia n si̱ nkwi nyin a̱ti̱tak; nyin mameang ku myim nyi kwi á̱ghyang nyin ndyo.