Yoona 11:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ A̱yahudawa ma̱ a̱di̱di̱t ku bai ba̱ byiat Ma̱rta ma̱ng Ma̱ryamu á̱na̱nyiuk mba wu a̱khwu ka.

Yoona 11:19 Iomraidhean Croise

Luka 10:39

A̱wot Ma̱ryamu a̱na̱nyiuk Ma̱rta wu, si̱ swan a̱zaghyi A̱tyoli Yesu a̱ fwuong tyiet nggu hu.

Luka 10:42

Mi̱ kyang nyiung hwa nshya̱ ku yet a̱tan a̱ swak a̱ni. Ma̱ryamu wa ka̱n khai kyang a̱hwa. A̱wot da̱ mba, á̱ na san hu á̱ kai nggu a̱ ghwon bah.”

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 11:1

A̱tyok a̱ghyang ku nshya̱, á̱ si̱ ngyei nggu Laaza̱rut. A̱ ku swan ma̱ a̱bada̱dei a̱keang nang á̱ ngyei Ba̱ta̱ni a̱ni. A̱ si̱ nyia̱ ma̱ng zwan. Ba̱ta̱ni ku yet a̱keang á̱niet Ma̱ryamu ma̱ng a̱na̱nyiuk nggu wu Ma̱rta.

Yoona 11:31

Nang A̱yahudawa ba̱ shya̱ a̱mali ka dundung ma̱ng Ma̱ryamu á̱ byiat gu a̱khwu ka a̱ni, ndi nang gu ndoot ma a̱nggang; ba̱ si̱ ma ndoot ba̱ si̱ khwi ngguu. Ba̱ ku fa nyia̱ a̱ naat ma̱ a̱bi kikya, gu si̱ twei a̱ja.

Yoona 11:33

Nang Yesu ndi Ma̱ryamu twei, a̱ si̱ bu li nang A̱yahudawa ba̱ shya̱ dundung ma̱ng a̱nggu twei a̱ni; fwuo hu si̱ byian ba̱t.

Yoona 11:36

Huhwa si̱ mbyia̱ A̱yahudawa ba si̱ nyia̱, “Nyi li si̱sak ji nang gu nchat gu a̱ni!”

Yoona 11:45

Mat a̱nia A̱yahudawa ma̱ a̱di̱di̱t ba̱ ku bai byiat Ma̱ryamu a̱khwu Laaza̱rut ka a̱ni, nang ba̱ ku ndi kyang hu nang Yesu nyia̱ a̱ni, ba̱ si̱ nwuak fwuo da̱ nggu!

Yoona 11:8

Mman ta̱m nggu na si̱ nyia̱, “A̱tyu tyiet, á̱ ka̱n dabeang bah, mi̱ mam nani nia nang a̱cha̱chet A̱yahudawa ba nchat ba̱ mang ang ma̱ng nfang. Huhwa a bu chat zi̱ bwuok nat a̱ja a?”

A̱romawa 12:15

Nyi gwai dundung ma̱ á̱niet ba̱ shya̱ ma̱ gwai a̱ni. A̱wot á̱niet ba̱ twei a̱ni, nyi twei dundung ma̱ng a̱mba.

2 A̱korontiyawa 1:4

A̱gwaza wa yet a̱tyu shyim fwuo nzi̱t na mami a̱mgba̱m swuo a̱bung nzi̱t hu; da̱nian nzi̱t meang zi̱ ka shyim á̱ghyang á̱niet nfwuo. Jen nang á̱ghyang á̱niet nshya̱ di̱ byian nfwuo á̱ swuo a̱bung a̱ni, zi̱ na shya̱ chet nang zi̱ na ntyei mba shyim fwuo a̱ni; ma̱nang A̱gwaza ka̱n ntyei nzi̱t shyim fwuo a̱ni.

1 A̱ta̱solonikawa 4:18

Mat a̱nia, nyi tyia̱ á̱ghyang nyin gba̱gbak ma̱ng a̱lyiat nani.

1 A̱ta̱solonikawa 5:11

Mat a̱nia, nyi tyia̱ á̱ghyang nyin gba̱gbak. N nyi bu gbi̱ri̱ng á̱ghyang di̱ khwi Yesu, ma̱nang nyi nnyia̱ ma̱ninika a̱ni.