Yoona 11:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ A̱jawa nang Toma, a̱ byia̱ a̱lyoot nggan nang á̱ ngyei “A̱hyaai ka” a̱ni, si̱ nyia̱ ma̱ng á̱kum mman ta̱m ka a̱ni, “Nzi̱t mameang, zi̱t nat zi̱ kwi dundung ma̱ng a̱nggu!”

Yoona 11:16 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 26:35

Bitut si̱ nyia̱ ma̱ng a̱nggu, “Kaai A̱tyoli! Ku n na khwu wa da̱nian ang, n si̱ mi̱n mak fwuo lyen ang bah!” Ma a̱nia wa a̱mgba̱m á̱kum mman ta̱m ka si̱ nhyia̱.

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Luka 22:33

A̱wot Bitut si̱ nyia̱, “A̱tyoli, n da̱p vam, á̱ nyim nung mi̱ jaru ndung ma̱ng a̱nwan! A̱wot ku a̱khwu kya, n khwu ndung ma̱ng a̱nwan!”

Luka 6:15

Matyu, Toma, Yakubu (a̱fai A̱lfayat), Siman (nang á̱ ngyei Za̱loti a̱ni),

Yoona 11:15

A̱wot, n byia̱ a̱sai a̱lyia̱ da̱nian nyin, nang n ku nshya̱ da̱ a̱vwuo kya a̱ni bah; da̱nian nyi ka nwuak fwuo da̱ nung. A̱mgba̱m ma̱ng a̱nia, nyi bai zi̱ nat da̱ a̱vwuo nggu ka.”

Yoona 11:8

Mman ta̱m nggu na si̱ nyia̱, “A̱tyu tyiet, á̱ ka̱n dabeang bah, mi̱ mam nani nia nang a̱cha̱chet A̱yahudawa ba nchat ba̱ mang ang ma̱ng nfang. Huhwa a bu chat zi̱ bwuok nat a̱ja a?”

Yoona 13:37

Bitut si̱ bu lyip Yesu nyia̱, “A̱tyoli nung, yihwa mbyia̱ nang n si̱ mi̱n khwi ang ma̱ninika bah? Di̱ yong huni, n da̱p vam n khwu dundung ma̱ng a̱nwan!”

Yoona 14:5

A̱jawa Toma si̱ nyia̱ ma̱ng Yesu a̱ni, “Nwan A̱tyoli, zi̱ lyen a̱vwuo ka nang a naat a̱ni bah. Zi̱ na nyia̱ ni wa zi̱ ndyen vak hu?”

Yoona 21:2

Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.