Yoona 11:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Huhwa Yesu si̱ tak ma̱ng a̱mba kpa̱sai nyia̱, “Laaza̱rut khwu.

Yoona 11:14 Iomraidhean Croise

Ma̱rkut 8:32

Yesu ku hyia̱ a̱lyiat nani kpa̱sai. A̱wot Bitut si̱ khwat gu da̱ a̱gbang a̱nyiung. A̱ si̱ ta̱bat ngai ma̱ng a̱nggu, nyia̱ gu yok hyia̱ a̱nia bah.

Yoona 10:24

Huhwa a̱cha̱chet A̱yahudawa ba si̱ tyong nggu á̱ keang, ba̱ si̱ nyia̱ ma̱ng a̱nggu, “A̱zatuk kya a na ghwon zi̱t ma̱ a̱di̱dam? Tak ma̱ng a̱nzi̱t kpa̱sai a̱tsak a̱lyiat; nwan wa yet a̱tyu A̱gwaza kup gu tyok hu nang zi̱ fwuong a̱ni a?”

Yoona 11:13

Yesu ku fa Laaza̱rut khwu wa. A̱wot mba mman ta̱m nggu na, ba̱ ku fi̱k kyang hu gu lyiat a̱ni bah. Ba̱ ku fa nyia̱ Laaza̱rut kai nda nia, da̱nian gu ka fwung.

Yoona 11:15

A̱wot, n byia̱ a̱sai a̱lyia̱ da̱nian nyin, nang n ku nshya̱ da̱ a̱vwuo kya a̱ni bah; da̱nian nyi ka nwuak fwuo da̱ nung. A̱mgba̱m ma̱ng a̱nia, nyi bai zi̱ nat da̱ a̱vwuo nggu ka.”

Yoona 16:25

“N ku ndyiat ma̱ng a̱nyin di̱ kidee ja, da̱nian n ka ntyai nyin nkyang nani. A̱wot jen chobai nang n bye ndyiat ma̱ng a̱nyin kuzang kyang kpa̱sai tazwa A̱tyia̱ nung wu a̱ni. N bu bye ndyiat ma̱ng a̱nyin di̱ kidee bah.

Yoona 16:29

Huhwa mman ta̱m Yesu na si̱ nyia̱ ma̱ng a̱nggu a̱ni, “Nhyii! Ma̱nini kya nang a ndyiat ma̱ng a̱nzi̱t kpa̱sai. A bu lyiat ma̱ng a̱nzi̱t di̱ kidee bah.