Yoona 11:11 - A̠lyiat A̠gwaza na di̠n Tyap: A̠li̠ka̠uli A̠fai

¹¹ Nang Yesu ntyak a̱lyiat nani a̱ni, a̱jawa gu nyia̱ ma̱ng a̱mba, “Laaza̱rut, a̱kpa̱ndang nzi̱t wu kai nda. Mat a̱nia, n naat n shyip gu mi̱ nda na.”

Yoona 11:11 Iomraidhean Croise

Matyu 27:52

Bibi si̱ ma nkhwut, a̱wot á̱niet ma̱ a̱di̱di̱t ba̱ yet á̱si̱ A̱gwaza, ba̱ ka̱n kwi a̱ni, si̱ doot ma̱ng swuan!

Matyu 9:24

Yesu si̱ nyia̱ ma̱ng a̱mba, “A̱mgba̱m nyin, nyi ghwut nyi nat ta̱usa! Da̱ a̱vwuo nung, nggwon neam ka ka̱n khwu bah, ka̱ shya̱ mi̱ nda nia.” Nang ba̱ nghwut a̱ni, ba̱ si̱ nwuo mai ngguu mai lihyat.

Ma̱rkut 5:39

A̱ si̱ nwuo a̱mali ka a̱ si̱ nyia̱ ma̱ng a̱mba, “Yihwa mbyia̱ nyi ntyia̱ ma̱ tai bu ntwei? Nggwon ka khwu bah, ka̱ shya̱ mi̱ nda nia.”

Yoona 11:10

A̱wot a̱tyu a̱ chong a̱tyetuk a̱ni, a̱ na tuk tak, mat a̱vwuo ka byia̱ lyin.”

Yoona 11:12

Huhwa mman ta̱m na si̱ nyia̱, “Ki̱ nda nia nang gu kai, a̱ na shyip!”

Yoona 11:13

Yesu ku fa Laaza̱rut khwu wa. A̱wot mba mman ta̱m nggu na, ba̱ ku fi̱k kyang hu gu lyiat a̱ni bah. Ba̱ ku fa nyia̱ Laaza̱rut kai nda nia, da̱nian gu ka fwung.

Yoona 11:3

Á̱na̱nyiuk a̱nap Laaza̱rut ba si̱ ta̱m da̱ a̱vwuo Yesu nyia̱, “A̱tyoli, a̱kpa̱ndang nang a fa̱k da̱ nggu a̱ni, a̱ fa̱k nyinyang bah.”

Yoona 3:29

“A̱tyu a̱ nyia̱ nyeang fai hu a̱ni; nggu wa byia̱ a̱byii̱k wu. A̱kpa̱ndang a̱tyu byia̱ nyeang wu yong kpa̱mkpaan a̱ myiai a̱fufwuo, a̱wot a̱ ni̱ fa̱k a̱lyia̱ sai, ka̱ a̱ fa̱k a̱nwuat a̱tyu byia̱ nyeang ka. Ma a̱nia wa, nung n byia̱ a̱jhyem a̱lyia̱ sai ba̱t.

Nta̱m A̱yaata̱m 7:60

A̱jawa gu si̱ nkpaat a̱khwukhwut, a̱ si̱ naai A̱gwaza ma̱ng a̱gba̱ndang a̱nwuat nyia̱, “A̱tyoli, chi a̱ka̱tuk nyia̱ mba wu!” Nang gu nhyia̱ a̱nia a̱ni, a̱ si̱ khwu.

1 A̱korontiyawa 15:18

Ka̱ ku li a̱nia, ku tak nang a̱mgba̱m á̱niet ba̱ nwuak fwuo di̱ Kristi a̱ni, ba̱ bwuk wa ba̱ng si̱ nat sang sangba̱p!

1 A̱korontiyawa 15:34

Nyi nyia̱ á̱tsatsak a̱di̱dam di̱ kyang ku yet a̱tan a̱ni. A̱wot nyi ghwon a̱ka̱tuk nyia̱. Mat á̱ghyang á̱niet ma̱ nyin lyen A̱gwaza bah, ku yet kyang nsum hwa.

1 A̱korontiyawa 15:51

Nyi fa̱k la! Yok n tyai nyin kyang a̱ga̱de ku shya̱ di̱ niat a̱ni. A̱mgba̱m nzi̱t bya na kwi bah. A̱wot a̱mgba̱m nzi̱t á̱ na shyak nvam nzi̱t na, á̱ ka̱u nzi̱t nvam fai na̱ nwai kwi a̱ni!

A̱fisawa 5:14

Mat sai hu ni̱ tyia̱ á̱ li kuzang kyang kpa̱sai. Huhwa mbyia̱ á̱ nnyia̱, “Nwan a̱tyu a̱ khat nda a̱ni, shyip! Doot ma̱ng swuan ma̱ á̱niet ba̱ ka̱n kwi a̱ni! A̱wot Kristi na tyia̱ sai ku teak tazwa ang!”

1 A̱ta̱solonikawa 5:10

Nggu wa khwu da̱nian nzi̱t, da̱nian ku zi̱ shya̱ ma̱ng swuan ku zi̱ khwu, zi̱ ka swan dundung ma̱ng a̱nggu si̱ nat sang sangba̱p.

Yakubu 2:23

A̱wot a̱ni wa nang á̱ ndyuut ma̱ A̱lyiat A̱gwaza na, nyia̱, “Ibrahim nwuak fwuo da̱ A̱gwaza. A̱wot A̱gwaza si̱ kyiak gu a̱ yet a̱tsotswat a̱yin a̱zaghyi nggu, mat nwuak fwuo nggu hu.” Á̱ si̱ bu ngyei Ibrahim, “A̱kpa̱ndang A̱gwaza.”