Yoona 11:1 - A̠lyiat A̠gwaza na di̠n Tyap: A̠li̠ka̠uli A̠fai

¹ A̱tyok a̱ghyang ku nshya̱, á̱ si̱ ngyei nggu Laaza̱rut. A̱ ku swan ma̱ a̱bada̱dei a̱keang nang á̱ ngyei Ba̱ta̱ni a̱ni. A̱ si̱ nyia̱ ma̱ng zwan. Ba̱ta̱ni ku yet a̱keang á̱niet Ma̱ryamu ma̱ng a̱na̱nyiuk nggu wu Ma̱rta.

Yoona 11:1 Iomraidhean Croise

Matyu 21:17

Nang Yesu nghwon a̱cha̱chet a̱yaapris ma̱ng á̱niet tyiet doka ba a̱ni, a̱ si̱ bwuok a̱ nat a̱keang Ba̱ta̱ni, a̱ si̱si̱ kwai a̱ja.

Ma̱rkut 11:1

Nang ba̱ mbai kpa̱mkpaan ma̱ng Urusha̱lima a̱ni, ba̱ si̱ tat kpa̱mkpaan ma̱ a̱ka̱keang Ba̱ti̱faji ma̱ng Ba̱ta̱ni da̱ a̱beam Tsok Za̱itun. Yesu si̱ ta̱m mman ta̱m gu a̱feang ba̱ shya̱ a̱son gu.

Yoona 11:11

Nang Yesu ntyak a̱lyiat nani a̱ni, a̱jawa gu nyia̱ ma̱ng a̱mba, “Laaza̱rut, a̱kpa̱ndang nzi̱t wu kai nda. Mat a̱nia, n naat n shyip gu mi̱ nda na.”

Yoona 11:18

(A̱keang Ba̱ta̱ni ka shya̱ kpa̱mkpaan ma̱ng Urusha̱lima, ku tat met a̱tat bah).

Yoona 11:19

A̱yahudawa ma̱ a̱di̱di̱t ku bai ba̱ byiat Ma̱rta ma̱ng Ma̱ryamu á̱na̱nyiuk mba wu a̱khwu ka.

Yoona 11:3

Á̱na̱nyiuk a̱nap Laaza̱rut ba si̱ ta̱m da̱ a̱vwuo Yesu nyia̱, “A̱tyoli, a̱kpa̱ndang nang a fa̱k da̱ nggu a̱ni, a̱ fa̱k nyinyang bah.”

Yoona 12:17

Á̱kpa á̱niet ba̱ ku shya̱ dundung ma̱ng Yesu di̱n jen nang gu ku ngyorong Laaza̱rut a̱ si̱ ghwut ma̱ a̱bi ka a̱ni; a̱wot a̱ si̱ bu ta̱ngam guu ma̱ng swuan ma̱ á̱niet ba̱ ka̱n kwi a̱ni; bibya ku yong mi̱ di̱ shei á̱niet ba kpa̱sai tazwa kyang hu nang Yesu ku nyia̱ a̱ni.

Yoona 12:9

Nang A̱yahudawa ma̱ a̱di̱di̱t ku nfa̱k nkhang nyia̱ Yesu shya̱ ma̱ a̱keang Ba̱ta̱ni ka a̱ni; ba̱ si̱ ghwut ba̱ si̱ bai, da̱nian ba̱ ka li Yesu wa ma̱nyin gu bah; ba̱ ku chat ba̱ bu ndi Laaza̱rut wa; a̱tyu nang Yesu ku ta̱ngam ma̱ng swuan ma̱ á̱niet ba̱ ka̱n kwi a̱ni.

Nta̱m A̱yaata̱m 9:37

Mi̱ njen a̱ja, Ta̱bita si̱ nyia̱ ma̱ng zwan, a̱ si̱ khwu. Á̱ si̱ swuo kwom nggu hu da̱nian á̱ ka niat nggu. A̱wot á̱ si̱ myiai kwom gu hu mi̱ nyuo a̱mali tazwa.