Yoona 10:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Yesu ku tak ma̱ng a̱mba kidee jini. Da̱ mba, ba̱ fi̱k kyang hu nang gu lyiat a̱ni bah.

Yoona 10:6 Iomraidhean Croise

Matyu 13:34

Kuzang jen Yesu ku tyiet á̱kpa á̱niet ka di̱ kidee ja ma̱ng nkhang nang si̱ nani a̱ni. A̱tsak a̱lyiat, a̱ ku shei mba nkyang di̱ mi̱ kidee bah.

Matyu 13:51

Yesu si̱ lyip mman ta̱m nggu na nyia̱, “Nyi fi̱k a̱mgba̱m tyiet huni a?” Ba̱ si̱ nwuak gu shim nyia̱, “Ii, zi̱ fi̱k hu.”

Ma̱rkut 4:34

Kang mi̱ kidee ji, a̱ ku lyiat ma̱ng a̱mba bah. A̱wot jen ji gu nshya̱ ma̱nyin gu ma̱ng mman ta̱m nggu na a̱ni, a̱ ni̱ wa̱i mba kidee ji kpa̱sai.

Yoona 16:25

“N ku ndyiat ma̱ng a̱nyin di̱ kidee ja, da̱nian n ka ntyai nyin nkyang nani. A̱wot jen chobai nang n bye ndyiat ma̱ng a̱nyin kuzang kyang kpa̱sai tazwa A̱tyia̱ nung wu a̱ni. N bu bye ndyiat ma̱ng a̱nyin di̱ kidee bah.

Yoona 16:29

Huhwa mman ta̱m Yesu na si̱ nyia̱ ma̱ng a̱nggu a̱ni, “Nhyii! Ma̱nini kya nang a ndyiat ma̱ng a̱nzi̱t kpa̱sai. A bu lyiat ma̱ng a̱nzi̱t di̱ kidee bah.

Yoona 6:52

A̱lyiat nani ku tyia̱ A̱yahudawa ma̱ a̱di̱di̱t si̱ fa̱k a̱lyia̱ ya. Ba̱ si̱ ta̱bat ya fwuang ma̱ng á̱ghyang mba nyia̱, “A̱tyu wuni na nyia̱ ni wa, a̱ nnwuak nzi̱t nam vam gu hu, zi̱ ya?”

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Yoona 7:36

A̱ nyia̱, ‘Nyi na chat nung da̱ nyin nyi na li nung bah. A̱wot a̱vwuo ka nang n naat a̱ni, nyi si̱ mi̱n nat bah.’ Yihwa nang gu fa?”

Yoona 8:27

Ba̱ ku fi̱k nang Yesu ndyiat ma̱ng a̱mba tazwa A̱tyia̱ nggu wu wa a̱ni bah.

Yoona 8:43

Yihwa mbyia̱ nang nyi nnwai fi̱k kyang hu nang n dyiat a̱ni? Mat, nyi chat nyi myiai a̱fufwuo, nyi fa̱k á̱lyiat nung na bah.

1 A̱korontiyawa 2:14

A̱wot á̱niet ba̱ sang A̱za̱za̱rak Ntswa wu a̱ni, ba̱ si̱ mi̱n san a̱chuchuk wuni a̱ neet da̱ a̱vwuo A̱za̱za̱rak Ntswa A̱gwaza a̱ni bah. Mat da̱ a̱vwuo mba a̱chuchuk wu yet bwuon hwa. Da̱ mba, ba̱ si̱ mi̱n fi̱k gu bah. Mat ma̱ á̱niet ba̱ byia̱ A̱za̱za̱rak Ntswa wu a̱ni, bibya ni̱ fi̱k a̱chuchuk A̱gwaza wu nang A̱za̱za̱rak Ntswa wu ni̱ tyai a̱ni.

2 Bitut 2:22

Ba̱ bwuok á̱ nat a̱ka̱tuk nyia̱ nang ba̱ ntsa a̱ni, ku nat cha̱chaat nang á̱ ni̱ nyia̱, “A̱bwu ka̱ kwa̱i a̱ni, ka̱ bu bwuok ka̱ si̱ niai kwa̱i nka hu.” Á̱ bu ni̱ nyia̱ a̱ni, “A̱kusuru nang á̱ swuo a̱ni, a̱ bu bwuok a̱ nat a̱ si̱si̱ byii̱t mi̱ bwang.”

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.