Yoona 10:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Zón seap ji si̱ mi̱n khwi á̱nietchen bah. Ka̱ ji̱ li ngguu ji̱ ni̱ tyong gu, mat ji̱ lyen a̱nwuat á̱nietchen bah.”

Yoona 10:5 Iomraidhean Croise

Ma̱rkut 4:24

Yesu si̱ bu nyia̱ ma̱ng a̱mba a̱ni, “Nyi myiai a̱fufwuo nyi fa̱k shansham! Si̱sak ji nang a myiai a̱fufwuo a̱ni, a̱nia wa a na nfi̱k shansham; a̱wot á̱ na mbeang ang lyen.

Luka 8:18

“Mat a̱nia, nyi ta̱bam ma̱ng si̱sak nang nyi nfwuong a̱lyiat a̱ni. A̱mgba̱m á̱niet ba̱ fwuong tyiet nung hu a̱ni, á̱ na mbeang ba fi̱k hu. A̱wot á̱niet ba̱ nwai fwuong a̱lyiat na a̱ni, a̱mgba̱m kyang ba̱ dam ba̱ fi̱k a̱ni; á̱ na ta̱wap hu á̱ ghwon baa.”

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 10:4

“Ka̱ a̱ ghwut ma̱ng zón seap gu ji ta̱usa, gu khwat a̱son, ji̱ khwi ngguu, mat ji̱ fi̱k a̱nwuat nggu ka.

2 Timoti 4:3

Mat jen na bai nang á̱niet na ndak fa̱k a̱tsatsak tyiet a̱ni. Da̱ a̱kwonu a̱kya, ba̱ khwi shyuo nfwuo mba na. Ma̱nang a̱fufwuo mba ba nsweang a̱ni, ba̱ na khwi á̱niet tyiet nang ba̱ chat a̱ni.

1 Yoona 2:19

Á̱niet lak li Kristi bani ghwut mi̱ susot á̱niet khwi nzi̱t ji ja. A̱wot ba̱ ku shya̱ ndung ma̱ng a̱nzi̱t bah. Ka̱ á̱ wa nyia̱ ba̱ ku shya̱ ndung ma̱ng a̱nzi̱t, si̱ ba̱ na ya a̱son dundung ma̱ng a̱nzi̱t. Nang ba̱ nghwut, ba̱ si̱ ghwon nzi̱t a̱ni, si̱ huni tak kpa̱sai da̱nang ba̱ za ku nshya̱ ndung ma̱ng a̱nzi̱t bah.

1 Yoona 2:21

N dyuut nyin dyo, mat nyi lyen za̱m nang a̱chuchuk wu nvwuon ma̱ng a̱ka̱laa na. N dyuut nyin ndyo mat nyi chyi chuchuk wu wa bah.

Tyai Á̱zanson 2:2

N dyen a̱mgba̱m nta̱m nang nyi nyia̱ a̱ni. N di kwan ma̱ á̱pyia̱ nyin hu, ma̱ng si̱sak nang nyi ngbang a̱lyia̱ ma̱ng nyap fwuo a̱ni. N dyen nang nyi nnyap fwuo ma̱ng á̱ka̱tuk á̱niet bah. Nyi si̱ mak á̱niet ba̱ kyiak á̱pyia̱ mba nang a̱yaata̱m Yesu a̱ni; a̱wot da̱ mba ba̱ yet a̱nia wa bah. Nyi si̱ shya̱ nang ba̱ yet á̱niet bwoi a̱ka̱laa bya.