Yoona 10:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² Da̱ a̱vwuo a̱kya, á̱niet ma̱ a̱di̱di̱t si̱ nwuak fwuo di̱ Yesu.

Yoona 10:42 Iomraidhean Croise

Yoona 11:45

Mat a̱nia A̱yahudawa ma̱ a̱di̱di̱t ba̱ ku bai byiat Ma̱ryamu a̱khwu Laaza̱rut ka a̱ni, nang ba̱ ku ndi kyang hu nang Yesu nyia̱ a̱ni, ba̱ si̱ nwuak fwuo da̱ nggu!

Yoona 12:42

A̱mgba̱m ma̱ng a̱nia, á̱niet ma̱ a̱di̱di̱t si̱ mun nwuak fwuo di̱ Yesu. Mbeang a̱cha̱chet a̱yaakwak a̱son mba ba, ba̱ ku mun a̱ nwuak fwuo di̱ Yesu. A̱wot mat si̱sak nang ba̱ ku nfwuong a̱wun A̱fa̱risawa ba a̱ni; ba̱ ku ghwut kpa̱sai ba̱ si̱ tak nang ba̱ nnwuak fwuo bah; nyia̱ kalak á̱ vwuong mba á̱ ghwut ndyo ma̱ á̱tutu a̱tung A̱yahudawa ba.

Yoona 2:23

Nang Yesu ku nshya̱ ma̱ a̱keang Urusha̱lima di̱n jen A̱yet Ghwut Mman Isi̱rela mi̱ Khwo hu a̱ni, á̱niet ma̱ a̱di̱di̱t ku nwuak fwuo da̱ nggu, mat nkyang a̱ga̱de nang gu nyia̱ a̱ni.

Yoona 4:39

A̱sa̱mariyawa ma̱ a̱di̱di̱t ma̱ a̱keang a̱kya si̱ nwuak fwuo di̱ Yesu, mat si̱sak ji nang a̱nap wu ku nhyia̱ ma̱ng a̱mba, nyia̱: “A̱ hyia̱ ma̱ng a̱nung kuzang kyang nang n ka̱n nyia̱ a̱ni.”

Yoona 4:41

Á̱niet ma̱ a̱di̱di̱t ba̱ ku nwuak fwuo di̱ Yesu a̱ni, ba̱ si̱ mbeang á̱kpa ka, mat a̱sham a̱lyiat nggu ka.

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 8:30

Á̱niet ma̱ a̱di̱di̱t ba̱ si̱ fa̱k nkyang Yesu lyiat a̱ni, ba̱ si̱ nwuak a̱chuchuk da̱ nggu.