Yoona 10:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ “Ka̱ a̱ ghwut ma̱ng zón seap gu ji ta̱usa, gu khwat a̱son, ji̱ khwi ngguu, mat ji̱ fi̱k a̱nwuat nggu ka.

Yoona 10:4 Iomraidhean Croise

Matyu 16:24

Yesu si̱ nyia̱ ma̱ng a̱mgba̱m mman ta̱m nggu na nyia̱, “Ka̱ a̱yin byia̱ a̱di̱dam a̱ khwi nung, ku yet ta hwa gu yok a̱di̱dam chat a̱pyia̱ gu, gu ni̱ nkyiak a̱team a̱khwu nggu wu a̱ faat a̱ khwi nung.

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 10:27

Zón seap nung ji ni̱ myiai a̱fufwuo ji̱ fa̱k a̱nwuat nung ka. N dyen mba. A̱wot ba̱ si̱ khwi nung.

Yoona 10:3

A̱tyu a̱ chok a̱na̱nyuo a̱ta̱mpwom ka a̱ni, ni̱ khwuk gu ndyo. A̱wot zón seap ji ni̱ fa̱k a̱nwuat nggu ka a̱ lyen. A̱wot nggu mameang, a̱ ni̱ yei kuzang zon seap da̱ a̱lyoot ji. A̱ kwak ji a̱son a̱ ghwut ma̱ng a̱nji ta̱usa.

Yoona 10:5

Zón seap ji si̱ mi̱n khwi á̱nietchen bah. Ka̱ ji̱ li ngguu ji̱ ni̱ tyong gu, mat ji̱ lyen a̱nwuat á̱nietchen bah.”

Yoona 10:8

A̱mgba̱m á̱niet ba̱ yet a̱son ka á̱ bai á̱ ghwon nung a̱ni; ba̱ yet á̱tang bya, ma̱ng á̱niet á̱tsaai, mat zón seap ji ku lak fa̱k mba hu.

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 13:15

“N tak nyin kidee ja, da̱nian nyin meang nyi ka nyia̱ di̱ si̱sak ji nang n nnyia̱ nyin ndyo a̱ni.

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 3:29

“A̱tyu a̱ nyia̱ nyeang fai hu a̱ni; nggu wa byia̱ a̱byii̱k wu. A̱kpa̱ndang a̱tyu byia̱ nyeang wu yong kpa̱mkpaan a̱ myiai a̱fufwuo, a̱wot a̱ ni̱ fa̱k a̱lyia̱ sai, ka̱ a̱ fa̱k a̱nwuat a̱tyu byia̱ nyeang ka. Ma a̱nia wa, nung n byia̱ a̱jhyem a̱lyia̱ sai ba̱t.

1 A̱korontiyawa 11:1

Ku myim nyi khwi kidee swat nung ji, ma̱nang n khwi kidee swat Yesu Kristi ji a̱ni.

A̱fisawa 5:1

Nang nyi ngyet mman nang A̱gwaza chat a̱ni. Mat a̱nia, nyi kwan nyi tai nggu, di̱ kuzang kyang nang nyi nyia̱ a̱ni.

Ibriniyawa 12:2

Yok zi̱ tyia̱ a̱di̱dam nzi̱t wu di̱ Yesu kuzang jen. Nggu wa yet a̱gwak a̱ tsa nwuak fwuo da̱ A̱gwaza nzi̱t wu. A̱wot nggu wa bu na tyia̱ nwuak fwuo nzi̱t hu ku ngyet a̱tsatsak. Mat a̱lyia̱ sai nang Yesu na shya̱ á̱zanson a̱ni, a̱ ku gbang a̱lyia̱ nang á̱ nkpang nggu da̱ a̱team a̱khwu a̱ni. Á̱niet ba ku kyiak nang a̱khwu da̱ a̱team a̱khwu ngyet a̱ka̱tuk kyang nsum wa; a̱wot Yesu si̱ kyiak a̱nia bah. Ma̱ninika, Yesu swan a̱zayak da̱ a̱vwuo shi da̱ a̱beam a̱gba̱ndang chuk Tyok A̱gwaza ji.

Ibriniyawa 6:20

Yesu wa ka̱n khwat a̱son zi̱t. A̱ si̱ nwuo ma̱ A̱za̱za̱rak A̱swang wu da̱nian nzi̱t. Mat nggu wa ka̱n gyet A̱gba̱ndang Pris sang sangba̱p, ma̱nang tangka̱i pris ku neet mi̱ sot a̱yaapris Ma̱lkiza̱dek a̱ni.

1 Bitut 2:21

Mat A̱gwaza yei nyin nyi nyia̱ a̱tan nta̱m, ku di̱ ta̱m hu na yet nyin si̱ swuo a̱bung hwa, ma̱nang Kristi ku nswuo a̱bung da̱nian nyin a̱ni. Nggu wa yet nyin kidee ji. A̱wot ku yet ta hwa nyi khwi ngguu.

1 Bitut 4:1

Mat a̱nia, nang Yesu nswuo a̱bung mi̱ vam a̱ni, ku yet ta hwa nyi yong mi̱ chet ma̱nang a̱nggu a̱ni. A̱wot nyi swan ma̱ng la̱p vam fwuong swuo a̱bung meang. Mat ka̱ nyi swuo a̱bung da̱nian Kristi, ku tak nang a̱ka̱tuk nyia̱ bu byia̱ tyok tazwa nyin bah.

1 Bitut 5:3

Nyi yok chat nyia̱ á̱niet ba nang á̱ tyei nyin ndyo mbwak a̱ni tyok mi̱ chet bah. A̱wot yok swat nyin hu nang a̱tyu kwak a̱son ku yet a̱tsatsak kidee nang ba̱ na khwi a̱ni.