Yoona 10:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ Huhwa A̱yahudawa ba si̱ bu kyiak nfang nang ba̱ na mmang nggu a̱ni.

Yoona 10:31 Iomraidhean Croise

Matyu 12:14

A̱wot A̱fa̱risawa ba si̱ yorong a̱tung, ba̱ si̱ la̱p si̱sak nang ba̱ na nhyat Yesu a̱ni.

Matyu 21:35

A̱wot á̱niet khap a̱bya, si̱ ya̱baat á̱khwo a̱tyoli ba. Ba̱ si̱ tsot a̱tyo nyiung, ba̱ si̱ hyat a̱ghyang, a̱wot ba̱ si̱ mang a̱khwo a̱ghyang ma̱ng nfang á̱ hyat.

Matyu 23:35

Mat a̱nia, á̱ na ba̱ng nyin mat hyaai a̱mgba̱m á̱tsotswat á̱niet mi̱ kuzang che mi̱ swanta! Neet di̱ hyat Habila a̱ ku yet a̱tsotswat a̱ni, ba̱ng si̱ nat Za̱ka̱riya a̱fai Ba̱rikiya, a̱tyu nyi ku hyat A̱mali Nwuat Za̱nang A̱gwaza ka a̱ni, ma̱ka̱wa̱tyia̱ A̱swang ka̱ yet A̱za̱za̱rak A̱ Swak ma̱ng a̱tyii za̱nang wu a̱ni.

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 10:24

Huhwa a̱cha̱chet A̱yahudawa ba si̱ tyong nggu á̱ keang, ba̱ si̱ nyia̱ ma̱ng a̱nggu, “A̱zatuk kya a na ghwon zi̱t ma̱ a̱di̱dam? Tak ma̱ng a̱nzi̱t kpa̱sai a̱tsak a̱lyiat; nwan wa yet a̱tyu A̱gwaza kup gu tyok hu nang zi̱ fwuong a̱ni a?”

Yoona 10:32

A̱jawa, Yesu si̱ nyia̱ ma̱ng a̱mba, “N ka̱n nyia̱ a̱tan nta̱m ma̱ a̱di̱di̱t nang A̱tyia̱ nung wu nwuak nung n nyia̱ a̱ni a̱zaghyi nyin. Zang huhwa nang n nyia̱, nang nyi nchat mang nung ma̱ng nfang na?”

Yoona 11:8

Mman ta̱m nggu na si̱ nyia̱, “A̱tyu tyiet, á̱ ka̱n dabeang bah, mi̱ mam nani nia nang a̱cha̱chet A̱yahudawa ba nchat ba̱ mang ang ma̱ng nfang. Huhwa a bu chat zi̱ bwuok nat a̱ja a?”

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 8:59

Nang ba̱ nfa̱k a̱nia a̱ni, ba̱ si̱ kyiak nfang, ba̱ na mmang guu. Yesu si̱ tyia̱ ghyuai a̱ ghwut mi̱ didyaat A̱li Nwuat Za̱nang A̱gwaza hu.

Nta̱m A̱yaata̱m 7:52

Á̱ ku mbyia̱ a̱ta̱m a̱kwonu A̱gwaza a̱nyiung nang a̱yaatyia̱ a̱khwop nyin ba ku nwai ya̱shuk a̱ni a̱?! A̱wot ba̱ ku mun á̱ hyaai a̱yaata̱m a̱kwonu A̱gwaza ba, ba̱ ku shei á̱zanson di̱ chobai A̱tsotswat A̱khwo A̱gwaza wu! Nggu wa yet Kristi nang nyi ku lyap, nyi si̱ hyat a̱ni.