Yoona 10:3 - A̠lyiat A̠gwaza na di̠n Tyap: A̠li̠ka̠uli A̠fai

³ A̱tyu a̱ chok a̱na̱nyuo a̱ta̱mpwom ka a̱ni, ni̱ khwuk gu ndyo. A̱wot zón seap ji ni̱ fa̱k a̱nwuat nggu ka a̱ lyen. A̱wot nggu mameang, a̱ ni̱ yei kuzang zon seap da̱ a̱lyoot ji. A̱ kwak ji a̱son a̱ ghwut ma̱ng a̱nji ta̱usa.

Yoona 10:3 Iomraidhean Croise

Yoona 10:14

“Nung gwa ngyet a̱tan a̱tyu chok wu. N dyen zón seap nung ji, a̱wot ji̱ si̱ lyen nung.

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 10:4

“Ka̱ a̱ ghwut ma̱ng zón seap gu ji ta̱usa, gu khwat a̱son, ji̱ khwi ngguu, mat ji̱ fi̱k a̱nwuat nggu ka.

Yoona 10:9

Nung gwa ngyet a̱na̱nyuo ka. Konyan wa nwuo da̱ a̱na̱nyuo ka, a̱ na shya̱ san. A̱ na nwuai a̱ ghwut, a̱ shyat nkyang nang gu chat a̱ni.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:45

“A̱ta̱m a̱kwonu A̱gwaza ma̱ a̱di̱di̱t ku lyuut nyia̱, ‘A̱mgba̱m á̱niet ba, A̱gwaza wa na tyiet mbaa.’ Konyan wa fa̱k, a̱wot a̱ si̱ myiam da̱ a̱vwuo A̱tyia̱ nung ka; a̱tyu a̱wa na bai da̱ a̱vwuo nung.

A̱romawa 8:30

A̱wot á̱niet ba nang A̱gwaza khai a̱ni, bibya gu yorong ba̱ bai da̱ a̱vwuo nggu. A̱wot á̱niet ba nang gu yorong a̱ni, a̱ si̱ tak kpa̱sai nang gu nkyiak mbaa á̱tsotswat á̱niet ma̱ng sang a̱bun a̱zaghyi nggu. A̱wot á̱niet ba nang gu tak kpa̱sai nang gu nkyiak mba á̱tsotswat á̱niet ma̱ng sang a̱bun a̱zaghyi nggu a̱ni, a̱ si̱ nang mba a̱kyenkyai shi nggu wu.

1 A̱korontiyawa 16:9

Mat á̱ nwuak nung a̱gba̱ndang a̱wat di̱ nyia̱ á̱tsatsak nta̱m shei A̱lyiat A̱gwaza a̱ji, ku nang á̱niet ma̱ a̱di̱di̱t nyia̱ fi̱p ma̱ng a̱nung a̱ni.

A̱filibiyawa 4:3

Nwan a̱tsotswat a̱kpa̱ndang ta̱m nung, beang á̱nyiuk bani, mat ba̱ ka̱n nyia̱ ta̱m za̱m ma̱ng a̱nung di̱ beang ya a̱son shei A̱sham Nkhang Yesu ka. Ba̱ ku nyia̱ ta̱m hu dundung ma̱ng Ka̱la̱men mbeang á̱kum á̱kpa̱ndang ta̱m nung ba, nang á̱ lyuut lyulyoot mba hu mi̱ Ta̱ka̱da Nswuan hu a̱ni.

A̱kolosiyawa 4:3

Nyi ni̱ nnaai A̱gwaza da̱nian nzi̱t meang, da̱nian gu ka nwuak nzi̱t a̱ka̱wat nang zi̱ na nshei la̱p sak nggu hu ku shya̱ di̱ niat tazwa Kristi a̱ni. Mat shei a̱lyiat huni hwa mbyia̱, nang n ni̱ shya̱ a̱ji di̱ la̱p ma̱ng a̱nyanyang mi̱ jaru ji.

2 Timoti 2:19

A̱mgba̱m ma̱ng a̱nia, á̱niet khwi nggu ba li nang a̱fang tsa a̱tyin kuntyin nok nang A̱gwaza wu kpaat a̱ni. Á̱ si̱ mi̱n zwun ka bah. A̱wot a̱lyiat nani nia nang á̱ lyuut tazwa nka nyia̱, “A̱gwaza wu lyen á̱si̱ ba̱ yet á̱si̱ nggu a̱ni,” a̱wot, “Konyan wa nyia̱ a̱ khwi A̱gwaza a̱ni, ku yet ta hwa gu ghwon a̱ka̱tuk nyia̱.”

1 Bitut 1:12

A̱gwaza si̱ tak ma̱ng a̱yaata̱m a̱kwonu nggu ba da̱nang a̱lyiat na mbai da̱nian mba kya bah. A̱wot na̱ bai da̱nian nyin kya. Ma̱ninika, á̱ ka̱n tak nyin A̱sham Nkhang kani neet da̱ a̱vwuo a̱yaata̱m nggu ba. Ba̱ shei nka mami chet A̱za̱za̱rak Ntswa nang á̱ ta̱m ndyo neet Ma A̱gwaza tswazwa a̱ni. Shei a̱lyiat A̱gwaza hu yet kyang a̱ga̱de hwa nang a̱yaata̱m tswá A̱gwaza ba nswan á̱ cham ma̱ng di̱dang, a̱lyiat a̱nia na̱ bai da̱ a̱nu ka.

1 Yoona 4:6

A̱wot nzi̱t, zi̱ yet á̱niet A̱gwaza bya. Á̱niet ba̱ lyen A̱gwaza a̱ni, ni̱ myiai a̱fufwuo ba̱ fa̱k kyang nang zi̱ lyiat a̱ni. Ma a̱nia wa, á̱niet da̱ ba̱ lyen A̱gwaza a̱ni bah, ba̱ ni̱ fa̱k kyang nang zi̱ lyiat a̱ni bah. A̱nia wa nang zi̱ na ndyen ka̱ a̱yin ni̱ lyiat a̱ si̱ tyiet cha̱chaat da̱ a̱kwonu A̱za̱za̱rak Ntswa a̱ tyai a̱chuchuk a̱ni, ma̱ng si̱ ji ji̱ yet si̱ laai á̱niet a̱ni.

3 Yoona 1:14

Mat n tyia̱ fwuo ka̱ á̱ labeang bah, n na ndi nyin, a̱wot zi̱ na lyiat ma̱ng á̱ghyang a̱ghyi ma̱ng a̱ghyi.

Tyai Á̱zanson 20:15

Konyan wa da̱nang á̱ lyuut a̱lyoot nggu ka mami Ta̱ka̱da Nswuan hu a̱ni bah; á̱ na ta gu mami a̱gba̱ndang tswa a̱nga̱ngak ndong sang sangba̱p.

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.

Tyai Á̱zanson 7:17

Mat Fi̱ng A̱nfwuk hu ku yong da̱ a̱beam a̱gba̱ndang chuk tyok wu a̱ni, nggu wa na chok ba! A̱ bu nat ma̱ a̱mba di̱ nnang a̱sa̱khwot nwuat swuan. A̱wot A̱gwaza na lyang mba kuzang ndang a̱ghyi ma̱ á̱ghyi mba ba!”