Yoona 10:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Yoona 10:28 Iomraidhean Croise

Ma̱rkut 13:22

Mat á̱niet bwoi a̱ka̱laa ba̱ kyiak nyia̱ ba̱ yet A̱gwam Kristi; ma̱ng á̱niet ba̱ kyiak nyia̱ bibya yet á̱tsak a̱yaata̱m a̱kwonu A̱gwaza, na ghwut kpa̱sai. Ba̱ nyia̱ nkyang a̱ri̱bi̱di ma̱ng a̱ga̱de, ba̱ ka laai á̱niet nang A̱gwaza khai a̱ni, ka̱ ba̱ shya̱ a̱wat ka.

Luka 23:46

A̱jawa Yesu si̱ kin ngyorong ma̱ng a̱gba̱ndang a̱nwuat nyia̱, “A̱tyia̱ nung, n neap swuan nung ji mbwak ang!” Nang gu nhyia̱ a̱nia a̱ni, a̱ si̱ khwat a̱mgba̱m swuan nggu wu, a̱ si̱ khwu.

Yoona 10:29

A̱tyia̱ nung wu a̱ nwuak nung mba a̱ni, a̱ swak ma̱ng shi hu. A̱wot á̱ byia̱ a̱tyu á̱ na ta̱wap mba bwak A̱tyia̱ nung ka a̱ni bah.

Yoona 11:25

Yesu si̱ nyia̱ ma̱ng a̱nggu a̱ni, “Nung gwa ngyet a̱tyu ya̱ngam á̱niet ba̱ ka̱n kwi a̱ni ma̱ng swuan. Nung gwa si̱ bu ngyet swuan ji. A̱tyu a̱ nwuak fwuo da̱ nung a̱ni, a̱ na shya̱ swuan, ku nang gu khwu.

Yoona 14:19

N bwat a̱banjen ma̱ chunchwiit á̱niet mi̱ swanta ba bu na li nung bah. A̱wot nyin, nyi na li nung. Mat nang nung nshya̱ ma̱ng swuan a̱ni; ma a̱nia wa, nyin mameang nyi na nswuan.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 18:9

Yesu ku hyia̱ a̱lyiat nani, da̱nian na̱ ka nat cha̱chaat ma̱ng a̱lyiat na nang gu ku mi̱ nhyia̱ ma̱ng a̱mba nyia̱, “A̱tyia̱, mami á̱niet ba nang a nwuak nung a̱ni; a̱tyo nyiung ma̱ng a̱mba, na bwuk bah.”

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 5:24

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

Yoona 6:27

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:47

“A̱chuchuk wa za̱m n chat n tak ma̱ng nyin; a̱tyu a̱ nwuak fwuo da̱ nung a̱ni, a̱ byia̱ swuan sang sangba̱p.

Yoona 6:68

Bitut si̱ nwuak gu shim nyia̱, “A̱tyoli, da̱ a̱vwuo a̱nyan kya zi̱ na nnat? Nwan wa byia̱ á̱lyiat na̱ nwuat swuan sang sangba̱p a̱ni.

Nta̱m A̱yaata̱m 7:59

Nang ba̱ ku mmang Itifanut ma̱ng fang na a̱ni, a̱ si̱ naai A̱gwaza nyia̱, “A̱tyoli Yesu, san ntswa nung ji!”

A̱romawa 5:17

Ma a̱nia wa, jen nang a̱tyo nyiung nang á̱ ngyei A̱da̱mu nnyia̱ a̱ka̱tuk nyia̱ a̱ni, a̱ si̱ tyia̱ a̱khwu si̱ nyia̱ tyok tazwa konyan. A̱mgba̱m ma̱ng a̱nia, ku yet a̱tsatsak a̱lyiat wa á̱ swak, nyia̱ á̱niet ba ba̱ san a̱gba̱ndang shok ma̱ng za̱nang yet á̱tsotswat a̱zaghyi nggu a̱ni, ba̱ na shya̱ swuan swai. Ba̱ nyia̱ tyok tazwa a̱ka̱tuk nyia̱ ma̱ng a̱khwu, mat a̱tyo nyiung wuni, nggu wa yet Yesu Kristi.

A̱romawa 5:2

Mat nang zi̱ nnwuak fwuo da̱ A̱gwaza a̱ni, Kristi si̱ nyia̱ nzi̱t shok. A̱ si̱ nang nzi̱t a̱wat zi̱ shya̱ a̱vwuo yong a̱zaghyi nggu. A̱ja wa nang zi̱ nshya̱ ma̱nini. A̱wot zi̱ ntyia̱ fwuo ma̱ng a̱gwai. Zi̱ nwuan á̱zanson nang zi̱ na nshya̱ shi A̱gwaza hu a̱ni.

A̱romawa 5:21

Ma a̱nia wa, ma̱ninika, ma̱nang a̱ka̱tuk nyia̱ wu nnyia̱ tyok tazwa a̱mgba̱m á̱niet ba a̱ni, a̱wot a̱ si̱ tyia̱ mba a̱khwu ka a̱ni; ma a̱nia wa, a̱gba̱ndang shok A̱gwaza wu nnyia̱ tyok tazwa nzi̱t da̱ a̱kwonu a̱ka̱tuk nyia̱. A̱wot shok A̱gwaza ji si̱ tyia̱ nang A̱gwaza ntak kpa̱sai nang gu nkyiak zi̱t zi̱ yet á̱tsotswat á̱niet ma̱ng sang a̱bun bya a̱zaghyi nggu. Shok jini bu tyia̱ nang zi̱ nshya̱ swuan sang sangba̱p di̱ mun á̱pyia̱ ma̱ng Yesu Kristi a̱ yet A̱tyoli nzi̱t wu a̱ni.

A̱romawa 5:9

A̱wot nang A̱gwaza wa ntak kpa̱sai nang gu nkyiak zi̱t á̱tsotswat á̱niet ma̱ng sang a̱bun a̱zaghyi nggu, mat a̱sok Kristi na a̱ni, a̱tsak a̱lyiat, ku fa za̱m á̱ na ti̱n nzi̱t di̱ shi̱ri̱ya nang gu na nyia̱ ma̱ng mwai lyen nggu hu a̱ni.

A̱romawa 6:23

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

A̱romawa 8:1

Mat a̱nia, ma̱ninika á̱ byia̱ shi̱ri̱ya a̱khwu tazwa á̱niet ba̱ mun á̱pyia̱ ma̱ng Kristi Yesu a̱ni bah.

A̱romawa 8:29

A̱tsak a̱lyiat, A̱gwaza ku mi̱ ndyen tangka̱i á̱niet nang á̱niet nggu ba na yet á̱zanson a̱ni. A̱wot a̱ si̱ mi̱ nkhai mba neet gbangbang ba̱ li nang Nggwon nggu ka a̱ni. Da̱nian Nggwon nggu kikya ka̱ ka yet a̱niet khwop wu mami á̱na̱nyiuk ma̱ a̱di̱di̱t, á̱sam ma̱ng á̱nap.

A̱filibiyawa 1:6

A̱wot n nwuak a̱chuchuk, A̱gwaza a̱ tsa a̱ta̱n ta̱m mami nfwuo nyin na a̱ni, a̱ na ya a̱son ma̱ng ta̱m nggu hu, si̱ nang gu tyak hu a̱tuk nang Kristi Yesu na mbwuok a̱ bai a̱ni.

2 A̱ta̱solonikawa 2:13

Á̱niet khwi Yesu ba nang n chat a̱ni, ku yet ta hwa zi̱ gwai A̱gwaza da̱nian nyin kuzang jen. Zi̱ gwai nang A̱gwaza nchat nyin, a̱wot a̱ ku khai nyin, nyin bya nyi tsa shya̱ swuan sang sangba̱p ji. Mat A̱za̱za̱rak Ntswa ja̱u nyin nyi ka yet á̱za̱za̱rak á̱niet, mat nwuak a̱chuchuk nyin hu da̱ a̱tsatsak a̱lyiat wu.

1 Timoti 1:16

A̱mgba̱m ma̱ng a̱nia, A̱gwaza si̱ fa̱k kunak nung; da̱nian nung, n gyet a̱gwak wu swak ma̱ng nyia̱ a̱ka̱tuk hu a̱ni, Yesu Kristi si̱ tak nyap fwuo nggu hu ku nwai tyiai a̱ni da̱ nung. Huhwa, á̱ghyang á̱niet na fi̱k nang n gyet kidee di̱ si̱sak ji nang ba̱ na nnwuak fwuo da̱ nggu, ba̱ shya̱ swuan sang sangba̱p a̱ni mameang.

2 Timoti 1:12

Huhwa mbyia̱ nang n swuo a̱bung kani. A̱mgba̱m ma̱ng a̱nia, n fa̱k nsum bah. Mat n dyen a̱tyu nang n nwuak fwuo da̱ nggu a̱ni. A̱wot n bu ngbang a̱lyia̱ a̱ maai a̱ chok A̱sham Nkhang ka nang nggu tyia̱ nung ndyo mbwak a̱ni, si̱ nat mam hu nang gu na mbwuok a̱ bai a̱ni.

Ibriniyawa 7:25

Mat a̱nia, kuzang jen Yesu byia̱ chet a̱ maai a̱ san á̱niet ba, ba̱ bai da̱ a̱vwuo A̱gwaza mami a̱lyoot nggu ka a̱ni. Mat a̱ ni̱ swuan si̱ nat sang sangba̱p. A̱wot a̱ ni̱ naai A̱gwaza da̱nian mbaa.

1 Bitut 1:5

A̱wot mat si̱sak nang zi̱ nnwuak fwuo da̱ A̱gwaza a̱ni, a̱ si̱ chok zi̱t ma̱ng chet nggu hu, si̱ nang zi̱ nsan swuan sang sangba̱p ngaan ji, nang gu sak a̱ na tyai kpa̱sai, konyan a̱ ka lii da̱ ngaan jen wu a̱ni.

1 Yoona 1:2

A̱tyu wuni a̱ yet a̱tsak Nswuan a̱ni, á̱ ku tyai nzi̱t nggu kpa̱sai. Zi̱ si̱ li ngguu, zi̱ si̱ lyiat tazwa nggu. Zi̱ si̱ shei ma̱ng a̱nyin nang nggu wa ngyet swuan sang sangba̱p ji, a̱ ni̱ shya̱ ma̱ng A̱tyia̱ wu a̱ni. Nggu wa nang á̱ ba̱ tyai nzi̱t ndyo.

1 Yoona 2:19

Á̱niet lak li Kristi bani ghwut mi̱ susot á̱niet khwi nzi̱t ji ja. A̱wot ba̱ ku shya̱ ndung ma̱ng a̱nzi̱t bah. Ka̱ á̱ wa nyia̱ ba̱ ku shya̱ ndung ma̱ng a̱nzi̱t, si̱ ba̱ na ya a̱son dundung ma̱ng a̱nzi̱t. Nang ba̱ nghwut, ba̱ si̱ ghwon nzi̱t a̱ni, si̱ huni tak kpa̱sai da̱nang ba̱ za ku nshya̱ ndung ma̱ng a̱nzi̱t bah.

1 Yoona 2:25

Di̱ mun á̱pyia̱ huni hwa nang Kristi nnyia̱ nzi̱t a̱li̱ka̱uli swuan sang sangba̱p ji.

1 Yoona 5:11

A̱wot a̱lyiat na A̱gwaza tak zi̱t a̱ni ni̱nia yet: A̱gwaza nang nzi̱t swuan sang sangba̱p. A̱wot swuan jini nang á̱ shyat di̱ mun á̱pyia̱ ma̱ng Nggwon nggu kikya.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.

Yahuda 1:21

Nyi bu ni̱ nchok á̱pyia̱ nyin. Nyi yong mi̱ chet mami chat A̱gwaza hu. Nyi bu ni̱ nswan, nyi fwuong jen nang A̱tyoli Yesu Kristi na mbwuok a̱ bai, da̱nian zi̱ ka swuan si̱ nat sang sangba̱p dundung ma̱ng a̱nggu, mat nang gu nfwuong kunak zi̱t a̱ni.

Yahuda 1:24

Ma̱ninika, yok a̱mgba̱m a̱kyenkyai shi a̱ yet a̱si̱ A̱gwaza a̱ni, nggu wa maai a̱ byia̱k nyin nyi du ga̱u; a̱wot a̱ bu bai ma̱ng a̱nyin ma̱ng a̱gba̱ndang a̱gwai mami a̱kyenkyai shi nggu wu nang á̱niet sang a̱bun a̱zaghyi nggu a̱ni.