Yoona 10:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ Zón seap nung ji ni̱ myiai a̱fufwuo ji̱ fa̱k a̱nwuat nung ka. N dyen mba. A̱wot ba̱ si̱ khwi nung.

Yoona 10:27 Iomraidhean Croise

Matyu 16:24

Yesu si̱ nyia̱ ma̱ng a̱mgba̱m mman ta̱m nggu na nyia̱, “Ka̱ a̱yin byia̱ a̱di̱dam a̱ khwi nung, ku yet ta hwa gu yok a̱di̱dam chat a̱pyia̱ gu, gu ni̱ nkyiak a̱team a̱khwu nggu wu a̱ faat a̱ khwi nung.

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 25:12

“A̱wot a̱tyu byia̱ nyeang wu si̱ nyia̱ ma̱ng a̱mba, N tak nyin a̱tsak a̱lyiat, n mbyia̱ a̱ka̱ta ma̱ng a̱nyin bah!

Matyu 7:23

A̱wot nung meang, n na nwuak ba shim nyia̱, ‘N dyen nyin bah, nyi tyong nyi ghwon nung, nyin á̱niet lak khwi doka A̱gwaza.’

Ma̱rkut 10:21

Nang Yesu nnwuan gu a̱ni, a̱ si̱ fa̱k da̱ nggu ba̱t. Huhwa gu nyia̱ ma̱ng fi̱ng a̱tyu a̱hwa, “Kyang nyiung hwa bwat ang. Nat a si̱ lyap a̱mgba̱m nkyang zwa ang na a ka̱u á̱kunak kurum hu, a̱wot a na byia̱ zwá Ma A̱gwaza tswazwa. A sii bai a khwi nung.”

Ma̱rkut 8:34

A̱jawa Yesu si̱ yorong á̱kpa á̱niet ka ba̱ bai ndung ma̱ng mman ta̱m nggu na, a̱ si̱ nyia̱ ma̱ng a̱mba, “Ka̱ a̱yin byia̱ di̱dang a̱ khwi nung, ku yet ta hwa gu lak a̱di̱dam chat a̱pyia̱ nggu, a̱ faat a̱team a̱khwu nggu wu, a̱ khwi nung.

Luka 13:27

“A̱wot a̱tyoli wu bu na nwuak nyin shim nyia̱, ‘Yok n bu ntak ma̱ng a̱nyin; n dyen nyin bah za̱m! Nyin á̱niet a̱ka̱tuk nyia̱, nyi doot a̱ji nyi ghwon nung!’

Luka 9:23

A̱wot Yesu si̱ bu nyia̱ ma̱ng á̱kpa á̱niet ka, “Ka̱ a̱yin ma̱nyin chat khwi nung, ku yet gu ta hwa, gu yok chat a̱pyia̱ nggu bah; gu kyiak a̱team a̱khwu nggu wu a̱ faat kuzang a̱tuk, a̱ khwi nung.

Yoona 10:14

“Nung gwa ngyet a̱tan a̱tyu chok wu. N dyen zón seap nung ji, a̱wot ji̱ si̱ lyen nung.

Yoona 10:16

N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 10:8

A̱mgba̱m á̱niet ba̱ yet a̱son ka á̱ bai á̱ ghwon nung a̱ni; ba̱ yet á̱tang bya, ma̱ng á̱niet á̱tsaai, mat zón seap ji ku lak fa̱k mba hu.

Yoona 12:26

Konyan wa nyia̱ nung ta̱m a̱ni, ku yet ta hwa gu khwi nung. Mat a̱mgba̱m a̱vwuo ka nang n shya̱ a̱ni, a̱ja wa nang a̱khwo nung wu na nshya̱ dundung ma̱ng a̱nung. A̱tyia̱ nung wu mameang, na nwuak a̱tyu a̱ nyia̱ nung ta̱m a̱ni shi.”

Yoona 21:22

Yesu si̱ nwuak gu shim, nyia̱, “Ka̱ n shim gu ndyo nyia̱ a̱ na swuan si̱ nat jen n na mbwuok a̱ni; yihwa ngyet si̱ nwan hu? Nwan, khwi ma̱ nung!”

Yoona 5:25

“N tak nyin a̱tsatsak a̱lyiat; jen na bai, a̱wot ma̱ninika ji̱ wa ka̱n nyia̱, nang á̱niet ba̱ ka̱n kwi a̱ni na nfa̱k a̱nwuat Nggwon A̱gwaza. A̱wot á̱niet ba̱ fa̱k a̱ni, ba̱ na shya̱ swuan.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 8:43

Yihwa mbyia̱ nang nyi nnwai fi̱k kyang hu nang n dyiat a̱ni? Mat, nyi chat nyi myiai a̱fufwuo, nyi fa̱k á̱lyiat nung na bah.

Nta̱m A̱yaata̱m 3:23

Musa si̱ bu nyia̱, ‘A̱tyu a̱ lak myiai a̱fufwuo a̱ si̱ fa̱k a̱ta̱m a̱kwonu A̱gwaza a̱wa a̱ni, á̱ na fi̱n nggu á̱ ghwut ndyo ma̱ á̱niet A̱gwaza ba!’

1 A̱korontiyawa 8:3

A̱wot a̱tyu a̱ chat A̱gwaza a̱ni, nggu wa nang A̱gwaza wu lyen.

A̱ga̱la̱tiyawa 4:9

A̱wot ma̱ninika, nang nyi ndyen A̱gwaza a̱ni, (n fa nang A̱gwaza wa ndyen nyin a̱ni); yihwa mbyia̱ nang nyi nchat bwuok lilyim nyi khwi a̱buk taada ma̱ng doká swanta da̱ ji̱ byia̱ nyin kpangti̱n a̱ni bah?

2 Timoti 2:19

A̱mgba̱m ma̱ng a̱nia, á̱niet khwi nggu ba li nang a̱fang tsa a̱tyin kuntyin nok nang A̱gwaza wu kpaat a̱ni. Á̱ si̱ mi̱n zwun ka bah. A̱wot a̱lyiat nani nia nang á̱ lyuut tazwa nka nyia̱, “A̱gwaza wu lyen á̱si̱ ba̱ yet á̱si̱ nggu a̱ni,” a̱wot, “Konyan wa nyia̱ a̱ khwi A̱gwaza a̱ni, ku yet ta hwa gu ghwon a̱ka̱tuk nyia̱.”

Ibriniyawa 3:7

Mat a̱nia, ma̱nang A̱za̱za̱rak Ntswa wu nhyia̱ a̱ni, “A̱fwun, ka̱ nyi fa̱k a̱nwuat A̱gwaza ka,

Tyai Á̱zanson 14:4

Á̱niet bani yet á̱za̱za̱rak bya, nang a̱tyok ku a̱byii̱k a̱ ka̱ nwai lyen a̱byii̱k ku a̱tyok a̱ni bah. Bibya khwi Fi̱ng A̱nfwuk hu a̱mgba̱m a̱vwuo ka gu naat a̱ni. Bibya nang á̱ san mami á̱niet swanta ba, nang á̱tsatsak za̱náng á̱ neap A̱gwaza ma̱ng Fi̱ng A̱nfwuk hu a̱ni.

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.