Yoona 10:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ Yesu si̱ nwuak ba shim nyia̱, “N wa ka̱n tak ma̱ng a̱nyin. A̱mgba̱m ma̱ng a̱nia, nyi si̱ lak nwuak fwuo hu da̱ nung. Nkyang a̱ga̱de na nang n nyia̱ da̱ a̱lyoot A̱tyia̱ nung ka a̱ni, ni̱nia lyiat a̱kwonu nung ka, na̱ si̱ bu shei kyang hu nang n gyet a̱ni.

Yoona 10:25 Iomraidhean Croise

Yoona 10:32

A̱jawa, Yesu si̱ nyia̱ ma̱ng a̱mba, “N ka̱n nyia̱ a̱tan nta̱m ma̱ a̱di̱di̱t nang A̱tyia̱ nung wu nwuak nung n nyia̱ a̱ni a̱zaghyi nyin. Zang huhwa nang n nyia̱, nang nyi nchat mang nung ma̱ng nfang na?”

Yoona 10:37

“Ki̱ nta̱m A̱tyia̱ nung nia nang n nyia̱ bah, nyi yok nwuak fwuo da̱ nung bah.

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 11:47

Mat a̱nia, a̱cha̱chet a̱yaapris ba mbeang A̱fa̱risawa si̱ yorong a̱gba̱ndang a̱tung sot a̱cha̱chet A̱yahudawa wu. Ba̱ si̱ lyip á̱ghyang mba nyia̱, “Yihwa nang zi̱ na nyia̱ la?! Di, a̱tyu wuni nyian nkyang a̱ga̱de ma̱ a̱di̱di̱t!

Yoona 12:37

A̱mgba̱m ma̱ng a̱cha̱chet nkyang a̱ga̱de ma̱ a̱di̱di̱t nang Yesu ku nyia̱ a̱zaghyi A̱yahudawa ba a̱ni, ba̱ si̱ nwuak fwuo da̱ nggu bah.

Yoona 14:11

Nyi nwuak a̱chuchuk nang n shya̱ mami A̱tyia̱ nung ka; a̱tyia̱ nung wu mameang, si̱ shya̱ mami nung. Kalak ka̱ nyi na nyia̱ a̱nia bah, nyi nwuak a̱chuchuk di̱ nta̱m a̱ga̱de na nang n nyian a̱ni.

Yoona 20:30

Yesu ku nyia̱ nkyang a̱ga̱de ma̱ a̱di̱di̱t nang gu nshya̱ ma̱ng mman ta̱m nggu na, á̱ lyuut na mi̱ ta̱ka̱da huni bah.

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 8:24

Huhwa mbyia̱ n hyia̱ ma̱ng a̱nyin, nang nyi na nkwi ma̱ a̱ka̱tuk nyia̱ nyin wu. Mat ka̱ nyi nwuak a̱chuchuk nyia̱ nung gwa ngyet a̱tyu nang n tak n gyet a̱ni bah; nyi na kwi ma̱ng a̱ka̱tuk nyia̱ nyin wu mut!”

Yoona 8:56

Ibrahim, a̱ ku yet a̱tyia̱ nyin wu a̱ni, a̱ ku shya̱ ma̱ng a̱sai a̱lyia̱ mat chat li jen nang n ku nshya̱ mi̱ swanta hu a̱ni. A̱ ku li njii, a̱ si̱ gwai!”

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.

Ibriniyawa 2:3

Mat a̱nia, zi̱ na nyia̱ ni, zi̱ nshot swuo a̱bung hu, ka̱nang zi̱ lak khwi nkhang a̱gba̱ndang san sang sangba̱p wu nang A̱tyoli Yesu ma̱ a̱pyia̱ nggu ku tsa shei hu a̱ni, a̱wot á̱niet ba̱ ku fa̱k a̱lyiat Yesu na a̱ni, ba̱ si̱ bu ta̱m ma̱ng a̱nzi̱t a̱tsatsak nta̱m a̱wa.