Yoona 10:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ Huhwa a̱cha̱chet A̱yahudawa ba si̱ tyong nggu á̱ keang, ba̱ si̱ nyia̱ ma̱ng a̱nggu, “A̱zatuk kya a na ghwon zi̱t ma̱ a̱di̱dam? Tak ma̱ng a̱nzi̱t kpa̱sai a̱tsak a̱lyiat; nwan wa yet a̱tyu A̱gwaza kup gu tyok hu nang zi̱ fwuong a̱ni a?”

Yoona 10:24 Iomraidhean Croise

Matyu 11:3

“Nwan wa yet Kristi wu nang zi̱ fwuong chobai gu hu a̱ni a; ke zi̱ fwuong a̱ghyang á̱niet wa?”

Ma̱rkut 8:32

Yesu ku hyia̱ a̱lyiat nani kpa̱sai. A̱wot Bitut si̱ khwat gu da̱ a̱gbang a̱nyiung. A̱ si̱ ta̱bat ngai ma̱ng a̱nggu, nyia̱ gu yok hyia̱ a̱nia bah.

Luka 3:15

Á̱niet ba ba̱ tyia̱ fwuo di̱ bai Kristi ma a̱nggang a̱ni, ba̱ si̱ byia̱ di̱dang ba̱ lyen ke Yoona wa yet Kristi a̱ chobai a̱ni.

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 10:31

Huhwa A̱yahudawa ba si̱ bu kyiak nfang nang ba̱ na mmang nggu a̱ni.

Yoona 10:33

A̱yahudawa ba si̱ nwuak Yesu shim nyia̱, “Zi̱ na mang ang mat a̱tan nta̱m nang a nyia̱ a̱ni bah. A̱wot mat lihyat nang a nyia̱ A̱gwaza ndyo wa a̱ni! Nwan a yet a̱tyubishyi a̱ni, a kyiak a̱pyia̱ ang cha̱chaat ma̱ng A̱gwaza!”

Yoona 16:25

“N ku ndyiat ma̱ng a̱nyin di̱ kidee ja, da̱nian n ka ntyai nyin nkyang nani. A̱wot jen chobai nang n bye ndyiat ma̱ng a̱nyin kuzang kyang kpa̱sai tazwa A̱tyia̱ nung wu a̱ni. N bu bye ndyiat ma̱ng a̱nyin di̱ kidee bah.

Yoona 8:25

Huhwa ba̱ nyia̱ mi̱ Yesu a̱ni, “Nwan wa yet a̱nyan?” Yesu si̱ nyia̱ ma̱ng a̱mba a̱ni, “N mi̱ nhyia̱ ma̱ng a̱nyin neet di̱ tsa hu.

Yoona 8:53

Nwan, a lan a̱tyia̱ a̱khwop nzi̱t wu Ibrahim mbeang a̱yaata̱m a̱kwonu A̱gwaza á̱ghyang ba̱ ku kwi a̱ni a? A̱nyan wa nang a fa nyia̱ a yet?”

Yoona 9:22

Á̱niet mbyin a̱tyu a̱ ku byia̱ a̱fi̱fan ba a̱ni si̱ hyia̱ a̱lyiat nani, mat ba̱ ku fa̱k a̱wun a̱cha̱chet a̱yaakwak a̱son A̱yahudawa ba. Mat ba̱ ku la̱p á̱ sak nyia̱ ka̱ ba̱ shya̱ a̱yin a̱ si̱ shim nyia̱ Yesu wa yet Kristi, a̱tyu nang A̱gwaza kup gu tyok a̱ni; nang ba̱ fwuong a̱ni, á̱ na ti̱n nggu á̱ ghwut ndyo mami tutu a̱tung A̱yahudawa ka.

2 A̱korontiyawa 3:12

Mat a̱nia, nang zi̱ mbyia̱ tangka̱i tyia̱ fwuo di̱ nta̱m nfai huni a̱ni, huhwa mbyia̱ nang zi̱ mbyia̱ gbang a̱lyia̱ hu za̱m.