Yoona 10:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱tyu a̱ nwuo a̱na̱nyuo a̱ta̱mpwom ka nang á̱ ntyia̱ nyinyiit hu a̱ni; a̱ yet a̱tyu chok zón seap wa.

Yoona 10:2 Iomraidhean Croise

Matyu 15:11

Kyang ku nwuai a̱bwonu a̱yin a̱ni, huhwa tyei gu a̱na̱ndyung wu bah; si̱ a̱lyiat na̱ ghwut a̱bwonu nggu ka a̱ni, ni̱nia tyei gu a̱na̱ndyung wu.”

Yoona 10:14

“Nung gwa ngyet a̱tan a̱tyu chok wu. N dyen zón seap nung ji, a̱wot ji̱ si̱ lyen nung.

Yoona 10:7

Yesu si̱ bu nyia̱, “Yok, n tak nyin a̱chuchuk; nung gwa ngyet a̱na̱nyuo zón seap ka.

Yoona 10:9

Nung gwa ngyet a̱na̱nyuo ka. Konyan wa nwuo da̱ a̱na̱nyuo ka, a̱ na shya̱ san. A̱ na nwuai a̱ ghwut, a̱ shyat nkyang nang gu chat a̱ni.

Nta̱m A̱yaata̱m 20:28

“Nyi cham pyipyia̱ nyin, ma̱ng a̱mgba̱m á̱niet khwi A̱gwaza ba. Nyi chok sot á̱niet khwi A̱gwaza ji, nang gu san ma̱ng a̱za̱za̱rak a̱sok Yesu a̱ yet Nggwon nggu ka a̱ni. Á̱niet khwi bibya nang A̱za̱za̱rak Ntswa wu tyia̱ nyin ndyo mbwak. Nyi yet ba a̱yaakwak a̱son.

1 Timoti 4:14

Yok bwung za̱nang chet A̱za̱za̱rak Ntswa ji, ji̱ shya̱ ma̱ nwan nang á̱ ku nang ang, mat ta̱m ji nang á̱ shei á̱zanson tazwa ang a̱ni bah. Si̱ huni ku bai di̱n jen nang a̱yaakwak a̱son á̱niet khwi ba ku nsaai ang mbwak, á̱ si̱ ntyia̱ ang mi̱ ta̱m hu a̱ni.

Titut 1:5

N ghwon ang ma̱ a̱byin a̱ka̱wa̱tyia̱ a̱sa̱khwot Ka̱rita, a ka ngaan jhyi a̱bya̱bya̱ nswat a̱ bwat a̱ni; a̱wot a bu khai a̱yaakwak a̱son á̱niet khwop á̱niet ba̱ na kwak a̱son susot á̱niet khwi ji ma̱ kuzang a̱gba̱ndang a̱keang, ma̱nang n ka̱n tak ma̱ng a̱nwan a̱ni.

Ibriniyawa 13:20

Yok A̱gwaza, a̱ nwuat swat nyinyang a̱ni, nggu wa ku ta̱ngam Yesu, a̱ yet A̱tyoli nzi̱t wu a̱ni, ma̱ng swuan ma̱ á̱niet ba̱ ka̱n kwi a̱ni. Yesu a̱ bu yet a̱gba̱ndang a̱tyu chok zón seap wu a̱ni, a̱wot a̱ si̱ tsa nyia̱ ta̱m la̱p a̱li̱ka̱uli sang sangba̱p ma̱ng a̱sok nggu na.

1 Bitut 2:25

Mi̱ njen jhyang ji̱ swak a̱ni, nyi ku li nang zón seap ji̱ bwuk a̱ni. A̱wot ma̱ninika, nyi bwuok khwi a̱tyu a̱ chok nyin, a̱ si̱ bu cham swuan nyin ji a̱ni.

1 Bitut 5:4

A̱wot mam hu nang á̱ na ntyai A̱tyu chok a̱ swak á̱kum á̱niet chok ka a̱ni, nyi na san bung tyok a̱kyenkyai shi ma̱ng chyin sang sangba̱p hu.

Tyai Á̱zanson 1:20

Kyang ku shya̱ di̱ niat nang á̱ta̱ngwat a̱natat nang a li di̱ mbwak yak nung hu fa a̱ni, ma̱ng á̱ga̱nga̱ng chuchuk zi̱nariya saai fí̱tila a̱natat a̱ja, huhwa hu nang á̱ tyai: Á̱ta̱ngwat a̱natat a̱nia, ni̱nia yet kidee a̱yaata̱m tswá A̱gwaza susot á̱niet khwi a̱natat ji. A̱wot á̱ga̱nga̱ng chuchuk zi̱nariya saai fí̱tila a̱natat ji mameang, si̱ yet kidee susot á̱niet khwi a̱natat ja.”