Yoona 10:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Á̱ mbyia̱ a̱tyu a̱ na san swuan nung ji a̱ ghwon nung a̱ni bah. Nung gwa shim, n na neap swuan nung ji, a̱wot n doot n bu mbwuok ma̱ng a̱nji. Si̱ huni hwa yet kyang hu nang A̱tyia̱ nung wu ta̱m nung n nyia̱ a̱ni.”

Yoona 10:18 Iomraidhean Croise

Yoona 10:11

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 10:17

“Huhwa mbyia̱, A̱tyia̱ nung wu fa̱k da̱ nung. Mat, n shim n neap swuan nung ji, a̱wot n bu byia̱ chet mbwuok ma̱ng a̱nji.

Yoona 14:31

Ma̱ng a̱nia, ku myim swanta hu ku lyen nang n chat A̱tyia̱ wu. Huhwa mbyia̱ nang n nyia̱ kuzang kyang cha̱chaat nang gu ntak ma̱ng a̱nung n nyia̱ a̱ni.” “To, nyi bai zi̱ doot zi̱ ghwon a̱vwuo kani!”

Yoona 15:10

Ka̱ nyi khwi doká nung ji; huhwa na tak nang nyi nchat nung. Ma̱ cha̱chaat nang n khwi doká A̱tyia̱ nung ji, n si̱ ntak si̱sak nang n chat gu a̱ni.

Yoona 19:11

Yesu si̱ ma nwuak gu shim nyia̱, “A byia̱ tyok hu tazwa nung, ka̱nang á̱ jong ang hu neet Ma A̱gwaza tswazwa. Huhwa mbyia̱, á̱niet ba̱ ta̱bat nung ba̱ si̱ nwuak ang a̱ni; a̱ka̱tuk nang ba̱ nyia̱ a̱ni, swak a̱ si̱ nwan wu.”

Yoona 5:26

Ma̱nang A̱tyia̱ wu ma̱ a̱pyia̱ nggu ngyet a̱tyin swuan a̱ni; ma a̱nia wa nang nggu nwuak Nggwon nggu ka, ka̱ nwuat swuan ji ma̱ cha̱chaat.

Yoona 5:30

N si̱ mi̱n nyia̱ kyang ma̱nyin nung bah. N nyia̱ shi̱ri̱ya di̱ si̱sak nang A̱gwaza ntak ma̱ng a̱nung a̱ni. Huhwa mbyia̱, nyia̱ shi̱ri̱ya nung hu naat cha̱chaat. Mat, n kwan n nyia̱ kyang hu nang n chat wa a̱ni bah. Kyang hu nang a̱tyu a̱ ta̱m nung chat a̱ni; huhwa n nyia̱.

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Nta̱m A̱yaata̱m 2:24

A̱mgba̱m ma̱ng a̱nia, A̱gwaza si̱ ti̱n nggu mi̱ swuo a̱bung a̱khwu. A̱ si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. Mat a̱khwu ka byia̱ chet ku maai ba̱ng nggu a̱ni bah!

Nta̱m A̱yaata̱m 2:32

“A̱gwaza ta̱ngam Yesu wuni ma̱ng swuan ma̱ á̱niet ba̱ ka̱n kwi a̱ni. A̱wot a̱mgba̱m nzi̱t, zi̱ ku li kyang huni ma̱ng á̱ghyi nzi̱t ba.

Nta̱m A̱yaata̱m 3:15

Nyi si̱ hyat Yesu, a̱tyu a̱ yet a̱tyin nswuan ka a̱ni. A̱wot A̱gwaza si̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. A̱wot nzi̱t ma̱ á̱pyia̱ nzi̱t, zi̱ si̱ li nkyang na̱ shya̱ Yesu a̱ni ma̱ng á̱ghyi nzi̱t!

Titut 2:14

Nggu wa yet a̱tyu a̱ neap a̱pyia̱ nggu nang za̱nang a̱ni, da̱nian a̱ ka ti̱n zi̱t mami tyok a̱ka̱tuk nyia̱ hu. A̱ si̱ ja̱u zi̱t da̱nian zi̱ ka yet á̱niet guu nang gu nyia̱ tyok a̱ni; á̱niet ba̱ byia̱ a̱gba̱ndang di̱dang nyia̱ a̱tan nta̱m a̱ni.

Ibriniyawa 2:9

A̱wot a̱tyu nang zi̱ lyen a̱ni, Yesu wa, da̱ ba chak a̱ghyang, a̱ si̱ ghyuai a̱kyenkyai shi nggu wu ma̱nang á̱ ku nhyia̱ nyia̱, “A na nwuak gu shi ku tat kpa̱mkpaan ma̱ng á̱si̱ a̱yaata̱m tswá a̱ni.” Di̱ yong huni, Yesu wa nang, “Á̱ kup gu tyok, a̱ si̱ nwuak gu shi,” mat a̱ ku swuo a̱bung, a̱ si̱ khwu da̱nian zi̱t. A̱tsak a̱lyiat, mat shok A̱gwaza ja, ntyia̱ Yesu si̱ nkhwu da̱nian konyan.