Yoona 10:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ “Huhwa mbyia̱, A̱tyia̱ nung wu fa̱k da̱ nung. Mat, n shim n neap swuan nung ji, a̱wot n bu byia̱ chet mbwuok ma̱ng a̱nji.

Yoona 10:17 Iomraidhean Croise

Yoona 10:11

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Yoona 10:15

Ma̱nang A̱tyia̱ nung wu ndyen nung a̱ni; nung mameang, n si̱ ndyen A̱tyia̱ nung wu. N shya̱ mi̱ fwuo n khwu da̱nian zón seap nung ji.

Yoona 10:18

Á̱ mbyia̱ a̱tyu a̱ na san swuan nung ji a̱ ghwon nung a̱ni bah. Nung gwa shim, n na neap swuan nung ji, a̱wot n doot n bu mbwuok ma̱ng a̱nji. Si̱ huni hwa yet kyang hu nang A̱tyia̱ nung wu ta̱m nung n nyia̱ a̱ni.”

Yoona 3:25

A̱jawa á̱ghyang á̱niet mami mman ta̱m Yoona na, ba̱ si̱ nwuo ya fwuang ma̱ng a̱tyu A̱yahudawa a̱ghyang tazwa a̱lyiat kwi vam di̱n vak khwi A̱gwaza.

Ibriniyawa 1:9

A chat tsotswat, a̱wot a si̱ lak a̱ka̱tuk. Mat a̱nia, A̱gwaza, A̱gwaza ang wu khai ang a nyia̱ tyok, a̱ si̱ koot ang a̱sham a̱myia̱ a̱gwai, ka̱ swak a̱si̱ konyan a̱ni.”

Ibriniyawa 2:9

A̱wot a̱tyu nang zi̱ lyen a̱ni, Yesu wa, da̱ ba chak a̱ghyang, a̱ si̱ ghyuai a̱kyenkyai shi nggu wu ma̱nang á̱ ku nhyia̱ nyia̱, “A na nwuak gu shi ku tat kpa̱mkpaan ma̱ng á̱si̱ a̱yaata̱m tswá a̱ni.” Di̱ yong huni, Yesu wa nang, “Á̱ kup gu tyok, a̱ si̱ nwuak gu shi,” mat a̱ ku swuo a̱bung, a̱ si̱ khwu da̱nian zi̱t. A̱tsak a̱lyiat, mat shok A̱gwaza ja, ntyia̱ Yesu si̱ nkhwu da̱nian konyan.