Yoona 10:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ N byia̱ zón seap jhyáng di̱ ji̱ shya̱ ma̱ a̱sorong kani a̱ni bah. Zón seap a̱ja, ku yet ta hwa mbai ma̱ng a̱nji ma̱ a̱sorong kani. Ba̱ na fa̱k a̱nwuat nung ka, ba̱ yet a̱sorong a̱nyiung, a̱tyu chok a̱nyiung.

Yoona 10:16 Iomraidhean Croise

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Luka 15:8

“Ka̱ a̱byii̱k byia̱ tswá kurum swak. A̱wot tswa jhyung ji̱ maai kurum ta̱m mam nyiung a̱ni si̱ bwuk; yihwa gu na nyia̱? Me a̱ na tyia̱ long fi̱tila a̱ ta̱bam a̱ lyang a̱mgba̱m a̱li ka ma̱ shonshyon, a̱ ka shya̱ nji a?

Yoona 10:11

“Nung gwa ngyet a̱tan a̱tyu chok wu. A̱tan a̱tyu chok wu ni̱ nwuak swuan nggu ji da̱nian zón seap ji.

Yoona 10:2

A̱tyu a̱ nwuo a̱na̱nyuo a̱ta̱mpwom ka nang á̱ ntyia̱ nyinyiit hu a̱ni; a̱ yet a̱tyu chok zón seap wa.

Yoona 10:27

Zón seap nung ji ni̱ myiai a̱fufwuo ji̱ fa̱k a̱nwuat nung ka. N dyen mba. A̱wot ba̱ si̱ khwi nung.

Yoona 10:3

A̱tyu a̱ chok a̱na̱nyuo a̱ta̱mpwom ka a̱ni, ni̱ khwuk gu ndyo. A̱wot zón seap ji ni̱ fa̱k a̱nwuat nggu ka a̱ lyen. A̱wot nggu mameang, a̱ ni̱ yei kuzang zon seap da̱ a̱lyoot ji. A̱ kwak ji a̱son a̱ ghwut ma̱ng a̱nji ta̱usa.

Yoona 10:4

“Ka̱ a̱ ghwut ma̱ng zón seap gu ji ta̱usa, gu khwat a̱son, ji̱ khwi ngguu, mat ji̱ fi̱k a̱nwuat nggu ka.

Yoona 10:5

Zón seap ji si̱ mi̱n khwi á̱nietchen bah. Ka̱ ji̱ li ngguu ji̱ ni̱ tyong gu, mat ji̱ lyen a̱nwuat á̱nietchen bah.”

Yoona 11:52

(A̱wot A̱yahudawa bya ma̱nyin ba Yesu na khwu da̱nian ba bah. A̱ na khwu da̱nian a̱ ka tung a̱mgba̱m á̱niet ba̱ yet mman A̱gwaza na ba̱ kai swanta hu a̱ni, ba̱ ka mun á̱pyia̱ ba̱ yet kyang nyiung.)

Yoona 17:20

“Á̱niet bani bya ma̱nyin mba nang n naai ba ndyo bah. N naai tazwa a̱mgba̱m á̱niet ba̱ na nwuak fwuo da̱ nung, mat A̱lyiat A̱gwaza nang á̱niet bani na shei ma̱ng a̱mba a̱ni.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Nta̱m A̱yaata̱m 15:14

Siman ka̱n tak ma̱ng a̱nyin jen ji nang A̱gwaza ku ntsa tyai a̱pyia̱ nggu da̱ a̱vwuo Nnwap na̱ nwai yet A̱yahudawa a̱ni. Da̱nian gu ka khai á̱ghyang á̱niet mami mba, ba̱ yet á̱si̱ nggu a̱ni.

Nta̱m A̱yaata̱m 18:10

Mat n shya̱ dundung ma̱ng a̱nwan. Á̱ mbyia̱ a̱tyu a̱ na kwa da̱ nwan a̱ bwuo ang kun a̱ni bah. Mat, á̱niet ma̱ a̱di̱di̱t ma̱ a̱keang kani, ba̱ yet á̱si̱ nung bya.”

Nta̱m A̱yaata̱m 22:14

“A̱jawa Ananiya si̱ nyia̱ ma̱ng a̱nung, ‘A̱gwaza a̱yaatyia̱ khwop nzi̱t wu, nggu wa khai ang, da̱nian a ka lyen kyang nang gu chat a̱ni, a̱wot a li A̱tsotswat A̱yin a̱wa, a bu fa̱k a̱lyiat a̱bwonu nggu na.

A̱romawa 11:25

Á̱na̱nyiuk nung ba ba̱ yet á̱niet khwi Yesu ba nang n chat a̱ni, n chat nyi chyi kyang huni ku shya̱ di̱ niat a̱ni bah, kalak nyi na kyiak á̱pyia̱ nyin nang á̱niet mumwang a̱ni. Á̱niet Isi̱rela ma̱ a̱di̱di̱t na ya a̱son ma̱ng gba̱p á̱pyia̱ mba, si̱ nang á̱ shya̱ a̱jhyem sot Nnwap na̱ nwai yet A̱yahudawa nang A̱gwaza khai ba̱ nwuak fwuo di̱ Kristi a̱ni.

2 A̱ta̱solonikawa 2:13

Á̱niet khwi Yesu ba nang n chat a̱ni, ku yet ta hwa zi̱ gwai A̱gwaza da̱nian nyin kuzang jen. Zi̱ gwai nang A̱gwaza nchat nyin, a̱wot a̱ ku khai nyin, nyin bya nyi tsa shya̱ swuan sang sangba̱p ji. Mat A̱za̱za̱rak Ntswa ja̱u nyin nyi ka yet á̱za̱za̱rak á̱niet, mat nwuak a̱chuchuk nyin hu da̱ a̱tsatsak a̱lyiat wu.

Ibriniyawa 13:20

Yok A̱gwaza, a̱ nwuat swat nyinyang a̱ni, nggu wa ku ta̱ngam Yesu, a̱ yet A̱tyoli nzi̱t wu a̱ni, ma̱ng swuan ma̱ á̱niet ba̱ ka̱n kwi a̱ni. Yesu a̱ bu yet a̱gba̱ndang a̱tyu chok zón seap wu a̱ni, a̱wot a̱ si̱ tsa nyia̱ ta̱m la̱p a̱li̱ka̱uli sang sangba̱p ma̱ng a̱sok nggu na.

1 Bitut 2:10

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Mi̱ jen jhyang ji̱ swak a̱ni, nyi ku yet á̱niet A̱gwaza bah. A̱wot ma̱ninika, nyi yet á̱niet nggu bya. Mi̱ jen jhyang ji̱ swak a̱ni, A̱gwaza ku fa̱k kunak nyin bah. A̱wot ma̱ninika, A̱gwaza fa̱k kunak nyin hwa.”

1 Bitut 2:25

Mi̱ njen jhyang ji̱ swak a̱ni, nyi ku li nang zón seap ji̱ bwuk a̱ni. A̱wot ma̱ninika, nyi bwuok khwi a̱tyu a̱ chok nyin, a̱ si̱ bu cham swuan nyin ji a̱ni.

1 Bitut 5:4

A̱wot mam hu nang á̱ na ntyai A̱tyu chok a̱ swak á̱kum á̱niet chok ka a̱ni, nyi na san bung tyok a̱kyenkyai shi ma̱ng chyin sang sangba̱p hu.

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.