Yoona 10:12 - A̠lyiat A̠gwaza na di̠n Tyap: A̠li̠ka̠uli A̠fai

¹² A̱tyu a̱ chok da̱nian á̱ ka tan gu zang a̱ni, a̱ yet a̱tsatsak a̱tyu chok wa bah. A̱wot di̱ zón seap ji, ji̱ yet si̱ nggu bah. Ka̱ a̱ li a̱bwu a̱yit ka chobai, a̱ ni̱ tyong a̱ kai zón seap ji a̱ ghwon, a̱bwu a̱yit ka ka̱ ya̱baat, a̱wot ka̱ seang á̱kum ka ka̱ mat a̱ fwuoi.

Yoona 10:12 Iomraidhean Croise

Matyu 10:16

“Nyi fa̱k, n ta̱m nyin nang zón seap a̱ni da̱ a̱vwuo a̱ka̱bwu a̱yit. Mat a̱nia, si̱ nyi swan cham nang zwák a̱ni. A̱wot nyi sang a̱ka̱kpa̱t nang a̱yaabwa a̱ni.

Matyu 7:15

“Nyi ta̱bam ma̱ng a̱yaata̱m ba̱ kyiak pyipyia̱ mba ba̱ yet á̱tsak a̱yaata̱m a̱kwonu A̱gwaza bya, ba̱ chong da̱ a̱vwuo nyin ma̱ng á̱kukwa zón seap ji̱ sang lyen a̱ni, a̱wot mami nfwuo mba na, ba̱ yet a̱ka̱bwu a̱yit nia na̱ byia̱ lyen na̱ ghwut á̱ kat á̱ chat kyayak nang ba̱ na ya di̱ wuwok a̱ni.

Yoona 10:13

Mat, a̱ nyia̱ ta̱m a̱tan gu zang ja. Zón seap ji yet si̱ nggu ja bah. A̱wot a̱ chok ji shansham bah.

Yoona 10:2

A̱tyu a̱ nwuo a̱na̱nyuo a̱ta̱mpwom ka nang á̱ ntyia̱ nyinyiit hu a̱ni; a̱ yet a̱tyu chok zón seap wa.

Yoona 10:3

A̱tyu a̱ chok a̱na̱nyuo a̱ta̱mpwom ka a̱ni, ni̱ khwuk gu ndyo. A̱wot zón seap ji ni̱ fa̱k a̱nwuat nggu ka a̱ lyen. A̱wot nggu mameang, a̱ ni̱ yei kuzang zon seap da̱ a̱lyoot ji. A̱ kwak ji a̱son a̱ ghwut ma̱ng a̱nji ta̱usa.

Nta̱m A̱yaata̱m 20:29

“N dyen ka̱ n doot á̱niet tyiet a̱ka̱laa ba̱ nyia̱ nang a̱ka̱bwu a̱yit a̱ni, ba̱ na nwuo mami nyin. Ba̱ na tyia̱ á̱niet khwi ba swuo a̱bung.

1 Timoti 3:3

a̱tyu nwai hyeng a̱kan, a̱tyu nwai nyia̱ zook, a̱tyu nyia̱ shonshyon, a̱tyu swan swat nyinyang, a̱tyu sang shyuo kurum.

1 Timoti 3:8

Ma a̱nia wa, ku myim á̱niet beang nta̱m A̱gwaza meang, ba̱ byia̱ ntangka̱i za̱kwá jini, ba̱ yet á̱niet nang á̱ nwuat ba shi a̱ni, á̱niet nwai lyiat a̱fa feang, á̱niet ba̱ nwai la̱u hyeng a̱kan a̱ni, á̱niet ba̱ nwai shyuo á̱niet di̱ kurum a̱ni,

2 Timoti 4:10

Dimat, a̱ lak nung a̱ ghwon, mat nang gu nchat nkyang swanta nani, a̱ si̱ nat Ta̱solonika a̱ni. Kiri̱zant meang si̱ nat Ga̱la̱tiya. A̱wot Titut mamang si̱ nat Da̱lma̱tiya.

Titut 1:7

A̱tyu sang a̱bun, (mat nang gu ngyet a̱tyu ba̱ng nta̱m A̱gwaza a̱ni,) a̱tyu sang gba̱p a̱pyia̱, a̱tyu nwai ngai ma̱ng á̱niet, a̱tyu nwai la̱u swuo a̱kan, a̱tyu sang a̱ka̱kpa̱t, ma̱ng a̱tyu sang shyuo kurum.

1 Bitut 5:2

N gba nyin, nyi chok sot á̱niet khwi nang A̱gwaza tyia̱ nyin dyo mbwak a̱ni. Nyi chok ba ma̱ng fwuo nyiung. Nyi yok shim ku li nang khwo hwa á̱ tyei nyin a̱ni, ku a̱ka̱tuk wuwok chat kurum bah. Da̱ a̱kwonu a̱kya, nyi byia̱ di̱dang nyi nyia̱ ta̱m A̱gwaza hwa.

2 Bitut 2:3

Mat a̱dodo wuwok mba wu, ba̱ na bai ma̱ng nvak a̱ka̱laa, da̱nian ba̱ ka shya̱ kurum di̱ shyuo nyin. A̱wot A̱gwaza wa ka̱n faat ba shi̱ri̱ya a̱khwu neet a̱fwun bah. Mat a̱nia, a̱khwu mba ka na byian jen bah.