Yoona 10:1 - A̠lyiat A̠gwaza na di̠n Tyap: A̠li̠ka̠uli A̠fai

¹ “Yok n hyia̱ ma̱ng a̱nyin a̱chuchuk; a̱tyu da̱ a̱ nwuo a̱na̱nyuo a̱ta̱mpwom zón seap ka a̱ni bah, a̱wot a̱ si̱ nwuo di̱n vak ghyang hwa ma̱ zan; a̱tyu a̱wa yet a̱tang, a̱ si̱ bu yet a̱tyu a̱tsaai wa!

Yoona 10:1 Iomraidhean Croise

Matyu 7:15

“Nyi ta̱bam ma̱ng a̱yaata̱m ba̱ kyiak pyipyia̱ mba ba̱ yet á̱tsak a̱yaata̱m a̱kwonu A̱gwaza bya, ba̱ chong da̱ a̱vwuo nyin ma̱ng á̱kukwa zón seap ji̱ sang lyen a̱ni, a̱wot mami nfwuo mba na, ba̱ yet a̱ka̱bwu a̱yit nia na̱ byia̱ lyen na̱ ghwut á̱ kat á̱ chat kyayak nang ba̱ na ya di̱ wuwok a̱ni.

Yoona 10:7

Yesu si̱ bu nyia̱, “Yok, n tak nyin a̱chuchuk; nung gwa ngyet a̱na̱nyuo zón seap ka.

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

A̱romawa 10:15

A̱wot á̱ na nyia̱ ni wa a̱yin a̱ nat a̱ si̱ tak ma̱ng a̱mba; da̱ mba, á̱ ta̱m nggu da̱ a̱vwuo mba bah? Mat a̱nia, á̱ lyuut ma̱ A̱lyiat A̱gwaza na nyia̱, “A̱ti̱tak a̱yaata̱m ba̱ na bai shei A̱sham nkhang ka a̱ni, ba̱ yet a̱sham ba̱t!”

A̱romawa 16:18

Tangka̱i á̱niet tyiet a̱ka̱laa bani nyia̱ Kristi A̱tyoli nzi̱t wu ta̱m hwa bah, ba̱ nyia̱ á̱pyia̱ mba kya ta̱m hu. Ba̱ ni̱ myiai nunu, ba̱ fak a̱ka̱laa. A̱ni wa ba̱ ndaai á̱niet ba ba̱ byia̱ a̱di̱dam nang mman a̱ni.

Titut 1:11

Ku yet ta hwa, á̱ gba mba ba̱ tyia̱ nywang. Mat nang ba̱ nda̱u laai á̱niet a̱ka̱sa á̱ tyei mba bwuok lilyim di̱ nwuak fwuo mba hu di̱ Kristi Yesu a̱ni. Tyiet mba hu myim bah. Ba̱ laai á̱niet ma̱ng tyiet mba hu, ba̱ ka shya̱ a̱ka̱tuk a̱fi̱ng kurum.

Ibriniyawa 5:4

Á̱ mbyia̱ a̱tyu a̱ si̱ mi̱n khai a̱pyia̱ nggu yet a̱gba̱ndang pris, da̱nian a̱ ka shya̱ shi hwa a̱ni bah. Ku yet ta hwa, A̱gwaza wa a̱ khai nggu nyia̱ ta̱m a̱gba̱ndang pris hu; ma̱nang gu ku nkhai Haruna a̱ nyia̱ nggu ta̱m a̱gba̱ndang pris hu a̱ni.

1 Bitut 1:10

Tazwa san sang sangba̱p huni hwa, nang a̱yaata̱m a̱kwonu A̱gwaza ba, ku nta̱bam ba̱ si̱ zop ma̱ng di̱dang. Ba̱ si̱ dam ba̱t tazwa nhu, di̱n jen nang ba̱ ku nshei á̱zanson tazwa san huni nang á̱ jhyi á̱ sak nyin ndyo mat shok A̱gwaza ji a̱ni.

2 Bitut 2:1

A̱wot gbangbang, á̱ ku byia̱ á̱niet ba̱ ku kyiak pyipyia̱ mba nyia̱ ba̱ yet á̱tsak a̱yaata̱m a̱kwonu A̱gwaza ba ma̱ á̱niet Isi̱rela, ma̱nang á̱ na mbyia̱ á̱niet tyiet a̱ka̱laa ma̱ nyin a̱ni. Ba̱ na bai ma̱ng tyiet ghyang da̱ bang ku na tyia̱ á̱niet ba ba̱ teap a̱ni. A̱wot si̱ a̱hwa hwa ma̱nyin hu bah. Ba̱ na fwuo lyen Yesu A̱tyoli nzi̱t wu a̱ san mba a̱ni. Si̱ a̱hwa na tyia̱ ba̱ khwat á̱pyia̱ mba a̱khwu ma a̱nggang.

2 Bitut 2:3

Mat a̱dodo wuwok mba wu, ba̱ na bai ma̱ng nvak a̱ka̱laa, da̱nian ba̱ ka shya̱ kurum di̱ shyuo nyin. A̱wot A̱gwaza wa ka̱n faat ba shi̱ri̱ya a̱khwu neet a̱fwun bah. Mat a̱nia, a̱khwu mba ka na byian jen bah.

1 Yoona 4:1

Nyin á̱kpa̱ndang nung ba nang n chat a̱ni, nyi yok nwuak a̱chuchuk di̱ kuzang a̱yin a̱ tyiet nyia̱ A̱za̱za̱rak Ntswa lyiat ma̱ng a̱nggu a̱ni bah. Ku yet ta hwa nyi mak a̱tyu tyiet wu, nyi ka li ke A̱za̱za̱rak Ntswa wa tyia̱ nggu chet gu ka lyiat da̱ a̱kwonu A̱gwaza ka. Mat a̱yaata̱m ba̱ kyiak pyipyia̱ mba, ba̱ yet á̱tsak a̱yaata̱m a̱kwonu A̱gwaza ma̱ a̱di̱di̱t a̱ni, ka̱n bai mi̱ swanta hu.