Yoona 1:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 1:9 Iomraidhean Croise

Matyu 6:23

A̱wot ka̱ tswa a̱li ang ji byia̱ shi̱shi̱p, a̱mgba̱m vam ang hu na yet lyin hwa. A̱wot ki̱ sai hu nang a fa a byia̱ a̱ni yet lyin hwa za̱m, zang tangka̱i a̱gba̱ndang dyin hwa a̱hwa!

Luka 11:36

Ka̱ a byia̱ sai ba̱t, nang a byia̱ lyin mi̱ vam ang hu bah, a̱mgba̱m swat ang hu na sai ba̱t. Ku li á ngyei sai fi̱tila hu sai ang wa ma̱ kyenkyai.”

Yoona 1:4

Swang A̱lyiat ji ku yet a̱tyin nswuan. A̱wot swuan jini si̱ bai ma̱ng á̱nietbishyi sai.

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 15:1

“Nung gwa ngyet a̱tsatsak a̱kwon a̱na̱p wu. A̱wot A̱tyia̱ nung wa si̱ yet a̱tyu khap wu.

Yoona 6:32

A̱jawa Yesu si̱ nyia̱ ma̱ng a̱mba a̱ni, “A̱tsatsak a̱lyiat wa za̱m, n na hyia̱ ma̱ng a̱nyin, Musa wa ku nwuak nyin kyayak hu, ku neet Ma A̱gwaza tswazwa ka a̱ni bah. A̱tyia̱ nung wu wa ma̱ a̱pyia̱ nggu; nggu wa nwuat nyin a̱tsatsak kyayak a̱ neet tswazwa ka a̱ni.

Yoona 7:12

A̱wot mami á̱kpa á̱niet ba̱ ku shya̱ ma̱ a̱yet wu a̱ni, ba̱ si̱ chyuang tazwa Yesu nyia̱, “A̱tyu a̱wa yet a̱tan a̱yin!” A̱wot á̱ghyang á̱niet si̱ nyia̱, “Kaai, a̱tyu a̱wa laai á̱niet bibya!”

1 Yoona 1:8

Ki̱ zi̱ tak nyia̱ zi̱ nyia̱ a̱ka̱tuk nyia̱ bah, zi̱ laai pyipyia̱ nzi̱t hwa. A̱wot zi̱ byia̱ a̱chuchuk bah.

1 Yoona 2:8

A̱mgba̱m ma̱ng a̱nia, Yesu tak doka swai kpa̱sai di̱ si̱sak nang gu nswan swat nggu hu a̱ni. A̱wot nyin meang, nyi ni̱ ntak ji kpa̱sai di̱ si̱sak ji nang nyi nswan swat nyin hu a̱ni. Mat lyin hu sweap, a̱wot a̱chuchuk sai wu wa si̱ sai.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.