Yoona 1:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 1:7 Iomraidhean Croise

Yoona 1:12

A̱mgba̱m ma̱ng a̱nia, á̱niet ba̱ san guu, ba̱ si̱ nwuak fwuo da̱ nggu a̱ni; á̱ nang ba tyok ma̱ng a̱wat ba̱ yet mman A̱gwaza.

Yoona 1:15

Yoona mameang ku tak a̱lyiat kpa̱sai tazwa nggu. A̱ si̱ ta̱ngam a̱nwuat nggu ka mi̱ chet nyia̱, “A̱tyu wuni wa nang n ku ndyiat tazwa nggu, ‘A̱tyu a̱ chobai, a̱ khwi nung lilyim a̱ni, a̱ yet a̱tyu kwak a̱son nung wa. A̱wot a̱ si̱ swak nung ma̱ng shi hu ba̱t. Mat a̱ nshya̱ neet nang á̱ ka̱n byin nung bah.’ ”

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 1:36

a̱ si̱ kin di Yesu gu chong a̱ sweap. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni!”

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Nta̱m A̱yaata̱m 19:4

Bulut si̱ nyia̱ ma̱ng a̱mba, “Ba̱ptisman Yoona ji yet si̱ ghwon a̱ka̱tuk nyia̱ ja. A̱wot Yoona ma̱ a̱pyia̱ nggu ku tak ma̱ng á̱niet ba ba̱ nwuak fwuo di̱ Yesu; nggu wa yet a̱tyu a̱ chobai a̱ni.”

A̱ga̱la̱tiyawa 3:26

Si̱sak nang nyi nnwuak fwuo di̱ Yesu a̱ni, tyia̱ nyi yet mman A̱gwaza. Mat nyi mun á̱pyia̱ ma̱ng Yesu Kristi.

A̱fisawa 3:9

Á̱ ku khai nung n gwa̱i konyan ndyo, a̱ ka fi̱k la̱p sak ku shya̱ di̱ niat, nang A̱gwaza a̱ nyia̱ kuzang kyang la̱p a̱ sak neet mi̱ di̱ nyia̱ swanta hu a̱ni.

1 Timoti 2:4

Nggu wa chat a̱mgba̱m á̱niet ba ba̱ shya̱ swuan sang sangba̱p, a̱wot ba̱ fi̱k a̱chuchuk wu.

Titut 2:11

Mat A̱gwaza wa ka̱n tyai shok nggu ji kpa̱sai, da̱nian ji̱ ka san a̱mgba̱m á̱niet ba.

2 Bitut 3:9

Mat a̱nia, nyi lyen nang A̱gwaza wu nkwak vam di̱ nyia̱ a̱li̱ka̱uli ma̱ cha̱chaat nang gu la̱p a̱ni bah, nang á̱ghyang á̱niet nfa nyia̱ a̱ kwak vam a̱ni. Kaai! A̱nia wa bah! A̱ nyeap fwuo ma̱ng a̱nyin, mat a̱ chat a̱yin ma̱ nyin a̱ khwu bah. A̱wot a̱ chat kuzang a̱yin a̱ bwuak a̱ ghwon a̱ka̱tuk nyia̱ nggu wu wa.