Yoona 1:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ A̱gwaza ku ta̱m a̱ta̱m nggu wu á̱ si̱ ngyei gu Yoona.

Yoona 1:6 Iomraidhean Croise

Matyu 11:10

Yoona wa nang á̱ lyuut tazwa nggu ma̱ A̱lyiat A̱gwaza na nyia̱, ‘Di, n ta̱m ma̱ng a̱ta̱m nung wu, gu khwat a̱son ang. A̱wot a̱ na jhyi ang vak hu, a ba̱ nkai.’

Matyu 21:25

Nyi tak nung, tyok nang Yoona ku nnyia̱ Ba̱ptisman ji a̱ni, ku neet a̱ji wa? Ku neet Ma A̱gwaza tswazwa kya kee, da̱ a̱vwuo a̱tyubishyi kya?” A̱wot ba̱ si̱ ya nwuo a̱di̱dam tsi̱tsak mba nyia̱, “Ka̱ zi̱ nyia̱, tyok nyia̱ ba̱ptisman nggu hu neet Ma A̱gwaza tswazwa kya, a̱ na lyip zi̱t, mi̱ yihwa mbyia̱ zi̱ ndak nwuak a̱chuchuk di̱ tyiet Yoona hu?

Luka 1:13

A̱ta̱m tswa wu si̱ nyia̱ ma̱ng a̱nggu, “Za̱ka̱riya, yok fa̱k a̱wun bah. A̱gwaza fa̱k naai ang hu. A̱li̱sa̱ba̱tu a̱byii̱k ang wu na byin nggwon. A na tyia̱ nka a̱lyoot Yoona.

Luka 1:76

A̱wot nwan nggwon nung, á̱ na ngyei ang a̱ta̱m a̱kwonu A̱gwaza Tswazwa, a̱ Swak ma̱ng A̱kyenkyai Shi a̱ni. Mat a na yet a̱son bai ghwon A̱tyoli wu, a ka jhyi nggu vak hu.

Yoona 1:33

Bi̱ri̱ng ma̱ng a̱nia, n si̱ nfi̱k gu bah. A̱wot A̱gwaza a̱ ku ta̱m nung n nyia̱ ba̱ptisman ji ma̱ng a̱sa̱khwot na a̱ni, si̱ nyia̱ ma̱ng a̱nung a̱ni, ‘A̱tyu nang a li A̱za̱za̱rak Ntswa wu chorop a̱ chobai a̱ ba̱ swan da̱ nggu a̱ni; nggu wa yet a̱tyu a̱ na nyia̱ á̱niet ba ba̱ptisman ji ma̱ng A̱za̱za̱rak Ntswa A̱gwaza wu a̱ni.’

Yoona 3:28

Nyin ma̱ á̱pyia̱ nyin, nyi yet á̱niet ba̱ ku mun á̱ fa̱k kyang hu nang n ku ndyiat a̱ni, nang n ku nnyia̱, ‘Nung gwa ngyet Kristi wu bah. Da̱ a̱kwonu a̱kya, nung gwa nang á̱ ta̱m n khwat a̱son gu.’

Nta̱m A̱yaata̱m 13:24

Neet nang Yesu ka̱n bai bah, Yoona a̱tyu nyia̱ ba̱ptisman ku shei a̱lyiat A̱gwaza na. A̱ si̱ nyia̱ a̱mgba̱m á̱niet Isi̱rela ba, ba̱ ghwon a̱ka̱tuk nyia̱ mba wu, ba̱ bwuok ba̱ khwi A̱gwaza, a̱ sii nyia̱ mba ba̱ptisman.