Yoona 1:51 - A̠lyiat A̠gwaza na di̠n Tyap: A̠li̠ka̠uli A̠fai

⁵¹ A̱jawa Yesu si̱ bu nyia̱ ma̱ng a̱mba a̱ni, “N tak nyin a̱tsak a̱lyiat; nyi bye li Ma A̱gwaza tswazwa ka khwuk, a̱wot nyi li a̱yaata̱m tswá A̱gwaza nang ba̱ ban á̱ tsa á̱ nchorop a̱zaghyi Nggwon A̱tyubishyi!”

Yoona 1:51 Iomraidhean Croise

Matyu 25:31

“Jen nang Nggwon A̱tyubishyi na mbwuok a̱ bai ma̱ng a̱kyenkyai shi nka wu ndung ma̱ng a̱mgba̱m a̱yaata̱m tswá nggu ba a̱ni, a̱ na swan da̱ a̱gba̱ndang chuk tyok nggu ji, ji̱ byia̱ shi a̱ni.

Matyu 26:24

Ku yet ta hwa, Nggwon A̱tyubishyi ka̱ nkat ma̱nang á̱ ndyuut tazwa nka a̱ni. A̱mgba̱m ma̱ng a̱nia, ku swan a̱tyu a̱wa a̱ yet jat ji nang á̱ na mbwuk ma̱ng Nggwon A̱tyubishyi ka a̱ni za̱m! Ka̱ á̱ wa byin a̱tyu a̱wa bah, si̱ ku lan!”

Matyu 3:16

Nang Yoona ntyak nyia̱ Yesu ba̱ptisman ji a̱ni, mi̱ di̱ ghwut Yesu hu ma̱ a̱sa̱khwot na, Ma A̱gwaza tswazwa ka si̱ kin khwuk, a̱ si̱ li A̱za̱za̱rak Ntswa A̱gwaza wu gu chorop a̱ neet tswazwa nang a̱bwa a̱ni, a̱ ba̱ swan da̱ Yesu.

Matyu 4:11

A̱jawa A̱ta̱nyeang ka si̱ doot a̱ nkat, ka̱ si̱ ghwon Yesu. A̱wot a̱yaata̱m tswá A̱gwaza ba si̱ bai, ba̱ si̱ beang ngguu.

Matyu 8:20

Yesu si̱ nyia̱ ma̱ng a̱nggu a̱ni, “A̱ka̱kyong swuat ma̱ a̱bubwong, a̱ka̱man si̱ byia̱ a̱ka̱le. A̱wot nung, Nggwon A̱tyubishyi, mbyia̱ a̱vwuo kwai bah.”

Matyu 9:6

N na tak nyin kpa̱sai nyi ka lyen nang nung, Nggwon A̱tyubishyi mbyia̱ tyok n chi a̱ka̱tuk nyia̱ mi̱ swanta hu.” Huhwa Yesu si̱ bwuak, a̱ si̱ nwuan a̱tyu nang nkap nggu na ta̱luk a̱ni, a̱ si̱ nyia̱ ma̱ng a̱nggu, “Doot, a kyiak a̱kpang ang wu, a nkat a̱mali!”

Ma̱rkut 1:10

Nang Yesu nshya̱ di̱ ghwut ma̱ a̱sa̱khwot na a̱ni, a̱ si̱ kin di kyai tswazwa hu khwuk, nang A̱za̱za̱rak Ntswa wu chorop a̱ chobai da̱ nggu nang a̱bwa a̱ni!

Ma̱rkut 14:62

Yesu si̱ shim nyia̱, “Nung gwa. A̱wot nyi na li Nggwon A̱tyubishyi ka̱ swan a̱zayak A̱gwaza a̱ byia̱ Tyok a̱ni, nang gu neet tswazwa a̱ chobai ma̱ á̱ni̱nian!”

Luka 2:13

Mi̱ di̱ yong a̱hwa, á̱kpa a̱yaata̱m tswá A̱gwaza si̱ kin tyia̱ pwut á̱ ghwut kpa̱sai neet Ma A̱gwaza tswazwa mbeang a̱ta̱m tswa a̱nyiung wu! Ba̱ si̱ ta̱bat dyep A̱gwaza nyia̱,

Luka 2:9

A̱ta̱m tswa A̱gwaza si̱ kin ghwut a̱ yong kpa̱sai da̱ a̱vwuo mba ma̱ tsi̱m! A̱wot a̱kyenkyai shi A̱gwaza wu si̱ tyia̱ ma̱ mya̱ra̱m a̱ tyong ba a̱ keang; ba̱ si̱ fa̱k a̱wun ba̱t!

Luka 22:43

[[A̱jawa a̱ta̱m tswa A̱gwaza si̱ kin ghwut a̱ neet Ma A̱gwaza tswazwa, a̱ si̱ ba̱ tyia̱ Yesu chet.

Luka 22:69

A̱wot doot ma̱nini si̱ nat á̱zanson, Nggwon A̱tyubishyi na swan da̱ a̱gba̱ndang chuk tyok a̱zayak A̱gwaza, a̱ byia̱ a̱mgba̱m chet a̱ni!”

Luka 24:4

Nang ba̱ mbwuok á̱ yong ma̱ a̱tai a̱zanu a̱bi ka a̱ni, á̱tyok a̱feang ba̱ kup a̱yaatoot ba̱ ya á̱ghyi ma̱ mya̱myat a̱myat a̱ni; si̱ kin tyai á̱pyia̱ mba kpa̱sai da̱ a̱vwuo á̱nyiuk a̱kya, ma̱nang but á̱ghyi a̱ni!

Luka 3:21

Neet nang á̱ ka̱n tyia̱ Yoona mi̱ jaru bah, a̱ ku nyia̱ á̱ghyang á̱niet ba̱ptisman ji; a̱ si̱ mun a̱ nyia̱ Yesu ndyo mameang. Nang Yesu nshya̱ di̱ naai A̱gwaza a̱ni, Ma A̱gwaza tswazwa si̱ kin khwuk.

Yoona 1:50

Yesu si̱ nyia̱ ma̱ng a̱nggu a̱ni, “A nwuak a̱chuchuk mat n tak ang nang n ku ndi ang di̱n jen nang a ku nswan a̱tyin a̱kwon a̱bwabwap ka a̱ni a? A na li a̱cha̱chet nkyang jhyang na̱ swak si̱ nani a̱ni!”

Yoona 10:1

“Yok n hyia̱ ma̱ng a̱nyin a̱chuchuk; a̱tyu da̱ a̱ nwuo a̱na̱nyuo a̱ta̱mpwom zón seap ka a̱ni bah, a̱wot a̱ si̱ nwuo di̱n vak ghyang hwa ma̱ zan; a̱tyu a̱wa yet a̱tang, a̱ si̱ bu yet a̱tyu a̱tsaai wa!

Yoona 10:7

Yesu si̱ bu nyia̱, “Yok, n tak nyin a̱chuchuk; nung gwa ngyet a̱na̱nyuo zón seap ka.

Yoona 13:16

A̱tsak a̱lyiat, n tak nyin; a̱khwo si̱ mi̱n shya̱ shi a̱ swak a̱tyoli nggu bah. Ma a̱nia wa, nggwon nta̱m si̱ mi̱n swak a̱tyu a̱ ta̱m ka a̱ni bah.

Yoona 13:38

Yesu si̱ nyia̱ ma̱ng a̱nggu a̱ni, “A̱tsatsak a̱lyiat wa, a la̱p vam a khwu da̱nian nung a? N chat n tak ang tsatsak a̱lyiat; neet nang a̱gbak ka̱n tyiap bah, a na fwuo lyen nung bwuo a̱ka̱tat!”

Yoona 14:12

“A̱tsatsak a̱lyiat wa nang n shei nyin; konyan wa nwuak fwuo da̱ nung a̱ni, a̱ na nyia̱ nta̱m nang n nyia̱ a̱ni. Shimba, gu nyia̱ nta̱m na̱ swak á̱si̱ na n nyia̱ a̱ni, mat n naat da̱ a̱vwuo A̱tyia̱ nung.

Yoona 16:20

“N chat n tak ma̱ng a̱nyin a̱chuchuk; nyi na twei, nyi shya̱ byian fwuo. A̱mgba̱m ma̱ng a̱nia, á̱niet mi̱ swanta ba na shya̱ ma̱ng a̱gwai. Nyi na shya̱ byian fwuo. A̱wot byian fwuo nyin ji na tyia̱ a̱gwai.

Yoona 16:23

“A̱tuk a̱kya, nyi si̱ ba̱ lyip nung kyang bah. N tak ma̱ng a̱nyin a̱chuchuk; a̱tyia̱ nung wu na nang nyin a̱mgba̱m kyang hu nang nyi lyip mami a̱lyoot nung a̱ni.

Yoona 21:18

“N hyia̱ ma̱ng a̱nwan a̱tsak a̱lyiat; jen nang a ku ngyet fi̱ng nggwon seam a̱ni, a ni̱ kup a̱toot nang a chat a̱ni. A nat koji wa nang a chat nat a̱ni. A̱wot ka̱ a ba̱ kwop, a na neap mbwak ang na, a̱yin a̱ kup ang a̱yaatoot ang ba, a̱ nat ma̱ng a̱nwan da̱ a̱vwuo nang a chat a̱ni bah.”

Yoona 3:3

Yesu si̱ nyia̱ ma̱ng a̱nggu, “Yok n tak ma̱ng a̱nwan a̱tsatsak a̱lyiat, ka̱ a byin ang a̱ka̱feang bah, a si̱ mi̱n di Tyok A̱gwaza hu lili bah za̱m.”

Yoona 3:5

Yesu si̱ nwuak gu shim nyia̱, “Yok, n tak ma̱ng a̱nwan a̱tsatsak a̱lyiat; ka̱ á̱ byin a̱yin ma̱ng a̱sa̱khwot ma̱ng A̱za̱za̱rak Ntswa bah, a̱ si̱ mi̱n nwuo Tyok A̱gwaza hu bah.

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Yoona 5:27

Ma a̱nia wa, a̱tyia̱ wu si̱ bu nwuak Nggwon ka tyok ka̱ nyia̱ shi̱ri̱ya, mat ka̱ yet Nggwon A̱tyubishyi kya.

Yoona 6:26

Yesu si̱ nwuak mba shim nyia̱, “N na ntak nyin a̱tsatsak a̱lyiat; nyi chat nung, mat nyi ku ya burodi wu nyi si̱ swa̱i; da̱ nyia̱ nyi fi̱k nkyang a̱ga̱de nang n nyia̱ wa a̱ni bah.

Yoona 6:32

A̱jawa Yesu si̱ nyia̱ ma̱ng a̱mba a̱ni, “A̱tsatsak a̱lyiat wa za̱m, n na hyia̱ ma̱ng a̱nyin, Musa wa ku nwuak nyin kyayak hu, ku neet Ma A̱gwaza tswazwa ka a̱ni bah. A̱tyia̱ nung wu wa ma̱ a̱pyia̱ nggu; nggu wa nwuat nyin a̱tsatsak kyayak a̱ neet tswazwa ka a̱ni.

Yoona 6:47

“A̱chuchuk wa za̱m n chat n tak ma̱ng nyin; a̱tyu a̱ nwuak fwuo da̱ nung a̱ni, a̱ byia̱ swuan sang sangba̱p.

Yoona 6:53

Yesu si̱ nyia̱ ma̱ng a̱mba a̱ni, “A̱chuchuk wa n na tak nyin; ka̱ nyi ya nam vam Nggwon A̱tyubishyi, a̱wot nyi si̱ swuo a̱sok nka na bah, nyi si̱ mi̱n shya̱ swuan ji bah.

Yoona 8:34

Yesu si̱ nwuak ba shim nyia̱, “A̱tsatsak a̱lyiat, n hyia̱ ma̱ng a̱nyin; konyan wa nyia̱ a̱ka̱tuk nyia̱ a̱ni, a̱ yet a̱khwo a̱ka̱tuk nyia̱ wa za̱m!

Yoona 8:51

N na tak ma̱ng a̱nyin a̱chuchuk za̱m; konyan a̱ khwi a̱lyiat nung na a̱ni, a̱ si̱ mi̱n khwu bah, ba̱ng si̱ nat sang sangba̱p!”

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

Nta̱m A̱yaata̱m 10:11

A̱ si̱ li nang kyai tswazwa hu khwuk! A̱wot kyang ghyang si̱ ghwut, ku li kpa̱kpai nang a̱toot khwi wun a̱ni; á̱ ngyei á̱ ba̱ng hu di̱ pyipyia̱ naai á̱ chorop á̱ chobai ndyo a̱byin.

Nta̱m A̱yaata̱m 7:56

Huhwa Itifanut si̱ nyia̱ ma̱ng a̱mba, “Nyi li la! Ma A̱gwaza tswazwa ka khwuk! N si̱ ndi Nggwon A̱tyubishyi nang ka̱ yong a̱zayak A̱gwaza ka!”

2 A̱ta̱solonikawa 1:7

A̱wot nyin á̱niet ba nang á̱ ya̱fa̱k nyin di̱ yong huni a̱ni, A̱gwaza na nang nyin ma̱ng a̱nzi̱t a̱vwuo fwung di̱n jen nang A̱tyoli nzi̱t wu Yesu bye mbwuok neet Ma A̱gwaza tswazwa, gu ka tyai a̱pyia̱ nggu kpa̱sai a̱ni. A̱ na bwuok a̱ bai ma̱ng a̱cha̱chet a̱yaata̱m tswá A̱gwaza mami a̱gba̱ndang a̱lya̱ra̱p ndong, ka̱ na tak chet nggu hu a̱ni.

2 A̱ta̱solonikawa 1:9

Á̱ bye khap ba a̱zaghyi A̱gwaza á̱ sak zan. Á̱ na nyiak mbaa si̱ nat sang sangba̱p. Da̱ mba, ba̱ bye li a̱gba̱ndang a̱kyenkyai shi ma̱ng chet A̱gwaza hu ma̱ng á̱ghyi bah.

1 Timoti 3:16

Kyang ku nshya̱ di̱ niat di̱ tyiet nwuak a̱chuchuk nzi̱t hu a̱ni, shi za̱m. Huhwa yet: Yesu ku chyok a̱ bai mi̱ vam A̱tyubishyi. A̱za̱za̱rak Ntswa ku tak nang nggu ngyet a̱tsatsak wa. A̱wot á̱za̱za̱rak a̱yaata̱m tswá A̱gwaza si̱ li ngguu. Á̱ ku shei A̱sham Nkhang nggu ka, á̱ kai a̱mgba̱m nnwap mi̱ bibyin swanta hu. A̱mgba̱m á̱niet mi̱ swanta ba si̱ nwuak a̱chuchuk da̱ nggu. A̱wot á̱ si̱ kyiak gu á̱ nat ndyo Ma A̱gwaza tswazwa mami a̱kyenkyai shi nggu wu.

Ibriniyawa 1:14

Mat a̱nia, a̱yaata̱m tswá ba yet ma̱ á̱khwo bya, nang A̱gwaza ni̱ ta̱m, ba̱ beang á̱niet ba̱ na shya̱ san sang sangba̱p ku yet gado mba a̱ni.

Yahuda 1:14

Enok, a̱tyu a̱ ku shya̱ mi̱ nche a̱natat ji̱ neet da̱ A̱da̱mu a̱ni, a̱ ku tak á̱zanson tazwa á̱niet bani, nyia̱, “Nyi fa̱k! A̱gwaza a̱ yet A̱tyoli wu a̱ni, na bai ma̱ng a̱di̱di̱t á̱kpa chyikwop á̱za̱za̱rak a̱yaata̱m tswá nggu ba, nang á̱ si̱ mi̱n fang a̱ni bah.

Tyai Á̱zanson 19:11

A̱jawa n si̱ ndi Ma A̱gwaza tswazwa ka khwuk, n si̱ kin di a̱sai ntsaai gu yong a̱ja! A̱tyu a̱ nyeak tsaai ji a̱ni, á̱ ngyei nggu “A̱tsotswat” ma̱ng “A̱chuchuk;” mat da̱ a̱chuchuk nvak wa nang gu nnyia̱ shi̱ri̱ya, a̱ si̱ bu ngya zwang a̱tsotswat.

Tyai Á̱zanson 4:1

Nang si̱ huni nswak a̱ni, a̱jawa n si̱ kin di nyinyiit Ma A̱gwaza tswazwa nang á̱ nyiip a̱ni! A̱wot a̱nwuat ka nang n mi̱ nfa̱k a̱ni, ka̱ si̱ kaat ma̱ng a̱nung nang á̱ ni̱ ntyiap a̱gwa mi̱ chet a̱ni! A̱nwuat ka si̱ nyia̱, “Nyeak bai a̱ji! A̱wot n na ntak ang nkyang na̱ shya̱ á̱zanson nang ku yet ta hwa na̱ bai, ka̱ si̱ huni swak.”