Yoona 1:50 - A̠lyiat A̠gwaza na di̠n Tyap: A̠li̠ka̠uli A̠fai

⁵⁰ Yesu si̱ nyia̱ ma̱ng a̱nggu a̱ni, “A nwuak a̱chuchuk mat n tak ang nang n ku ndi ang di̱n jen nang a ku nswan a̱tyin a̱kwon a̱bwabwap ka a̱ni a? A na li a̱cha̱chet nkyang jhyang na̱ swak si̱ nani a̱ni!”

Yoona 1:50 Iomraidhean Croise

Matyu 13:12

Á̱niet ba̱ fwuong tyiet nung hu shansham a̱ni, á̱ na mbeang mba lyen hu, a̱wot ba̱ bu lyen gba̱mgbam. A̱wot á̱niet ba̱ lak fwuong tyiet nung hu a̱ni, ku a̱bankyang nang ba̱ fa ba̱ lyen a̱ni, á̱ na san nka á̱ ghwon mbaa.

Matyu 21:19

A̱jawa gu si̱ li a̱kwon a̱bwabwap da̱ a̱beam nvak. A̱ si̱ teap a̱ nat kpa̱mkpaan, a̱ ka li ke a̱kwon a̱bwabwap ka byia̱ sum. A̱wot a̱ si̱ shya̱ nang ka̱ yet ma̱ a̱kikyo bya. Yesu si̱ shyi a̱kwon a̱bwabwap ka, nyia̱, “A̱yin bu si̱ mi̱n mak ya sum ang bah, si̱ nat sang sangba̱p!” Mi̱ di̱ yong a̱hwa, a̱kwon a̱bwabwap ka si̱ kin shyuk kiki.

Matyu 25:29

Mat, á̱niet ba̱ ba̱ng nkyang nang á̱ jong ba shansham a̱ni, á̱ na mbeang mba ndyo. A̱wot á̱ na mbeang mba ndyo gba̱mgbam! Da̱ a̱kwonu a̱kya, á̱niet ba̱ ba̱ng nkyang nang á̱ jong ba shansham a̱ni bah, ku a̱bankyang nang ba̱ byia̱ a̱ni, á̱ na ta̱wap ka, á̱ ghwon baa.

Luka 1:45

Ma̱ryamu, a shya̱ a̱li̱ba̱rka mat a nwuak a̱chuchuk nang A̱gwaza na nyia̱ kyang nang gu nyia̱ a̱li̱ka̱uli a̱ni!”

Luka 7:9

Nang Yesu nfa̱k a̱lyiat a̱kwak a̱son á̱niet nzwang na a̱ni, a̱ si̱ fa̱k a̱ga̱de! A̱wot a̱ si̱ bwuak, a̱ si̱ nwuan á̱kpa á̱niet ka ba̱ khwi nggu a̱ni, a̱ si̱ nyia̱, “Yok n tak ma̱ng a̱nyin, n ka̱n di tangka̱i nwuak fwuo huni da̱ nung ma̱ a̱mgba̱m a̱byin Isi̱rela ka bah!”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 1:51

A̱jawa Yesu si̱ bu nyia̱ ma̱ng a̱mba a̱ni, “N tak nyin a̱tsak a̱lyiat; nyi bye li Ma A̱gwaza tswazwa ka khwuk, a̱wot nyi li a̱yaata̱m tswá A̱gwaza nang ba̱ ban á̱ tsa á̱ nchorop a̱zaghyi Nggwon A̱tyubishyi!”

Yoona 11:40

Yesu si̱ nyia̱ ma̱ng Ma̱rta, “Wa n gyei n nyia̱, ka̱ a nwuak fwuo da̱ nung, a na li shi A̱gwaza hu a?”

Yoona 20:29

Yesu si̱ bu nyia̱ ma̱ng a̱nggu, “A nwuak fwuo mat nang a ndi nung wa a̱ni a? Á̱niet a̱li̱ba̱rka bya yet á̱si̱ ba̱ nwai li nung; a̱mgba̱m ma̱ng a̱nia ba̱ si̱ nwuak fwuo da̱ nung a̱ni.”