Yoona 1:49 - A̠lyiat A̠gwaza na di̠n Tyap: A̠li̠ka̠uli A̠fai

⁴⁹ A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 1:49 Iomraidhean Croise

Matyu 14:33

A̱wot mman nta̱m na si̱ kyuak Yesu ntong. Ba̱ si̱ nyia̱, “A̱tsak a̱lyiat, a yet Nggwon A̱gwaza kya za̱m!”

Matyu 2:2

Ba̱ si̱ ba̱ lyip nyia̱, “Nggwon ka nang á̱ byin ka̱ yet a̱gwam A̱yahudawa wu a̱ni, shya̱ a̱ji wa? Mat zi̱ li a̱ta̱ngwat nggu ka ghwut neet di̱ nfam a̱tyin, zi̱ bai zi̱ ka kyuak gu ntong.”

Matyu 21:5

“Nyi tak ma̱ng á̱niet Urusha̱lima ba nyia̱, ‘Di, A̱gwam nyin wu wa wu chobai da̱ a̱vwuo nyin! A̱ kyiak a̱pyia̱ nggu nang kyang a̱ni bah. A̱ swan tazwa a̱ka̱za̱nki, nggwon a̱ka̱za̱nki kya gu nyeak.’ ”

Matyu 23:7

A̱wot ki̱ ba̱ chong mi̱ tungga, ba̱ ni̱ chat á̱ chyin baa, a̱wot á̱ tang mba a̱didyep, á̱ yei mba ma̱ng a̱gba̱ndang a̱lyoot nyia̱, ‘A̱tyu tyiet!’

Matyu 23:8

“A̱wot nyin, nyi yok shim á̱ chyin nyin nang a̱tsak ‘A̱tyu tyiet’ a̱ni bah. Mat nyi byia̱ a̱tsak a̱tyu tyiet a̱nyiung wa ma̱nyin gu. A̱wot a̱mgba̱m nyin, nyi yet kyang nyiung hwa nang á̱na̱nyiuk á̱ghyang a̱ni.

Matyu 27:11

Nang Yesu ngyong a̱zaghyi Bilatut, a̱ yet gwomna A̱romawa wu a̱ni, gwomna wu si̱ lyip gu nyia̱, “Nwan wa yet a̱gwam A̱yahudawa wu a?” Yesu si̱ nyia̱ ma̱ng a̱nggu, “A hyia̱ na cha̱chaat.”

Matyu 27:42

“A̱ san á̱ghyang á̱niet, a̱wot a̱ si̱ mi̱n san a̱pyia̱ nggu bah! Ma̱ninika, yok A̱gwam Isi̱rela wuni gu chyok da̱ a̱team a̱khwu wu zi̱ ka li, zi̱ sii nwuak fwuo da̱ nggu!

Matyu 4:3

Di̱n jen a̱ja, A̱ta̱nyeang ka si̱ bai da̱ a̱vwuo Yesu, ka̱ si̱ nyia̱, “Ka̱nang a yet Nggwon A̱gwaza kya chi̱k, tyia̱ nfang nani na̱ bwuak á̱ tyia̱ burodi, a yaa.”

Ma̱rkut 15:32

Yok Kristi wuni, A̱gwam Isi̱rela, ma̱ninika gu chyok da̱ a̱team a̱khwu wu; da̱nian zi̱ ka li zi̱ sii nwuak fwuo da̱ a̱nggu!” A̱wot á̱niet nang á̱ kpang mba ndung ma̱ng a̱nggu a̱ni, mba meang, ba̱ si̱ mun á̱ lyiat gu lihyat hu.

Luka 1:35

A̱ta̱m tswa wu si̱ nwuak gu shim nyia̱, “A̱za̱za̱rak Ntswa wa na chyok da̱ nwan. A̱wot chet A̱gwaza a̱ Swak ma̱ng A̱kyenkyai Shi a̱ni, na kup ang. Mat a̱nia, nggwon ka a na byin a̱ni, ka̱ na yet a̱za̱za̱rak wa. A̱wot á̱ na ngyei nka Nggwon A̱gwaza.

Luka 19:38

“A̱gwam a̱ chobai da̱ a̱lyoot A̱gwaza a̱ni, a̱ yet a̱tyu a̱li̱ba̱rka wa! Swat nyinyang shya̱ Ma A̱gwaza tswazwa! A̱wot yok á̱ nwuak A̱gwaza a̱ shya̱ a̱ja a̱ni shi!”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:34

N di a̱nia, n tak nyin kpa̱sai nang nggu wa ngyet Nggwon A̱gwaza ka.”

Yoona 1:38

Nang Yesu mbwuak a̱ si̱ li nang ba̱ khwi nggu a̱ni, a̱ si̱ lyip ba nyia̱, “Yihwa nang nyi chat?” Ba̱ si̱ nwuak gu shim ma̱ng lyip nyia̱, “Rabi!” (Swang jini fa, “A̱tyu tyiet.”) “A̱ji wa nang a nshya̱?”

Yoona 1:50

Yesu si̱ nyia̱ ma̱ng a̱nggu a̱ni, “A nwuak a̱chuchuk mat n tak ang nang n ku ndi ang di̱n jen nang a ku nswan a̱tyin a̱kwon a̱bwabwap ka a̱ni a? A na li a̱cha̱chet nkyang jhyang na̱ swak si̱ nani a̱ni!”

Yoona 18:37

Huhwa gwomna Bilatut si̱ nyia̱, “A yet a̱gwam wa a?” Yesu si̱ ma nwuak gu shim nyia̱, “A hyia̱ cha̱chaat nang ngyet a̱gwam wa. Á̱ ku byin nung, á̱ si̱ ta̱m ma̱ng a̱nung mi̱ swanta hu, mat kyang nyiung hwa, huhwa yet; n tak ma̱ng á̱niet ba a̱chuchuk wu kpa̱sai. A̱wot konyan wa khwi a̱chuchuk wu, a̱ ni̱ myiai a̱fufwuo a̱ fa̱k nung.”

Yoona 4:31

A̱ shya̱ di̱ nyia̱ a̱nia, a̱jawa mman ta̱m Yesu si̱ naai nggu nyia̱, “A̱tyu tyiet, ma̱sa̱kut ya kyayak hu.”