Yoona 1:48 - A̠lyiat A̠gwaza na di̠n Tyap: A̠li̠ka̠uli A̠fai

⁴⁸ A̱jawa Nataniyel si̱ nyia̱ ma̱ng Yesu a̱ni, “A̱ji wa nang a ndyen nung?” Yesu si̱ nwuak gu shim hu nyia̱, “Neet nang Filibut ka̱n gyorong ang bah, nang a ku nswan a̱tyin a̱kwon a̱bwabwap ka a̱ni; n ku ndi ang a̱ja.”

Yoona 1:48 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 6:6

Da̱ a̱kwonu a̱kya, nwan, ka̱ a na naai A̱gwaza, a nwuo ma̱ swang nyuo ma̱nyin ang. A nyim nyinyiit hu, a sii naai A̱gwaza a̱ yet a̱tyia̱ ang wu a̱ni a̱ja. A̱wot A̱gwaza a̱ yet a̱tyia̱ ang wu, a̱ nwuan kuzang kyang ku shya̱ di̱ niat a̱ni, a̱ na nwuak ang zang.

Yoona 1:44

Nggu Filibut mameang, ku yet a̱tyu a̱ neet ma̱ a̱keang Ba̱tsaida kya dundung ma̱ng Anda̱rawut ma̱ng Bitut.

Yoona 12:21

Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 14:8

Huhwa Filibut si̱ nyia̱ ma̱ng Yesu a̱ni, “A̱tyoli, tak ma̱ng a̱nzi̱t A̱tyia̱ wu, gu ka maai nzi̱t shansham.”

Yoona 2:25

Da̱ mba, ba̱ byia̱ a̱yin a̱ na hyia̱ ma̱ng a̱nggu kyang tazwa a̱tyubishyi a̱ni bah. Mat, a̱ ku lyen kyang hu ku shya̱ mi̱ nfwuo mba na a̱ni.

Yoona 6:5

Yesu si̱ nwuan a̱ kaat, a̱di̱dam si̱ bai nggu. A̱ si̱ li nang a̱gba̱ndang á̱kpa á̱niet chobai da̱ a̱vwuo nggu. A̱jawa gu nyia̱ ma̱ng Filibut a̱ni, “A̱ji wa zi̱ na nsan kyayak ku maai zi̱ nnwuak á̱niet bani?”

Yoona 6:7

Filibut si̱ nwuak gu shim hu nyia̱, “Ka̱ konyan ma̱ mba na shya̱ burodi ma̱ chunchwiit, zi̱ na hyat kurum ku swak kurum ta̱m zwát a̱taa a̱ni!”

1 A̱korontiyawa 14:25

Nang ba̱ mmyiai a̱fufwuo á̱ fwuong a̱lyiat A̱gwaza na a̱ni, a̱di̱dam mi̱ nfwuo mba wu a̱ shya̱ di̱ niat a̱ni, á̱ na ghwut ma̱ng a̱di̱dam wu kpa̱sai. A̱wot ba̱ na kpaat a̱khwukhwut ba̱ kyuak ntong a̱zaghyi A̱gwaza, ba̱ nyia̱, “A̱tsatsak a̱lyiat, A̱gwaza shya̱ a̱ji mami nyin!”

1 A̱korontiyawa 4:5

Mat a̱nia, nyi yok mak nyi nyia̱ shi̱ri̱ya di̱ nta̱m a̱yin a̱nggang neet nang Kristi A̱tyoli nzi̱t wu ka̱n bwuok bah. Mat nggu wa na tyai kpa̱sai nkyang nang zi̱ nyia̱ na̱ shya̱ mi̱ dyin a̱ni, a̱wot gu bu tyai a̱di̱dam mi̱ nfwuo nzi̱t wu kpa̱sai. A̱wot A̱gwaza na dyep konyan ma̱ cha̱chaat ma̱ng ta̱m hu nang gu nyia̱ a̱ni.