Yoona 1:46 - A̠lyiat A̠gwaza na di̠n Tyap: A̠li̠ka̠uli A̠fai

⁴⁶ Nataniyel si̱ nyia̱ ma̱ng a̱nggu, “Ka̱ doot a̱tsatsak kyang a̱ ghwut mi̱ Na̱za̱ra̱t a?!” A̱jawa Filibut si̱ nyia̱ ma̱ng a̱nggu a̱ni, “Bai, a lii!”

Yoona 1:46 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 2:23

Nang gu nnwuo Ga̱lili a̱ni, a̱ si̱ swan ma̱ a̱keang Na̱za̱ra̱t. Ku si̱ nat cha̱chaat ma̱ng kyang hu nang a̱yaata̱m a̱kwonu A̱gwaza ba ku tak á̱zanson gbangbang a̱ni nyia̱, “Á̱ na ngyei nggu A̱tyu Na̱za̱ra̱t.”

Luka 12:57

“Yihwa mbyia̱ nang nyi si̱ mi̱n fi̱k a̱tsatsak kyang a̱ myim nyi nyia̱ a̱ni bah?

Yoona 1:44

Nggu Filibut mameang, ku yet a̱tyu a̱ neet ma̱ a̱keang Ba̱tsaida kya dundung ma̱ng Anda̱rawut ma̱ng Bitut.

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 12:21

Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 14:8

Huhwa Filibut si̱ nyia̱ ma̱ng Yesu a̱ni, “A̱tyoli, tak ma̱ng a̱nzi̱t A̱tyia̱ wu, gu ka maai nzi̱t shansham.”

Yoona 4:29

“Nyi bai nyi li a̱tyu a̱ tyai nung a̱mgba̱m kyang nang n ka̱n nyia̱ a̱ni! Ke nggu wa yet Kristi wu la?!”

Yoona 6:5

Yesu si̱ nwuan a̱ kaat, a̱di̱dam si̱ bai nggu. A̱ si̱ li nang a̱gba̱ndang á̱kpa á̱niet chobai da̱ a̱vwuo nggu. A̱jawa gu nyia̱ ma̱ng Filibut a̱ni, “A̱ji wa zi̱ na nsan kyayak ku maai zi̱ nnwuak á̱niet bani?”

Yoona 6:7

Filibut si̱ nwuak gu shim hu nyia̱, “Ka̱ konyan ma̱ mba na shya̱ burodi ma̱ chunchwiit, zi̱ na hyat kurum ku swak kurum ta̱m zwát a̱taa a̱ni!”

Yoona 7:52

Ba̱ si̱ nyia̱, “Nwan meang, a yet a̱tyu Ga̱lili wa a? Zop A̱lyiat A̱gwaza na shansham a lii; á̱ byia̱ a̱ta̱m a̱kwonu A̱gwaza a̱ na ghwut ma̱ a̱byin Ga̱lili a̱ni bah!”

1 A̱ta̱solonikawa 5:21

Nyi ni̱ mmak kuzang kyang á̱ tak nyin a̱ni. Nyi ba̱ng si̱ ku yet a̱tan a̱ni.