Yoona 1:45 - A̠lyiat A̠gwaza na di̠n Tyap: A̠li̠ka̠uli A̠fai

⁴⁵ Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 1:45 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 13:55

A̱wot ba̱ si̱ mai Yesu mai lihyat. Ba̱ si̱ nyia̱, “Nggu wa yet nggwon a̱tyu shap nkyang ka baa? A̱yang nggu wa á̱ ngyei Ma̱ryamu wu baa? A̱wot á̱na̱nyiuk á̱sam nggu ba, bibya yet Yakubu, Yosi, Siman ma̱ng Yahuda baa?

Matyu 2:23

Nang gu nnwuo Ga̱lili a̱ni, a̱ si̱ swan ma̱ a̱keang Na̱za̱ra̱t. Ku si̱ nat cha̱chaat ma̱ng kyang hu nang a̱yaata̱m a̱kwonu A̱gwaza ba ku tak á̱zanson gbangbang a̱ni nyia̱, “Á̱ na ngyei nggu A̱tyu Na̱za̱ra̱t.”

Matyu 21:11

A̱wot susot á̱kpa á̱niet ji si̱ nwuak shim nyia̱, “A̱tyu wuni wa yet Yesu, a̱ta̱m a̱kwonu A̱gwaza, a̱ neet Na̱za̱ra̱t mi̱ fam a̱byin Ga̱lili a̱ni!”

Ma̱rkut 14:67

Nang gu ndi Bitut gu ni̱ wa̱i long hu a̱ni, a̱ si̱ ti̱p á̱ghyi di̱di̱r da̱ nggu, a̱ si̱ nyia̱, “Nwan meang, a shya̱ dundung ma̱ng Yesu a̱tyu Na̱za̱ra̱t wuni!”

Ma̱rkut 6:3

A̱tyu wuni wa yet a̱tyu shap nkyang wu baa? Nggu wa yet nggwon Ma̱ryamu, a̱ bu yet a̱na̱nyiuk Yakubu, Yosi, Yahuda, ma̱ng Siman baa? Á̱na̱nyiuk á̱nap gu bibya shya̱ a̱ji ma̱ng a̱nzi̱t baa?” A̱wot ba̱ si̱ lak fa̱k gu hu.

Luka 18:37

Á̱ si̱ tak ma̱ng a̱nggu nang Yesu a̱tyu Na̱za̱ra̱t wa nsweap.

Luka 2:4

Huhwa Isuu si̱ doot ma̱ a̱keang Na̱za̱ra̱t, mi̱ fam a̱byin Ga̱lili. A̱ si̱ nat Ba̱italami a̱keang Da̱wuda mi̱ fam a̱byin Yahudiya, mat a̱ ku neet mi̱ kwai a̱gwam Da̱wuda ja.

Luka 2:48

Nang á̱niet mbyin nggu ba ndi gu a̱ni, ba̱ si̱ fa̱k a̱ga̱de. A̱yang nggu wu si̱ ngai ma̱ng a̱nggu, nyia̱, “Nggwon nung, yihwa mbyia̱ a nnyia̱ nzi̱t a̱nia? Nung ma̱ng a̱tyia̱ ang wu ka̱n swuo a̱bung ma̱ng byian nfwuo za̱m di̱ chat zi̱ shya̱ ang!”

Luka 24:27

A̱wot Yesu si̱ wa̱i mba a̱mgba̱m A̱lyiat A̱gwaza na, kyiak neet di̱ doka Musa ji, ba̱ng ba̱ tat shei á̱zanson nang a̱mgba̱m a̱yaata̱m a̱kwonu A̱gwaza á̱ghyang ku lyuut a̱ni.

Luka 24:44

A̱jawa Yesu si̱ nyia̱, “Jen nang n ku nshya̱ ndung ma̱ng a̱nyin a̱ni, n ku ntak ma̱ng a̱nyin á̱zanson nang kuzang a̱lyiat nang á̱ lyuut tazwa nung mi̱ doka Musa ji ma̱ng a̱yaata̱m a̱kwonu A̱gwaza ba, mbeang Za̱bura a̱ni; ku yet ta hwa na̱ bai da̱ a̱nu ka.”

Luka 3:23

Jen nang Yesu nnaat a̱lyia̱ swak ntat ma̱ng kyang a̱ni, a̱ si̱ nwuo ta̱m shei á̱niet a̱lyiat A̱gwaza na. Á̱ si̱ kyiak nyia̱ Yesu yet a̱fai Isuu wa. Isuu ku yet a̱fai Heli. Heli si̱ yet a̱fai Matat.

Luka 4:22

A̱mgba̱m á̱niet ba si̱ chyin guu. A̱wot ba̱ si̱ fa̱k a̱ga̱de nang gu ntak a̱lyiat nggu na tí̱tak a̱ni. Ba̱ si̱ lyip nyia̱, “Ku na nyia̱ ni ku ndi a̱nia? A̱tyu wuni wa yet nggwon Isuu ka baa?”

Yoona 1:44

Nggu Filibut mameang, ku yet a̱tyu a̱ neet ma̱ a̱keang Ba̱tsaida kya dundung ma̱ng Anda̱rawut ma̱ng Bitut.

Yoona 12:21

Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 14:8

Huhwa Filibut si̱ nyia̱ ma̱ng Yesu a̱ni, “A̱tyoli, tak ma̱ng a̱nzi̱t A̱tyia̱ wu, gu ka maai nzi̱t shansham.”

Yoona 18:5

Ba̱ si̱ ma shim nggu ndyo nyia̱, “Yesu, A̱tyu Na̱za̱ra̱t wa!” Yesu si̱ nyia̱ ma̱ng a̱mba, “Di, nung gwa wu!” (Yahuda a̱bang a̱byin wu a̱ na bwuk ma̱ng Yesu a̱ni, nang gu yong dundung ma̱ng a̱mba a̱ja.)

Yoona 18:7

Yesu si̱ bu lyip ba a̱ka̱feang nyia̱, “A̱nyan wa nang nyi chat la?” Ba̱ si̱ bu nwuak gu shim nyia̱, “Yesu A̱tyu Na̱za̱ra̱t!”

Yoona 19:19

Gwomna Bilatut mameang si̱ tyia̱ á̱ si̱ lyuut a̱lyiat da̱ a̱lo á̱ si̱ lya̱u tazwa a̱team a̱khwu wu. Kyang nang gu ku lyuut a̱ni huhwa yet; “Di, Yesu A̱tyu Na̱za̱ra̱t A̱gwam A̱yahudawa wu wa wu!”

Yoona 21:2

Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.

Yoona 6:42

Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Yoona 6:5

Yesu si̱ nwuan a̱ kaat, a̱di̱dam si̱ bai nggu. A̱ si̱ li nang a̱gba̱ndang á̱kpa á̱niet chobai da̱ a̱vwuo nggu. A̱jawa gu nyia̱ ma̱ng Filibut a̱ni, “A̱ji wa zi̱ na nsan kyayak ku maai zi̱ nnwuak á̱niet bani?”

Yoona 6:7

Filibut si̱ nwuak gu shim hu nyia̱, “Ka̱ konyan ma̱ mba na shya̱ burodi ma̱ chunchwiit, zi̱ na hyat kurum ku swak kurum ta̱m zwát a̱taa a̱ni!”

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.

Nta̱m A̱yaata̱m 22:8

“N si̱ ndyip a̱nyuu, nyia̱, ‘A̱tyoli, nwan wa yet a̱nyan?!’ “A̱wot a̱nwuat ka si̱ nyia̱ ma̱ng a̱nung, ‘Nung gwa ngyet Yesu a̱tyu Na̱za̱ra̱t, nang a ya̱shuk a̱ni.’

Nta̱m A̱yaata̱m 26:9

“Gbangbang nung meang, n ku nwuak a̱chuchuk, n si̱ ndi ku myim n nyia̱ kuzang kyang ku na nyia̱ na̱nvan ma̱ng a̱lyoot Yesu a̱tyu Na̱za̱ra̱t a̱ni.

Nta̱m A̱yaata̱m 3:6

A̱wot Bitut si̱ nyia̱ ma̱ng a̱nggu, “N byia̱ kurum zi̱nariya ku a̱zurfa nang n na nang ang a̱ni bah. A̱mgba̱m ma̱ng a̱nia, kyang hu n byia̱ a̱ni; huhwa n na nang ang. Mami chet a̱lyoot Yesu Kristi A̱tyu Na̱za̱ra̱t, [[doot]] a chong!”