Yoona 1:44 - A̠lyiat A̠gwaza na di̠n Tyap: A̠li̠ka̠uli A̠fai

⁴⁴ Nggu Filibut mameang, ku yet a̱tyu a̱ neet ma̱ a̱keang Ba̱tsaida kya dundung ma̱ng Anda̱rawut ma̱ng Bitut.

Yoona 1:44 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 11:21

“Ku swan nyin á̱niet Korazin ma̱ng Ba̱tsaida! Mat ka̱ á̱ wa nyia̱ nta̱m a̱ri̱bi̱di nang á̱ nyia̱ nyin dyo a̱ni, nyia̱ ni̱nia nang á̱ wa nyia̱ ma̱ a̱ka̱keang Taya ma̱ng Sidon, si̱ ba̱ ghwon a̱ka̱tuk nyia̱ mba wu neet a̱fwun bah. Ba̱ si̱ khwi a̱kyakyak a̱yaatoot. Ba̱ si̱ wop á̱pyia̱ mba ntong, ku tak byian fwuo da̱ a̱ka̱tuk nyia̱ mba wu a̱ni.

Ma̱rkut 3:18

Anda̱rawut, Filibut, Ba̱tolomi, Matyu (á̱ bu ngyei La̱wi a̱ni), Toma, Yakubu a̱fai A̱lfayat, Tadiyut, Siman (nang á̱ ngyei Za̱loti a̱ni),

Ma̱rkut 6:45

Mi̱ di̱ yong a̱hwa, Yesu si̱ tyia̱ mman ta̱m nggu na si̱ nwuo mi̱ kukwon a̱wak; ba̱ si̱ wak á̱ byia̱k á̱ khwat a̱son gu á̱ nat a̱keang Ba̱tsaida a̱ma̱nyi a̱gba̱ndang jok ka. Nggu meang, a̱ si̱ byiat á̱kpa á̱niet ka saak, ba̱ si̱ nkat.

Ma̱rkut 8:22

Nang ba̱ ntat a̱keang Ba̱tsaida a̱ni, á̱ghyang á̱niet si̱ bai ma̱ng a̱tyu a̱fi̱fan da̱ a̱vwuo Yesu. Ba̱ si̱ naai nggu gu byiam a̱tyu a̱wa a̱ choot gu.

Luka 10:13

“Ku swan nyin á̱niet a̱ka̱keang Korazin ma̱ng Ba̱tsaida! Mat ka̱ á̱ wa nyia̱ nta̱m a̱ri̱bi̱di nang n nyia̱ nyin ndyo a̱ni, nyia̱ ni̱nia nang á̱ wa nyia̱ ma̱ a̱ka̱tuk a̱ka̱keang Taya ma̱ng Sidon; si̱ ba̱ ghwon a̱ka̱tuk nyia̱ mba wu neet a̱fwun bah, ba̱ si̱ khwi a̱kyakyak a̱yaatoot, ba̱ si̱ wop á̱pyia̱ mba ntong. Ku tak nang ba̱ nshya̱ ma̱ng byian fwuo da̱ a̱ka̱tuk nyia̱ mba wu.

Luka 6:14

Siman (Nang Yesu ntyia̱ a̱lyoot, “Bitut” ka a̱ni), Anda̱rawut (A̱na̱nyiuk Bitut wu), Yakubu, Yoona, Filibut, Ba̱tolomi,

Luka 9:10

Jen nang a̱yaata̱m Yesu ba mbwuok á̱ bai a̱ni, ba̱ si̱ bwoi Yesu nkhang kuzang kyang nang ba̱ nyia̱ a̱ni. Yesu si̱ yorong mba da̱ a̱gbang a̱nyiung. Ba̱ si̱ nat ndung ma̱ a̱keang nang á̱ ngyei Ba̱tsaida a̱ni.

Yoona 1:43

Da̱ a̱tsotson tat ka, Yesu si̱ kyiak mi̱ fwuo a̱ nat a̱byin Ga̱lili. A̱ si̱ myim ma̱ng Filibut. A̱ si̱ nyia̱ ma̱ng a̱nggu, “Khwi nung!”

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 1:46

Nataniyel si̱ nyia̱ ma̱ng a̱nggu, “Ka̱ doot a̱tsatsak kyang a̱ ghwut mi̱ Na̱za̱ra̱t a?!” A̱jawa Filibut si̱ nyia̱ ma̱ng a̱nggu a̱ni, “Bai, a lii!”

Yoona 1:48

A̱jawa Nataniyel si̱ nyia̱ ma̱ng Yesu a̱ni, “A̱ji wa nang a ndyen nung?” Yesu si̱ nwuak gu shim hu nyia̱, “Neet nang Filibut ka̱n gyorong ang bah, nang a ku nswan a̱tyin a̱kwon a̱bwabwap ka a̱ni; n ku ndi ang a̱ja.”

Yoona 12:21

Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 12:22

Filibut si̱ nat, a̱ si̱ shya̱ Anda̱rawut. Mba a̱feang, ba̱ si̱ nat dundung, ba̱ si̱si̱ hyia̱ ma̱ng Yesu ta̱m ji.

Yoona 6:5

Yesu si̱ nwuan a̱ kaat, a̱di̱dam si̱ bai nggu. A̱ si̱ li nang a̱gba̱ndang á̱kpa á̱niet chobai da̱ a̱vwuo nggu. A̱jawa gu nyia̱ ma̱ng Filibut a̱ni, “A̱ji wa zi̱ na nsan kyayak ku maai zi̱ nnwuak á̱niet bani?”

Yoona 6:7

Filibut si̱ nwuak gu shim hu nyia̱, “Ka̱ konyan ma̱ mba na shya̱ burodi ma̱ chunchwiit, zi̱ na hyat kurum ku swak kurum ta̱m zwát a̱taa a̱ni!”

Nta̱m A̱yaata̱m 1:13

Nang ba̱ ku si̱ nnwuo a̱keang Urusha̱lima ka a̱ni, ba̱ si̱ nyeak á̱ nat ma̱ a̱gba̱ndang nyuo a̱mali tazwa ka nang ba̱ ku nswan a̱ni. A̱yaata̱m bani bya ku yet: Bitut, Yoona, Yakubu ma̱ng Anda̱rawut, Filibut ma̱ng Toma, Ba̱tolomi ma̱ng Matyu, Yakubu a̱fai A̱lfayat ma̱ng Siman (nang á̱ ngyei Za̱loti a̱ni,) mbeang Yahuda a̱fai Yakubu wu.