Yoona 1:43 - A̠lyiat A̠gwaza na di̠n Tyap: A̠li̠ka̠uli A̠fai

⁴³ Da̱ a̱tsotson tat ka, Yesu si̱ kyiak mi̱ fwuo a̱ nat a̱byin Ga̱lili. A̱ si̱ myim ma̱ng Filibut. A̱ si̱ nyia̱ ma̱ng a̱nggu, “Khwi nung!”

Yoona 1:43 Iomraidhean Croise

Matyu 10:3

Filibut, Ba̱tolomi, Toma, Matyu, a̱tyu saai kurum ga̱ndu. Yakubu a̱fai A̱lfayat, ma̱ng Tadiyut.

Matyu 4:12

Nang Yesu nfa̱k á̱ ta̱bat Yoona a̱tyu nyia̱ ba̱ptisman á̱ tyia̱ mi̱ jaru a̱ni, a̱ si̱ ghwon fam a̱byin Yahudiya, a̱ si̱ bwuok a̱ nat fam a̱byin Ga̱lili.

Matyu 8:22

Yesu si̱ nwuak gu shim nyia̱, “Khwi nung! Yok á̱niet ba̱ nwai khwi A̱gwaza a̱ni, ba̱ niat nkwom mba na.”

Matyu 9:9

Nang Yesu nghwon Ka̱fanahum a̱ni, a̱ si̱ li a̱tyok a̱ghyang nang á̱ ngyei Matyu a̱ni, nang gu swan da̱ a̱vwuo saai kurum ga̱ndu, a̱ si̱ nyia̱ ma̱ng a̱nggu, “Khwi nung, a yet nggwon ta̱m nung!” A̱wot Matyu si̱ kin tat a̱ doot, a̱ si̱ khwi nggu.

Luka 19:10

Mat Nggwon A̱tyubishyi bai ka̱ kup á̱ghyi di̱ chat, a̱wot ka̱ san á̱niet ba̱ bwuk mat a̱ka̱tuk nyia̱ a̱ni.”

Yoona 1:28

Á̱ ku lyiat á̱lyiat nani ma̱ a̱keang Ba̱ta̱ni kya a̱ma̱nyi fam a̱tak a̱ghyui Urdun, da̱ a̱vwuo ka nang Yoona nnyia̱ á̱niet ba ba̱ptisman ji a̱ni.

Yoona 1:29

Da̱ a̱tsotson tat ka, Yoona si̱ li Yesu gu chobai da̱ a̱vwuo nggu. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni! Nggu wa na chi a̱ka̱tuk nyia̱ á̱niet wu mi̱ swanta hu.

Yoona 1:35

Da̱ a̱tsotson tat ka nang Yoona ngyong ma̱ng mman ta̱m nggu a̱feang a̱ni,

Yoona 1:37

Nang mman nta̱m a̱feang a̱nia nfa̱k gu nhyia̱ a̱nia a̱ni, ba̱ si̱ kin doot á̱ khwi Yesu.

Yoona 1:44

Nggu Filibut mameang, ku yet a̱tyu a̱ neet ma̱ a̱keang Ba̱tsaida kya dundung ma̱ng Anda̱rawut ma̱ng Bitut.

Yoona 12:21

Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 14:8

Huhwa Filibut si̱ nyia̱ ma̱ng Yesu a̱ni, “A̱tyoli, tak ma̱ng a̱nzi̱t A̱tyia̱ wu, gu ka maai nzi̱t shansham.”

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 6:5

Yesu si̱ nwuan a̱ kaat, a̱di̱dam si̱ bai nggu. A̱ si̱ li nang a̱gba̱ndang á̱kpa á̱niet chobai da̱ a̱vwuo nggu. A̱jawa gu nyia̱ ma̱ng Filibut a̱ni, “A̱ji wa zi̱ na nsan kyayak ku maai zi̱ nnwuak á̱niet bani?”

Yoona 6:7

Filibut si̱ nwuak gu shim hu nyia̱, “Ka̱ konyan ma̱ mba na shya̱ burodi ma̱ chunchwiit, zi̱ na hyat kurum ku swak kurum ta̱m zwát a̱taa a̱ni!”

A̱filibiyawa 3:12

N fa n wa ka̱n shya̱ nkyang nani nang n chat wa a̱ni bah, ku á̱ ka̱n tyia̱ n gyet a̱tsatsak a̱yin da̱ a̱ lyin kyang a̱ni bah. Da̱ a̱kwonu a̱kya, n kwan wa ba̱t n gya a̱son n ka ntai Kristi Yesu; huhwa yet jat nang gu nkhai nung a̱ni.

1 Yoona 4:19

Zi̱ chat á̱ghyang, mat A̱gwaza wa tsa chat zi̱t hu.