Yoona 1:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² A̱ si̱ nat ma̱ng Bitut da̱ a̱vwuo Yesu ka. Nang Yesu ndi Bitut a̱ni, a̱ si̱ nyia̱ ma̱ng a̱nggu, “Nwan wa yet Siman nggwon Yoona kaa? Á̱ na ngyei ang ‘Kefat.’ ” (A̱lyoot ka nat cha̱chaat ma̱ng a̱lyoot Bitut ka, ka̱ fa “A̱fang”).

Yoona 1:42 Iomraidhean Croise

Matyu 10:2

Di lyulyoot a̱yaata̱m swak ma̱ a̱feang huhwa hu: Di̱ tsa hu, Siman nang á̱ bu ngyei Bitut a̱ni, ma̱ng Anda̱rawut a̱na̱nyiuk nggu wu, Yakubu a̱fai Za̱ba̱di ma̱ng Yoona a̱na̱nyiuk nggu wu.

Ma̱rkut 3:16

Lyulyoot a̱yaata̱m swak ma̱ a̱feang nang gu ku khai a̱ni, huhwa hu: Siman (nggu wa nang gu ku tyia̱ a̱lyoot “Bitut” ka),

Luka 5:8

Nang Siman Bitut ndi a̱nia a̱ni, a̱ si̱ kpaat a̱khwukhwut a̱zaghyi Yesu nyia̱, “Ka̱t A̱tyoli! Doot a ghwon nung, n gyet a̱tyu a̱ka̱tuk nyia̱ wa ba̱t! N maai n bai kpa̱mkpaan ma̱ng a̱nwan bah.”

Luka 6:14

Siman (Nang Yesu ntyia̱ a̱lyoot, “Bitut” ka a̱ni), Anda̱rawut (A̱na̱nyiuk Bitut wu), Yakubu, Yoona, Filibut, Ba̱tolomi,

Yoona 13:18

“A̱mgba̱m nyin wa nang n dyiat bah. N dyen á̱niet ba nang n ku nkhai ma̱ nyin a̱ni. A̱mgba̱m ma̱ng a̱nia, ku yet ta hwa A̱lyiat A̱gwaza na na̱ bai cha̱chaat nyia̱, ‘A̱tyu a̱ ya kyayak hu ma̱ng a̱nung a̱ni, a̱ bwuak a̱ si̱ tyia̱ a̱tyu lak li nung.’

Yoona 21:2

Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.

Yoona 4:16

Yesu si̱ nyia̱ ma̱ng a̱nggu a̱ni, “Nat, a yorong a̱tyok ang wu, nyi bai a̱ji dundung ma̱ng a̱nggu.”

1 A̱korontiyawa 1:12

Á̱ghyang á̱niet ma̱ nyin ghai á̱pyia̱ mba di̱ susot nyia̱, “N khwi Bulut wa.” Á̱ghyang á̱niet si̱ nyia̱, “N khwi A̱folot wa,” ku “N khwi Bitut wa,” ku “N khwi Kristi wa ma̱nyin gu.”

1 A̱korontiyawa 15:5

A̱ si̱ tyai a̱pyia̱ nggu kpa̱sai da̱ a̱vwuo Bitut ma̱ng á̱kum mman ta̱m swak ma̱ a̱feang ka.

1 A̱korontiyawa 3:22

ku nung Bulut, ku A̱folot, ku Bitut, ku swanta, ku swuan ma̱ng a̱khwu, ku swat ma̱nini ma̱ng á̱zanson. Kuzang kyang yet si̱ nyin hwa.

1 A̱korontiyawa 9:5

Zi̱ byia̱ sa̱t zi̱ nyia̱ nyeang zi̱ chong ma̱ng á̱nyiuk nzi̱t ba, ba̱ yet á̱niet khwi ma̱nang a̱yaata̱m á̱ghyang ma̱ng á̱na̱nyiuk A̱tyoli nzi̱t ba, a̱wot ma̱nang Bitut nnyia̱ a̱ni baa?

A̱ga̱la̱tiyawa 1:18

N ku si̱ nyia̱ a̱lyia̱ a̱tat a̱ja, n sii du nat Urusha̱lima, da̱nian n ka fa̱k a̱lyiat da̱ a̱vwuo Siman Bitut. N si̱ nyia̱ mam swak ma̱ a̱fwuon nang n shya̱ ndung ma̱ng a̱nggu nang á̱nietchen a̱ni.

A̱ga̱la̱tiyawa 2:11

Á̱ghyang á̱tuk, Bitut si̱ bai a̱keang Antakiya, ku si̱ yet nung ta hwa n tak ma̱ng a̱nggu ghyuap nggu hu kpa̱sai a̱zaghyi á̱niet. Mat kyang hu gu ku nyia̱ a̱ni, ku tyia̱ bah.

A̱ga̱la̱tiyawa 2:9

A̱tsak a̱lyiat, Yakubu, Bitut ma̱ng Yoona, a̱yaata̱m Yesu ba, bibya nang á̱ ku kyiak nang a̱cha̱chet a̱yaakwak a̱son sot á̱niet khwi ji a̱ni; ba̱ si̱ fi̱k nang A̱gwaza wa, mat shok nggu ji, nnang nung za̱nang chet shei A̱sham Nkhang ji. Mat a̱nia, ba̱ si̱ swuo bwak ma̱ng a̱nung mbeang Ba̱nabat, ku tak nang ba̱ nsan nzi̱t, zi̱ yet á̱kpa̱ndang ta̱m mba. Ba̱ si̱ tyia̱ nzi̱t gba̱gbak, zi̱ ka ya a̱son mi̱ shei A̱sham Nkhang ka da̱ a̱vwuo Nnwap na̱ nwai yet A̱yahudawa a̱ni. Mba meang, ba̱ si̱ shim ba̱ nat da̱ a̱vwuo A̱yahudawa ba ba̱ ya a̱son mi̱ shei mba A̱sham Nkhang ka.