Yoona 1:4 - A̠lyiat A̠gwaza na di̠n Tyap: A̠li̠ka̠uli A̠fai

⁴ Swang A̱lyiat ji ku yet a̱tyin nswuan. A̱wot swuan jini si̱ bai ma̱ng á̱nietbishyi sai.

Yoona 1:4 Iomraidhean Croise

Matyu 4:16

á̱niet ba̱ swan mi̱ ndyin a̱ni, ba̱ si̱ li a̱gba̱ndang sai. A̱wot á̱niet ba̱ swan ma̱ a̱ghwaghwu a̱khwu a̱ni, sai A̱gwaza si̱ bai da̱ mba.”

Luka 2:32

A̱ yet long sang ku na sai, ku tyai A̱gwaza kpa̱sai da̱ a̱vwuo Nnwap na̱ nwai yet A̱yahudawa a̱ni. A̱wot nggu wa bu na nwuak á̱niet Isi̱rela ba ba̱ yet á̱niet ang ba a̱ni shi.”

Yoona 11:25

Yesu si̱ nyia̱ ma̱ng a̱nggu a̱ni, “Nung gwa ngyet a̱tyu ya̱ngam á̱niet ba̱ ka̱n kwi a̱ni ma̱ng swuan. Nung gwa si̱ bu ngyet swuan ji. A̱tyu a̱ nwuak fwuo da̱ nung a̱ni, a̱ na shya̱ swuan, ku nang gu khwu.

Yoona 12:35

Yesu si̱ nyia̱ ma̱ng a̱mba, “Sai hu shya̱ dundung ma̱ng a̱nyin da̱ a̱bada̱dei njen. Nyi chong di̱n jen ji nang sai hu nshya̱ dundung ma̱ nyin a̱ni, kalak lyin ku shya̱ nyin. Mat a̱tyu a̱ chong mi̱ ndyin a̱ni, a̱ lyen a̱vwuo ka nang gu nchong a̱ ntyei a̱ni bah.

Yoona 12:46

N ku mbai mi̱ swanta hu. N si̱ ndi nang sai a̱ni, da̱nian konyan wa nwuak fwuo da̱ nung, a̱ si̱ mi̱n swan mi̱ ndyin bah.

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 5:21

“Ma̱nang A̱tyia̱ wu ni̱ nta̱ngam á̱niet ba̱ ka̱n kwi, a̱wot a̱ bu nwuat ba swuan a̱ni; ma a̱nia wa nang Nggwon ka nnwuat swuan da̱ a̱tyu nang ka̱ shim nwuak a̱ni.

Yoona 5:26

Ma̱nang A̱tyia̱ wu ma̱ a̱pyia̱ nggu ngyet a̱tyin swuan a̱ni; ma a̱nia wa nang nggu nwuak Nggwon nggu ka, ka̱ nwuat swuan ji ma̱ cha̱chaat.

Yoona 8:12

Yesu si̱ bu nyia̱ ma̱ng a̱mba a̱ni, “Nung gwa ngyet sai hu mi̱ swanta hu. Konyan wa khwi nung a̱ni, a̱ na chong mi̱ ndyin bah. A̱ na shya̱ swuan, a̱wot a̱ si̱ mi̱n mak chong mi̱ ndyin bah.”

Yoona 9:5

Jen nang n shya̱ mi̱ swanta hu a̱ni, nung gwa ngyet sai hu mi̱ swanta hu.”

Nta̱m A̱yaata̱m 26:23

Ba̱ ku tak nyia̱; ku yet ta hwa Kristi a̱ swuo a̱bung a̱ khwu. A̱wot nggu wa a̱ tsa doot ma̱ng swuan ma̱ a̱niet ba̱ ka̱n kwi a̱ni. A̱wot di̱n vak huni hwa, gu na ntak sai A̱gwaza hu da̱ a̱vwuo A̱yahudawa mbeang Nnwap na̱ nwai yet A̱yahudawa a̱ni.”

1 A̱korontiyawa 15:45

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱da̱mu wa nang á̱ ku tsa mat mi̱ swanta hu. A̱ ku yet a̱tyu swuan nang á̱ ku nyia̱ ma̱ng mbyin a̱ni.” A̱wot A̱da̱mu a̱ngaan wu meang, nggu wa yet Yesu Kristi, a̱ si̱ yet tswa ja, ji̱ nwuat swuan a̱ni.

A̱fisawa 5:14

Mat sai hu ni̱ tyia̱ á̱ li kuzang kyang kpa̱sai. Huhwa mbyia̱ á̱ nnyia̱, “Nwan a̱tyu a̱ khat nda a̱ni, shyip! Doot ma̱ng swuan ma̱ á̱niet ba̱ ka̱n kwi a̱ni! A̱wot Kristi na tyia̱ sai ku teak tazwa ang!”

A̱kolosiyawa 3:4

A̱wot jen nang Kristi a̱ yet a̱tyin nwuat nyin swuan na mbwuok a̱ bai kpa̱sai mi̱ swanta hu a̱ni; ma a̱nia wa nyin meang, á̱ na tyai nyin kpa̱sai nyi shya̱ dundung ma̱ng a̱nggu ma̱ a̱kyenkyai shi wu.

1 Yoona 1:1

Zi̱ shei nyin nkhang tazwa A̱tyu a̱ yet A̱lyiat Nswuan a̱ nshya̱ neet gbangbang a̱ni. Nggu wa nang zi̱ fa̱k, zi̱ si̱ bu li nggu ma̱ng a̱ghyi nzi̱t ba. Zi̱ si̱ bu byiam nggu ma̱ng mbwak nzi̱t na a̱ni.

1 Yoona 1:2

A̱tyu wuni a̱ yet a̱tsak Nswuan a̱ni, á̱ ku tyai nzi̱t nggu kpa̱sai. Zi̱ si̱ li ngguu, zi̱ si̱ lyiat tazwa nggu. Zi̱ si̱ shei ma̱ng a̱nyin nang nggu wa ngyet swuan sang sangba̱p ji, a̱ ni̱ shya̱ ma̱ng A̱tyia̱ wu a̱ni. Nggu wa nang á̱ ba̱ tyai nzi̱t ndyo.

1 Yoona 5:11

A̱wot a̱lyiat na A̱gwaza tak zi̱t a̱ni ni̱nia yet: A̱gwaza nang nzi̱t swuan sang sangba̱p. A̱wot swuan jini nang á̱ shyat di̱ mun á̱pyia̱ ma̱ng Nggwon nggu kikya.

Tyai Á̱zanson 22:1

A̱jawa a̱ta̱m tswa A̱gwaza wu si̱ tak ma̱ng a̱nung a̱ghyui ka̱ byia̱ a̱sa̱khwot nswuan a̱ni. A̱sa̱khwot na li ma̱ wowot nang ma̱dubi a̱ni, na̱ tyong á̱ neet da̱ a̱gba̱ndang chuk Tyok A̱gwaza ma̱ng a̱si̱ Fi̱ng A̱nfwuk hu!

Tyai Á̱zanson 22:16

“Nung Yesu, n ta̱m a̱ta̱m tswa nung wu, gu nwuak nyin ta̱m jini da̱nian susot á̱niet khwi nung ji. Nung gwa ngyet a̱tyin kwai a̱gwam Da̱wuda ka, ma̱ng a̱tyu a̱ na ya gado chuk tyok nggu hu a̱ni! Nung gwa bu ngyet a̱na̱ndan a̱ta̱ngwat, ka̱ sai ma̱ kyenkyai a̱ni!”