Yoona 1:38 - A̠lyiat A̠gwaza na di̠n Tyap: A̠li̠ka̠uli A̠fai

³⁸ Nang Yesu mbwuak a̱ si̱ li nang ba̱ khwi nggu a̱ni, a̱ si̱ lyip ba nyia̱, “Yihwa nang nyi chat?” Ba̱ si̱ nwuak gu shim ma̱ng lyip nyia̱, “Rabi!” (Swang jini fa, “A̱tyu tyiet.”) “A̱ji wa nang a nshya̱?”

Yoona 1:38 Iomraidhean Croise

Luka 10:39

A̱wot Ma̱ryamu a̱na̱nyiuk Ma̱rta wu, si̱ swan a̱zaghyi A̱tyoli Yesu a̱ fwuong tyiet nggu hu.

Luka 14:25

Nang a̱gba̱ndang á̱kpa á̱niet nkhwi Yesu á̱ naat a̱ni, a̱ si̱ bwuak a̱ si̱ nyia̱ ma̱ng a̱mba,

Luka 15:20

“A̱shushyuo a̱sam wu si̱ doot a̱ si̱ bwuok a̱ nat ma̱ng a̱tyia̱ nggu wu. Neet nang a̱shushyuo a̱sam wu ni̱ shya̱ ma̱ gbang, nang a̱tyia̱ wu ndi gu a̱ni, mat nang gu nchat gu a̱ni; a̱tyia̱ wu si̱ fa̱k kunak gu, a̱ si̱ doot, a̱ si̱ ni̱m a̱ si̱si̱ vwuk guu! A̱ si̱ san gu mbwak nfeang.

Luka 19:5

Jen nang Yesu nchong, a̱ si̱ tat a̱tyin a̱kwon a̱bwabwap nang Za̱ka nyeak a̱ni; a̱ si̱ gba̱t á̱ghyi, a̱ si̱ li Za̱ka. A̱ si̱ yorong nggu da̱ a̱lyoot nggu ka mi̱ chet nyia̱, “Za̱ka, chyok bai a̱byin a̱nggang! Mat, ku yet nung ta hwa n gyet a̱nietchen a̱gbang ang a̱fwun!”

Luka 22:61

Yesu si̱ kin bwuak, a̱ si̱ nwuan Bitut di̱di̱r. Bitut si̱ kin jhyung a̱lyiat nang Yesu ku lyiat ma̱ng a̱nggu a̱ni, nyia̱, “A na fwuo lyen nung a̱ka̱tat mi̱ shong a̱tson, a̱gbak a̱ sii tyiap.”

Luka 8:38

A̱tyu nang á̱ kam á̱ka̱tuk ntswá ba ba̱ si̱ ghwut ma̱ a̱nggu a̱ni; si̱ naai Yesu nyia̱, a̱ chat a̱ khwi ngguu. A̱mgba̱m ma̱ng a̱nia, Yesu si̱ ta̱m nggu a̱mali nyia̱,

Yoona 1:37

Nang mman nta̱m a̱feang a̱nia nfa̱k gu nhyia̱ a̱nia a̱ni, ba̱ si̱ kin doot á̱ khwi Yesu.

Yoona 1:39

Yesu si̱ nyia̱ ma̱ng a̱mba a̱ni, “Nyi bai, nyi lii.” A̱jawa ba̱ si̱ nat, ba̱ si̱si̱ li a̱vwuo ka nang nggu nshya̱ a̱ni; nang jen ji yet tswam nyaai jenshyung, a̱wot ba̱ si̱ swan á̱ tyak á̱kum mam ka dundung ma̱ng a̱nggu.

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 12:21

Ba̱ si̱ bai da̱ a̱vwuo Filibut, a̱ ku neet ma̱ a̱keang Ba̱tsaida ka̱ shya̱ mi̱ fam a̱byin Ga̱lili a̱ni. Ba̱ si̱ nyia̱ ma̱ng a̱nggu a̱ni, “A̱tyoli, zi̱ chat zi̱ bwoi nkhang ma̱ng Yesu.”

Yoona 18:4

Yesu mameang ku lyen a̱mgba̱m kyang hu ku na shya̱ nggu a̱ni. Huhwa si̱ mbyia̱ a̱ si̱ ghwut mami mman ta̱m nggu na a̱ bai a̱zanson. A̱ si̱ nyia̱ ma̱ng a̱mba, “A̱nyan wa nang nyi chat?”

Yoona 18:7

Yesu si̱ bu lyip ba a̱ka̱feang nyia̱, “A̱nyan wa nang nyi chat la?” Ba̱ si̱ bu nwuak gu shim nyia̱, “Yesu A̱tyu Na̱za̱ra̱t!”

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 3:26

Huhwa ba̱ si̱ nat, ba̱ si̱si̱ shya̱ Yoona. Ba̱ si̱ nyia̱ ma̱ng a̱nggu a̱ni, “A̱tyu tyiet, a jhyung a̱tyu a̱ ku shya̱ dundung ma̱ng a̱nwan a̱ma̱nyi fam a̱tak a̱ghyui Urdun ka nang a ku lyiat a̱ni a? Di, nggu wa nyia̱ á̱niet ba̱ptisman di̱ yong huni! A̱wot á̱niet ma̱ a̱di̱di̱t chong da̱ a̱vwuo nggu!”

Yoona 4:31

A̱ shya̱ di̱ nyia̱ a̱nia, a̱jawa mman ta̱m Yesu si̱ naai nggu nyia̱, “A̱tyu tyiet, ma̱sa̱kut ya kyayak hu.”

Yoona 6:25

Nang á̱kpa á̱niet ka ku nshya̱ Yesu da̱ ma̱nyii a̱gba̱ndang jok a̱nyiung ka a̱ni, huhwa ba̱ nyia̱ ma̱ng a̱nggu, “A̱tyu tyiet, zang jen ja nang a bai a̱ji?”

Nta̱m A̱yaata̱m 10:21

Huhwa Bitut si̱ kin chyok a̱ nat a̱byin. A̱ si̱ nyia̱ ma̱ng a̱mba, “Di̱ nung gwa wu! Nung gwa gyet a̱tyu nang nyi chat li hu a̱ni. Nyi bai ma̱ shansham a?”

Nta̱m A̱yaata̱m 10:29

Mat a̱nia, nang n fa̱k ta̱m ang ji nyia̱ n mbai a̱ni, n si̱ mbut mi̱ fwuo bah. Ma̱ninika, tak ma̱ng a̱nung kyang hu nang a ngyei nung a̱ji a̱ni.”