Yoona 1:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ N di a̱nia, n tak nyin kpa̱sai nang nggu wa ngyet Nggwon A̱gwaza ka.”

Yoona 1:34 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 16:16

Siman Bitut si̱ nwuak gu shim nyia̱, “Nwan wa yet Kristi a̱tyu nang A̱gwaza kup gu tyok a̱ni. A bu yet Nggwon A̱gwaza a̱ shya̱ mi̱ swuan a̱ni.”

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 26:63

A̱wot Yesu si̱ ya a̱son mi̱ swan nyonywang. A̱gba̱ndang pris wu si̱ nyia̱ ma̱ng a̱nggu, “N chat a shyi da̱ a̱lyoot A̱gwaza, a̱ byia̱ swuan a̱ni, tak ma̱ng a̱nzi̱t a̱tsak a̱lyiat. Nwan wa yet Kristi wu, A̱gwam nang A̱gwaza kup gu tyok a̱ni a? Nwan wa bu yet Nggwon A̱gwaza kaa?”

Matyu 27:40

Ba̱ si̱ khwot a̱gugong nyia̱, “Aap! Nwan a̱tyu a̱ nyia̱, ‘N na bi̱ri̱m A̱li Nwuat Za̱nang A̱gwaza ka, n bu nok a̱ghyang mami mam tat a̱ni.’ Ka a yet Nggwon A̱gwaza kya za̱m, san a̱pyia̱ ang, a chyok da̱ a̱team a̱khwu bai a̱byin, zi̱ li la!”

Matyu 27:43

A̱ nwuak fwuo da̱ A̱gwaza. Yok A̱gwaza a̱ san gu ma̱ninika, ka̱ a̱ chat gu! Mat a̱ ku nyia̱, ‘N gyet Nggwon A̱gwaza kya.’ ”

Matyu 27:54

A̱gba̱ndang a̱kwak a̱son á̱niet nzwang A̱romawa wu ma̱ng á̱kum á̱niet nzwang ba̱ chok Yesu da̱ a̱team a̱khwu wu a̱ni, ba̱ si̱ fa̱k a̱wun nang ba̱ ndi, ba̱ si̱ fa̱k tyi̱ri̱m a̱byin hu ma̱ng a̱mgba̱m nkyang na á̱ nyia̱ a̱ni. Ba̱ si̱ nyia̱, “A̱tsak a̱lyiat, a̱tyu wuni yet Nggwon A̱gwaza kya za̱m!”

Matyu 3:17

A̱nwuat si̱ kin ghwut a̱ neet Ma A̱gwaza tswazwa ka nyia̱, “Nggwon nung kya ka nang n chat a̱ni. N fwuong nyinyang ka ba̱t!”

Matyu 4:3

Di̱n jen a̱ja, A̱ta̱nyeang ka si̱ bai da̱ a̱vwuo Yesu, ka̱ si̱ nyia̱, “Ka̱nang a yet Nggwon A̱gwaza kya chi̱k, tyia̱ nfang nani na̱ bwuak á̱ tyia̱ burodi, a yaa.”

Matyu 4:6

A̱ta̱nyeang ka si̱ nyia̱ ma̱ng Yesu, “Ka̱ nwan wa yet nggwon A̱gwaza ka chi̱k, fi̱p kwa a̱byin! Mat á̱ lyuut ma̱ A̱lyiat A̱gwaza na nyia̱, ‘A̱gwaza na tyia̱ a̱yaata̱m tswá nggu ba, ba̱ chok ang. A̱wot ba̱ na fwun ang ma̱ng mbwak mba na, kalak a du kwa a lwi tak ang da̱ a̱fang.’ ”

Matyu 8:29

Ba̱ si̱ kin ta̱bat yei Yesu mi̱ chet nyia̱, “Nwan nggwon A̱gwaza, yihwa yet a̱ka̱ta ang ka ma̱ng a̱nzi̱t? A bai a tyia̱ nzi̱t swuo a̱bung neet nang jen A̱gwaza sak a̱ni ka̱n nyia̱ baa?”

Ma̱rkut 1:1

A̱tyin A̱sham Nkhang kikya ka, tazwa Yesu Kristi [[Nggwon A̱gwaza.]]

Ma̱rkut 1:11

A̱nwuat si̱ kin ghwut neet Ma A̱gwaza tswazwa nyia̱, “Nwan wa yet Nggwon nung ka nang n chat n bu mba̱ng fwuo a̱ni. N fa̱k a̱lyia̱ sai da̱ nwan za̱m!”

Luka 1:35

A̱ta̱m tswa wu si̱ nwuak gu shim nyia̱, “A̱za̱za̱rak Ntswa wa na chyok da̱ nwan. A̱wot chet A̱gwaza a̱ Swak ma̱ng A̱kyenkyai Shi a̱ni, na kup ang. Mat a̱nia, nggwon ka a na byin a̱ni, ka̱ na yet a̱za̱za̱rak wa. A̱wot á̱ na ngyei nka Nggwon A̱gwaza.

Luka 3:22

A̱za̱za̱rak Ntswa wu si̱ chorop a̱ chobai nang a̱bwa a̱ni neet Ma A̱gwaza tswazwa, a̱ ba̱ swan da̱ nggu! A̱wot á̱ si̱ fa̱k a̱nwuat ka̱ neet Ma A̱gwaza tswazwa nyia̱, “Nwan wa yet nggwon nung ka nang n chat a̱ni ba̱t! A̱wot a bai ma̱ng a̱nung a̱gba̱ndang a̱lyia̱ sai!”

Yoona 1:18

Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 10:36

to, ka̱ nung nang A̱tyia̱ wu ja̱u, a̱wot a̱ si̱ bu ta̱m ndyo mi̱ swanta hu a̱ni, lihyat hwa nang n dyiat A̱gwaza wu ndyo nang n nyia̱, ‘N gyet Nggwon A̱gwaza kya’ a̱ni a?

Yoona 11:27

A̱jawa Ma̱rta si̱ nwuak Yesu shim nyia̱, “Ii, A̱tyoli, n nwuak a̱chuchuk nwan wa yet Kristi a̱tyu nang A̱gwaza kup gu tyok nang zi̱ fwuong a̱ni; Nggwon A̱gwaza ka nang á̱ ku sak ka̱ na bai mi̱ swanta hu a̱ni.”

Yoona 19:7

A̱yahudawa ba si̱ yong chi̱k nyia̱, “Nzi̱t zi̱ byia̱ doka, a̱wot kyang hu nang doka nzi̱t ji hyia̱ a̱ni, huhwa yet; ku myim á̱ hyat gu. Mat a̱ kyiak a̱pyia̱ nggu nang Nggwon A̱gwaza a̱ni!”

Yoona 20:28

Toma si̱ nyia̱ ma̱ng a̱nggu, “A̱tyoli nung ma̱ng A̱gwaza nung!”

Yoona 20:31

A̱mgba̱m ma̱ng a̱nia, á̱ lyuut nkyang nani da̱nian nyi ka nwuak a̱chuchuk nang Yesu wa ngyet Kristi, A̱tyu nang A̱gwaza kup gu tyok a̱ni, ma̱ng Nggwon A̱gwaza; a̱wot mami nwuak fwuo nyin hu da̱ nggu, nyi ka shya̱ swuan mami a̱lyoot gu.

Yoona 6:69

A̱wot ma̱ninika, zi̱ nwuak a̱chuchuk, zi̱ si̱ lyen nang nwan wa ngyet A̱za̱za̱rak A̱tyu a̱ neet da̱ a̱vwuo A̱gwaza a̱ni!”

A̱romawa 1:4

A̱wot tazwa za̱kwa A̱gwaza nang Yesu byia̱ a̱ni, á̱ si̱ tyai nggu kpa̱sai nang nggu ngyet a̱tsatsak Nggwon A̱gwaza wa, di̱n jen nang chet A̱za̱za̱rak Ntswa hu ku nta̱ngam nggu ma̱ng swuan ma̱ á̱niet ba̱ ka̱n kwi a̱ni. Nggu wa yet Yesu Kristi A̱tyoli nzi̱t wu!

2 A̱korontiyawa 1:19

Mat Yesu Kristi, a̱ yet Nggwon A̱gwaza ka a̱ni, a̱ ni̱ shai a̱ nyia̱, “Ii,” a̱wot da̱ a̱cha̱chaat njen a̱wa a̱ bu nyia̱, “Kaai,” bah. Nggu wa yet a̱tyu nang nzi̱t a̱tat, Sila, Timoti, mbeang nung nang zi̱ ku shei nyin a̱lyiat nggu na a̱ni. A̱wot nang nggu wa ngyet “Ii” A̱gwaza wu a̱ni, kuzang jen a̱ ni̱ nyia̱ kyang hu nang gu hyia̱ a̱ni.

Ibriniyawa 7:3

Á̱ mbyia̱ a̱vwuo nang á̱ ndyuut tazwa a̱tyia̱, ku a̱yang Ma̱lkiza̱dek a̱ni bah. Da̱ mba, á̱ lyen kwai nggu ji bah. Á̱ mbyia̱ a̱vwuo nang á̱ ndyuut mam byin, ku mam a̱khwu nggu a̱ni bah. Mat a̱nia, Ma̱lkiza̱dek yet tangka̱i pris hwa si̱ nat sang sangba̱p. A̱wot a̱ si̱ tai Nggwon A̱gwaza kya.

1 Yoona 2:23

Konyan wa fwuo Nggwon ka, a̱ fwuo A̱tyia̱ wu wa. A̱wot konyan wa san Nggwon ka, a̱ mun a̱ san A̱tyia̱ wu wa a̱wa.

1 Yoona 3:8

Ma a̱nia wa, konyan wa ya a̱son ma̱ng nyia̱ a̱ka̱tuk nyia̱ a̱ nchi̱ri̱ng, ku tak nang gu ngyet a̱si̱ A̱ta̱nyeang wa. Mat A̱ta̱nyeang ka mi̱ nnyia̱ a̱ka̱tuk nyia̱ neet gbangbang. Kyang ku mbyia̱ bai Yesu hu a̱ni huhwa hu; da̱nian gu ka bi̱ri̱m nta̱m A̱ta̱nyeang na.

1 Yoona 4:9

A̱wot A̱gwaza tak kpa̱sai nang gu nchat zi̱t ba̱t, di̱ si̱sak nang gu nta̱m ma̱ng Nggwon nggu ka nang gu byia̱ ma̱nyin ka a̱ni, ka̱ si̱ bai mi̱ swanta hu, da̱nian zi̱ ka shya̱ swuan sang sangba̱p ji da̱ a̱vwuo nka kya.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.

Tyai Á̱zanson 2:18

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ Tiyata̱ra a̱ni: Ta̱m jini neet da̱ a̱vwuo Nggwon A̱gwaza, a̱ byia̱ tswá á̱ghyi ji̱ ya á̱ghyi ma̱ mya̱myat nang a̱lya̱ra̱p ndong a̱ni. A̱wot kpai a̱ti̱tak nggu ji ya á̱ghyi nang a̱ka̱nka̱ra̱ng a̱shong ntswam nang á̱ shok a̱ni!