Yoona 1:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ A̱tyu wuni wa nang n ku ndyiat ma̱ng a̱nyin nang n ku nnyia̱, ‘A̱yin chobai, a̱ khwi nung lilyim. A̱wot a̱ swak nung ma̱ng shi hu ba̱t, mat a̱ nshya̱ neet nang á̱ ka̱n byin nung bah.’

Yoona 1:30 Iomraidhean Croise

Matyu 3:11

“Nung, n nyia̱ nyin ba̱ptisman ma̱ng a̱sa̱khwot nia, jija tak nang nyi nghwon a̱ka̱tuk nyia̱ nyin wu. A̱wot a̱yin chobai, a̱tyu a̱ swak nung mi̱ chet a̱ni, n maai mi̱ maai n ti̱n á̱kwatak nggu ba bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Luka 3:16

Huhwa Yoona si̱ tak ma̱ng a̱mba nyia̱, “Nung, n nyia̱ nyin ba̱ptisman ji ma̱ng a̱sa̱khwot nia. A̱wot a̱tyu a̱ swak nung ma̱ za̱nzan a̱ni chobai. Nung, n maai mi̱ maai n gyet a̱khwo nggu wu, n ta̱bwak mbyii̱k ywan á̱kwatak nggu hu bah. Nggu, a̱ na nyia̱ nyin ba̱ptisman ji ma̱ng A̱za̱za̱rak Ntswa wa ma̱ng long.

Yoona 1:15

Yoona mameang ku tak a̱lyiat kpa̱sai tazwa nggu. A̱ si̱ ta̱ngam a̱nwuat nggu ka mi̱ chet nyia̱, “A̱tyu wuni wa nang n ku ndyiat tazwa nggu, ‘A̱tyu a̱ chobai, a̱ khwi nung lilyim a̱ni, a̱ yet a̱tyu kwak a̱son nung wa. A̱wot a̱ si̱ swak nung ma̱ng shi hu ba̱t. Mat a̱ nshya̱ neet nang á̱ ka̱n byin nung bah.’ ”

Yoona 1:27

A̱ chobai a̱ khwi nung lilyim. A̱wot n maai mi̱ maai n byii̱k ywan á̱kwatak gu hu bah.”

Yoona 1:31

“N mi̱ nfi̱k a̱tyu nang gu yet a̱ni bah. Ma̱ng a̱nia, n bai n nyia̱ á̱niet ba̱ptisman ma̱ng a̱sa̱khwot, da̱nian á̱ ka tyai nggu shansham da̱ a̱vwuo á̱niet Isi̱rela ba.”

Yoona 10:41

A̱wot á̱niet ma̱ a̱di̱di̱t si̱ bu bai da̱ a̱vwuo nggu. Ba̱ si̱ shei á̱ nchi̱ri̱ng nyia̱, “Yoona ku nyia̱ nkyang a̱ga̱de bah. Ma̱ng a̱nia, a̱mgba̱m nkyang nang gu ku lyiat tazwa a̱tyu kani a̱ni, na̱ yet a̱chuchuk wa!”