Yoona 1:3 - A̠lyiat A̠gwaza na di̠n Tyap: A̠li̠ka̠uli A̠fai

³ Jija ku yet vak hu nang A̱gwaza ku nnyia̱ kuzang kyang a̱ni. Á̱ mbyia̱ kyang nyiung nang A̱gwaza ku nyia̱ mi̱ swanta hu da̱ ma̱ng a̱nji a̱ni bah.

Yoona 1:3 Iomraidhean Croise

Yoona 1:10

Swang A̱lyiat ji ku bai mi̱ swanta hu. Dundung ma̱ng a̱nji wa A̱gwaza si̱ mmat swanta hu. A̱wot á̱niet mi̱ swanta ba si̱ fi̱k gu bah.

Yoona 1:2

Jija ku shya̱ dundung ma̱ng A̱gwaza, neet nang á̱ ka̱n mat swanta hu bah.

1 A̱korontiyawa 8:6

A̱mgba̱m ma̱ng a̱nia, zi̱ lyen nang A̱gwaza a̱nyiung wa ma̱nyin gu nshya̱, a̱ yet A̱tyia̱ wu a̱ni. Nggu wa mat kuzang kyang mi̱ swanta hu. A̱wot zi̱ swuan da̱nian gu kya. A̱tyoli wu bu yet a̱nyiung wa, nggu wa yet Yesu Kristi. Mat nggu wa yet vak nang A̱gwaza mmat kuzang kyang a̱ni. A̱wot nggu wa bu yet vak nang A̱gwaza nnwuak nzi̱t swuan a̱ni.

A̱fisawa 3:9

Á̱ ku khai nung n gwa̱i konyan ndyo, a̱ ka fi̱k la̱p sak ku shya̱ di̱ niat, nang A̱gwaza a̱ nyia̱ kuzang kyang la̱p a̱ sak neet mi̱ di̱ nyia̱ swanta hu a̱ni.

Ibriniyawa 11:3

Nwuak fwuo da̱ A̱gwaza hwa mbyia̱, nang zi̱ nfi̱k nang A̱gwaza wa nyia̱ swanta hu mi̱ di̱ kaat a̱lyiat nggu hu. Mat a̱nia wa, zi̱ fi̱k nkyang nang A̱gwaza nyia̱ mi̱ swanta nang á̱ nwuan ma̱nini a̱ni, na̱ neet ma̱ á̱si̱ na á̱ nwai nwuan a̱ni.

1 Yoona 5:1

Konyan wa nwuak a̱chuchuk nyia̱ Yesu wa yet Kristi, a̱tyu nang A̱gwaza kup gu tyok a̱ni, a̱tyu a̱wa yet nggwon A̱gwaza kya. Konyan wa chat A̱tyia̱ wu, a̱ na chat mman nggu na meang.

Tyai Á̱zanson 3:14

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ La̱wudikiya a̱ni: Ta̱m jini ja neet da̱ a̱vwuo a̱tyu a̱ yet ‘Samba̱rka A̱gwaza’ a̱ni, a̱ bu yet a̱tsotswat ma̱ng a̱tsatsak a̱tyu a̱ nwuat sheda a̱lyiat A̱gwaza a̱ni! Nggu wa yet a̱tyin nang A̱gwaza mmat kuzang kyang mi̱ swanta hu a̱ni!

Tyai Á̱zanson 4:11

“A̱gwaza, A̱tyoli nzi̱t wu, nwan wa maai á̱ chyin ang, á̱ nwuak ang shi, ma̱ng tyok! Mat nwan wa mat kuzang kyang mi̱ swanta hu! A̱wot shim ang hwa nang kuzang kyang nshya̱ ma̱nang a mat hu a̱ni!”