Yoona 1:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ Da̱ a̱tsotson tat ka, Yoona si̱ li Yesu gu chobai da̱ a̱vwuo nggu. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni! Nggu wa na chi a̱ka̱tuk nyia̱ á̱niet wu mi̱ swanta hu.

Yoona 1:29 Iomraidhean Croise

Matyu 1:21

A̱wot a̱ na byin nggwon a̱sam, a na ntyia̱ nggu a̱lyoot ‘Yesu.’ Mat a̱lyoot ka fa, nggu wa na san á̱niet nggu ba da̱ a̱ka̱tuk nyia̱ mba wu.”

Matyu 20:28

Mat, ku Nggwon A̱tyubishyi ka ku bai á̱ nyia̱ nka khwo hwa bah. A̱wot ka̱ ku bai ka̱ ka nyia̱ á̱ghyang á̱niet bya khwo hu, ka̱ bu nwuak swuan nka ji, ji̱ yet zang da̱nian ka̱ ka nsan á̱niet ma̱ a̱di̱di̱t.”

Yoona 1:35

Da̱ a̱tsotson tat ka nang Yoona ngyong ma̱ng mman ta̱m nggu a̱feang a̱ni,

Yoona 1:36

a̱ si̱ kin di Yesu gu chong a̱ sweap. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni!”

Yoona 1:43

Da̱ a̱tsotson tat ka, Yesu si̱ kyiak mi̱ fwuo a̱ nat a̱byin Ga̱lili. A̱ si̱ myim ma̱ng Filibut. A̱ si̱ nyia̱ ma̱ng a̱nggu, “Khwi nung!”

Yoona 2:1

A̱tuk mam tat si̱ kaat a̱ bai, á̱ si̱ nyia̱ nyeang ma̱ a̱keang Kana ka̱ shya̱ mi̱ fam a̱byin Ga̱lili a̱ni. A̱yang byin Yesu si̱ nat nyeang hu,

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 4:42

A̱jawa ba̱ si̱ nyia̱ ma̱ng a̱nap wu a̱ni, “Nzi̱t mameang, zi̱ nwuak fwuo di̱ Yesu ma̱nini, mat kyang nang a hyia̱ wa a̱ni bah. A̱wot nzi̱t ma̱ á̱pyia̱ nzi̱t mameang, zi̱ fa̱k a̱lyiat nggu na. A̱wot zi̱ lyen za̱m nang nggu wa ngyet A̱tyusan á̱niet mi̱ swanta ba!”

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Nta̱m A̱yaata̱m 13:39

Konyan wa nwuak fwuo di̱ Yesu, A̱gwaza na tak kpa̱sai nang gu nkyiak gu a̱tsotswat a̱tyu sang a̱bun a̱zaghyi gu. Kyang hu nang doka Musa ji si̱ mi̱n mak nyia̱ a̱ni bah; huhwa hwa.

Nta̱m A̱yaata̱m 8:32

A̱vwuo ka nang a̱tyu Ha̱basha wu ku fang mami A̱lyiat A̱gwaza na a̱ni, kikya ka: “Á̱ ku kwak gu nang zon seap a̱ni, á̱ nat ndyo di̱n tyan fak. A̱wot nang fi̱ng a̱nfwuk ni̱ nswan nyonywang, nang á̱ kywat chat hu a̱ni, a̱ si̱ kaat kyang bah!

1 A̱korontiyawa 15:3

A̱sham Nkhang ka ka̱ yet a̱tsatsak nang n san a̱ni, kikya nang n shei nyin nyia̱: Kristi khwu da̱nian a̱ka̱tuk nyia̱ nzi̱t wu, ma̱nang á̱ ndyuut ma̱ A̱lyiat A̱gwaza na a̱ni.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

A̱ga̱la̱tiyawa 1:4

Yesu wa ku nwuak swuan nggu ji da̱nian a̱ ka ti̱n nzi̱t a̱ ghwut ndyo ma̱ a̱ka̱tuk nyia̱ nzi̱t wu, ma̱nang A̱gwaza a̱ yet A̱tyia̱ nzi̱t wu ku nda̱p a̱ sak a̱ni. Yesu ku nyia̱ a̱nia, da̱nian a̱ ka san nzi̱t ma̱ a̱ka̱tuk jen wuni nang zi̱ nshya̱ a̱ni.

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

1 Timoti 2:6

Nggu wa ku nwuak swuan nggu ji da̱nian gu ka san a̱mgba̱m á̱niet swanta ba, ba̱ yet á̱sa̱t á̱niet. Si̱ huni hwa yet ta̱m ji nang á̱ ku tak kpa̱sai da̱ cha̱chaat njen a̱wa a̱ni.

Titut 2:14

Nggu wa yet a̱tyu a̱ neap a̱pyia̱ nggu nang za̱nang a̱ni, da̱nian a̱ ka ti̱n zi̱t mami tyok a̱ka̱tuk nyia̱ hu. A̱ si̱ ja̱u zi̱t da̱nian zi̱ ka yet á̱niet guu nang gu nyia̱ tyok a̱ni; á̱niet ba̱ byia̱ a̱gba̱ndang di̱dang nyia̱ a̱tan nta̱m a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.

Ibriniyawa 2:17

Mat a̱nia, A̱gwaza si̱ li ku myim gu bwuak Nggwon nggu ka ka̱ tyia̱ cha̱chaat ma̱ng za̱kwa nzi̱t, zi̱ yet á̱na̱nyiuk nka a̱ni. Da̱nian gu ka yet zi̱t a̱tsotswat a̱gba̱ndang pris a̱ fwuong kunak zi̱t a̱ yong a̱zaghyi A̱gwaza a̱ni. Huhwa mbyia̱ gu mmaai a̱ neap za̱nang ji na chi ji̱ ti̱n a̱ka̱tuk nyia̱ á̱niet nggu wu a̱ni.

Ibriniyawa 9:28

Ma a̱nia wa, Kristi ku neap a̱pyia̱ nggu nang za̱nang a̱ni, a̱ si̱ khwu a̱ka̱nyiung, da̱nian gu ka chi a̱ka̱tuk nyia̱ á̱niet ma̱ a̱di̱di̱t. A̱wot a̱ bu na bwuok a̱ bai a̱ka̱feang ka, da̱nian a̱ ka chi a̱ka̱tuk nyia̱ nzi̱t wu wa bah. Da̱ a̱kwonu a̱kya, a̱ na bai wa a̱ san a̱mgba̱m á̱niet ba, ba̱ swan á̱ fwuong chobai nggu hu a̱ni.

1 Bitut 1:19

Da̱ a̱kwonu a̱kya, A̱gwaza ku san nyin ma̱ng a̱za̱za̱rak a̱sok Kristi wa. Nggu wa yet kidee Fi̱ng A̱nfwuk A̱gwaza a̱ yet jhyem a̱ bu sang nyan a̱ni.

1 Bitut 2:24

Nggu ma̱ a̱pyia̱ nggu, ku kyiak a̱ka̱tuk nyia̱ nzi̱t wu mi̱ vam nggu hu da̱ a̱team a̱khwu; da̱nian zi̱ ka yet nkwom di̱ nyia̱ a̱ka̱tuk nyia̱, a̱wot zi̱ yet a̱chet di̱ nyia̱ a̱tsotswat nta̱m. Mat a̱fi̱fa̱t gu bibya, nang á̱ nchoot nyin.

1 Bitut 3:18

A̱tsak a̱lyiat, Yesu ma̱ a̱pyia̱ nggu ku swuo a̱bung da̱ a̱ka̱nyiung mat a̱ka̱tuk nyia̱ nzi̱t wu. A̱wot a̱ bu na swuo a̱bung bah. A̱ ku yet a̱tsotswat wa. A̱wot a̱ si̱ khwu da̱nian á̱niet a̱ka̱tuk nyia̱, gu ka neap zi̱t a̱za̱za̱rak a̱zaghyi A̱gwaza. Á̱ ku hyat gu mi̱ vam hwa. A̱wot á̱ si̱ ta̱ngam gu ma̱ng swuan mami A̱za̱za̱rak Ntswa.

1 Yoona 2:2

Nggu wa yet za̱nang chi a̱ka̱tuk nyia̱ nzi̱t ji; a̱wot a̱ka̱tuk nyia̱ nzi̱t wu wa ma̱nyin nzi̱t bah, a̱wot a̱mgba̱m ma̱ng a̱ka̱tuk nyia̱ á̱niet mi̱ swanta wu wa.

1 Yoona 3:5

A̱wot nyi lyen nang Yesu mbai da̱nian gu ka chi a̱ka̱tuk nyia̱ nzi̱t wu wa. Mat nggu ma̱ a̱pyia̱ nggu, a̱ byia̱ a̱ka̱tuk nyia̱ bah.

1 Yoona 4:10

A̱ni wa nang a̱tsatsak chat wu ndi: Nzi̱t bya chat A̱gwaza wu bah. A̱wot nggu wa chat zi̱t a̱ si̱ ta̱m ma̱ng Nggwon nggu ka nang za̱nang a̱ni, ka̱ ka chi a̱ka̱tuk nyia̱ nzi̱t wu.

Tyai Á̱zanson 1:5

Byat hu si̱ bu neet da̱ a̱vwuo Yesu Kristi. Nggu wa yet a̱tsotswat a̱tyu a̱ nwuak sheda tazwa nkyang nani a̱ni. Nggu wa si̱ bu yet a̱tyu nang A̱gwaza tsa ta̱ngam ma̱ng swuan ma̱ á̱niet ba̱ ka̱n kwi a̱ni. Nggu wa bu nyia̱ tyok tazwa a̱mgba̱m á̱gwam swanta ba. Yok a̱mgba̱m a̱kyenkyai shi a̱ yet si̱ ngguu. Mat a̱ chat zi̱t, a̱ si̱ ti̱n zi̱t ma̱ a̱ka̱tuk nyia̱ nzi̱t wu, di̱ nwuak a̱sok nggu na da̱nian zi̱t.

Tyai Á̱zanson 12:11

A̱wot á̱niet khwi Yesu ba si̱ ya Sha̱tan mi̱ zwang ji, mat chet a̱sok Fi̱ng A̱nfwuk hu ma̱ng sheda mba hu tazwa a̱lyiat A̱gwaza. Mat ba̱ chat swuan mba ji shansham bah; a̱wot da̱ mba ba̱ fwuong a̱wun a̱khwu bah.

Tyai Á̱zanson 13:8

A̱wot a̱mgba̱m á̱niet ba̱ shya̱ mi̱ swanta hu a̱ni, si̱ kwok ntong a̱zaghyi a̱ka̱tuk nyam a̱yit wu. Bibya yet á̱niet ba nang á̱ nwai lyuut lyulyoot mba hu mi̱ Ta̱ka̱da Nswuan hu neet nang á̱ ka̱n mmat swanta hu bah. Ta̱ka̱da hu ku yet si̱ Fi̱ng A̱nfwuk hu nang á̱ ku faat a̱ni.

Tyai Á̱zanson 14:1

A̱jawa n si̱ nwuan, n si̱ kin di Fi̱ng A̱nfwuk hu nang ku yong tazwa A̱fan Si̱hiyona, a̱wot á̱niet chyikwop chyi ma̱ng chyikwop swak naai ma̱ naai (144,000) si̱ yong dundung ma̱ng a̱nggu; nang á̱ ka̱n dyuut zwunzwuo a̱lyoot nggu ji ma̱ng a̱si̱ A̱tyia̱ nggu ji di̱ kpi̱kpeang mba hu!

Tyai Á̱zanson 14:10

ku yet ta hwa gu swuo a̱sa̱khwot a̱na̱p a̱tsotswat mwai lyen A̱gwaza na, nang á̱ koot tyentyang a̱kashyi a̱tsotswat mwai lyen A̱gwaza hu a̱ni! A̱wot ba̱ na swuo a̱bung mi̱ ndong ma̱ng long sa̱lfa, a̱zaghyi á̱za̱za̱rak a̱yaata̱m tswá A̱gwaza ma̱ng Fi̱ng A̱nfwuk wu!

Tyai Á̱zanson 14:4

Á̱niet bani yet á̱za̱za̱rak bya, nang a̱tyok ku a̱byii̱k a̱ ka̱ nwai lyen a̱byii̱k ku a̱tyok a̱ni bah. Bibya khwi Fi̱ng A̱nfwuk hu a̱mgba̱m a̱vwuo ka gu naat a̱ni. Bibya nang á̱ san mami á̱niet swanta ba, nang á̱tsatsak za̱náng á̱ neap A̱gwaza ma̱ng Fi̱ng A̱nfwuk hu a̱ni.

Tyai Á̱zanson 15:3

A̱wot nang ba̱ bwom a̱bwom Musa ka, a̱khwo A̱gwaza wu, ma̱ng a̱bwom Fi̱ng A̱nfwuk ka nyia̱: “Nwan A̱gwaza, a yet A̱tyoli a̱ byia̱ a̱mgba̱m tyok a̱ni! Nta̱m ang na yet a̱tsotswat wa ma̱ng nkyang a̱ga̱de! A̱gwam a̱mgba̱m nnwap swanta na, nvak ang na yet a̱tsotswat wa!

Tyai Á̱zanson 17:14

Ba̱ na la̱p a̱nu ma̱ng a̱ka̱tuk nyam a̱yit wu ba̱ kwan zwang ma̱ng Fi̱ng A̱nfwuk hu. A̱mgba̱m ma̱ng a̱nia, Fi̱ng A̱nfwuk hu na swuo chet ba, mat a̱ yet A̱tyoli a̱yaatyoli wa, a̱wot a̱ si̱ bu yet A̱gwam, á̱gwam wa! Á̱niet ba nang gu yorong, a̱ si̱ khai mba ba̱ yet a̱tsotswat a̱ni, na shya̱ dundung ma̱ng a̱nggu.”

Tyai Á̱zanson 19:7

Yok zi̱ yet á̱niet a̱sai nfwuo! Yok zi̱ gwai zi̱ nwuak gu shi! Mat jen nyeang Fi̱ng A̱nfwuk ji nyia̱! A̱wot nggwon neam naat nyeang ka tyak a̱gwai na, ka̱ swan a̱ fwuong.

Tyai Á̱zanson 19:9

A̱ta̱m tswa A̱gwaza wu si̱ nyia̱ ma̱ng a̱nung, “Lyuut a̱lyiat nani: Á̱niet A̱li̱ba̱rka bya yet á̱niet nang á̱ shei mbaa, ba̱ bai song nyeang Fi̱ng A̱nfwuk ji a̱ni!” A̱ta̱m tswa A̱gwaza wu si̱ bu nyia̱, “A̱lyiat nani yet a̱tsatsak a̱lyiat na̱ neet da̱ a̱vwuo A̱gwaza a̱ni!”

Tyai Á̱zanson 21:14

Bat a̱keang hu byia̱ nfang kuntyin swak ma̱ a̱feang. A̱wot di̱ kuzang a̱fang á̱ si̱ ndyuut a̱lyoot a̱ta̱m a̱nyiung ma̱ a̱yaata̱m swak ma̱ a̱feang Fi̱ng A̱nfwuk ba.

Tyai Á̱zanson 21:27

Á̱ na shim á̱niet a̱na̱ndyung ba̱ nwuo ma̱ a̱keang ka bah; ku á̱niet ba̱ nyia̱ nkyang nsum ba̱ khwi nghwughwu a̱yaagwaza sang swuan, ku á̱niet bwoi a̱ka̱laa; a̱wot si̱ ma̱ á̱niet ba nang á̱ lyuut lyulyoot mba hu mi̱ Ta̱ka̱da Nswuan Fi̱ng A̱nfwuk hu a̱ni ma̱nyin mba.

Tyai Á̱zanson 21:9

A̱jawa a̱tyo nyiung ma̱ a̱yaata̱m tswá a̱natat ba a̱ ba̱ng khám mbyep a̱natat ji ji̱ yet a̱mgba̱m wu a̱ni, si̱ bai a̱ ba̱ nyia̱ ma̱ng a̱nung, “Bai, zi̱ chong! N na tak ang nggwon neam ka̱ na nyeang, ka̱ yet a̱kyuo Fi̱ng A̱nfwuk wu a̱ni!”

Tyai Á̱zanson 5:6

A̱wot n si̱ kin di Fi̱ng A̱nfwuk a̱ li nang á̱ faat gu a̱ni; ma̱ng a̱nia, nang gu yong ma̱ a̱ka̱wa̱tyia̱ a̱gba̱ndang chuk tyok ma̱ng nkyang nswuan naai mami a̱zwu á̱niet khwop á̱niet swak nfeang ma̱ a̱naai a̱bya! Fi̱ng A̱nfwuk hu si̱ byia̱ a̱ti̱tam a̱natat, ma̱ng á̱ghyi a̱natat. Bibya yet tswá A̱gwaza a̱natat ji nang á̱ ta̱m ndyo mi̱ kuzang a̱vwuo mi̱ swanta hu a̱ni.

Tyai Á̱zanson 5:8

Nang Fi̱ng A̱nfwuk hu nsan ta̱ka̱da hu nang á̱ kut di̱n shan ji a̱ni, nkyang nswuan naai na ma̱ng á̱niet khwop á̱niet swak nfeang ma̱ naai a̱bya, si̱ ta̱bwak a̱byin a̱zaghyi Fi̱ng A̱nfwuk hu. Nang konyan ma̱ a̱mba ba̱ng zunzom, a̱wot ba̱ si̱ ba̱ng a̱chyichya̱ ntswam zi̱nariya, ba̱ nhyiai tyentyang ma̱ng turare; jija yet naai á̱za̱za̱rak á̱niet khwi A̱gwaza ba.

Tyai Á̱zanson 6:1

Nang n nwuan a̱ni, n si̱ kin di nang Fi̱ng A̱nfwuk hu ghwok a̱timi a̱nyiung mami a̱yaatimi a̱natat ba, ba̱ shya̱ tazwa ta̱ka̱da nang á̱ kut di̱n shan ji a̱ni. A̱jawa n si̱ nfa̱k kyang swuan nyiung mami nkyang nswuan naai na yei ma̱ng a̱gba̱ndang a̱nwuat nang a̱gbai nza a̱ni nyia̱, “Ghwut, a nkat!”

Tyai Á̱zanson 6:16

Ba̱ si̱ yei a̱ka̱fan ma̱ng tsutsok nyia̱, “Nyi kwoi da̱ nzi̱t! Nyi niat zi̱t, kalak a̱tyu a̱ swan da̱ a̱gba̱ndang chuk tyok wu a̱ni, a̱ li nzi̱t! A̱wot zi̱ ka shot a̱tsotswat mwai lyen Fi̱ng A̱nfwuk hu!

Tyai Á̱zanson 7:14

A̱jawa n si̱ nyia̱ ma̱ng a̱nggu, “A̱tyoli, nwan wa lyen.” Huhwa gu nyia̱ ma̱ng a̱nung, “Á̱niet bani bya kwí di̱n jen a̱gba̱ndang swuo a̱bung ji. Ba̱ si̱ kwi a̱junjung a̱yaatoot mba ba ma̱ng a̱sok Fi̱ng A̱nfwuk na. Huhwa tyia̱ a̱yaatoot mba ba nsai.

Tyai Á̱zanson 7:17

Mat Fi̱ng A̱nfwuk hu ku yong da̱ a̱beam a̱gba̱ndang chuk tyok wu a̱ni, nggu wa na chok ba! A̱ bu nat ma̱ a̱mba di̱ nnang a̱sa̱khwot nwuat swuan. A̱wot A̱gwaza na lyang mba kuzang ndang a̱ghyi ma̱ á̱ghyi mba ba!”