Yoona 1:24 - A̠lyiat A̠gwaza na di̠n Tyap: A̠li̠ka̠uli A̠fai

²⁴ A̱jawa A̱fa̱risawa a̱bya nang á̱ ku ta̱m ba a̱ja a̱ni,

Yoona 1:24 Iomraidhean Croise

Matyu 23:26

Nwan a̱tyo A̱fa̱risawa a yet a̱tyu a̱fi̱fan a̱ni! Ya ntsa kwi mami a̱kashyi ji ma̱ng a̱ka̱gba wu. A̱wot nta ji na mun a̱ tyia̱ za̱za̱rak.

Luka 11:53

Jen nang Yesu ndoot a̱ na ghwon a̱vwuo ka a̱ni, a̱yaagwak tyiet doka ma̱ng A̱fa̱risawa ba si̱ mwuat ndyen ba̱ si̱ ta̱gba̱k guu. A̱wot ba̱ si̱ kwan ba̱ tyia̱ nggu a̱ ghyuap di̱ lyi̱ri̱m nggu nkyang ma̱ a̱di̱di̱t.

Luka 16:14

Nang A̱fa̱risawa ba nfa̱k tyiet huni a̱ni, ba̱ si̱ mai ngguu á̱ ma̱ng gu a̱lyem. Mat ba̱ yet á̱niet bya ba̱ la̱u chat zwá a̱ni.

Luka 7:30

A̱wot A̱fa̱risawa ma̱ng a̱yaagwak lyen doka A̱gwaza ba si̱ lak kyang nang A̱gwaza la̱p a̱ sak a̱ni. Mat ba̱ ku lak san ba̱ptisman Yoona ji.

Yoona 1:23

Yoona si̱ nwuak ba shim ma̱nang Ishaya a̱ta̱m a̱kwonu A̱gwaza wu ku nhyia̱ a̱ni, nyia̱, “N gyet nwuat kya ka̱ yei mi̱ chet mi̱ ntswa a̱yit a̱ni: ‘Nyi jhyi vak da̱nian A̱tyoli nzi̱t wu, ku nat cha̱chaat gu ba̱ nkai!’ ”

Yoona 1:25

ba̱ si̱ lyip Yoona nyia̱, “Ka̱ nwan wa yet Kristi wu bah, a̱wot a bu yet Iliya bah, da̱ nwan a bu yet a̱ta̱m a̱kwonu A̱gwaza bah; mi̱ yihwa mbyia̱ nang a nnyia̱ á̱niet ba ba̱ptisman ji?”

Nta̱m A̱yaata̱m 23:8

Mat A̱sa̱ndukiyawa ba ni̱ tyiet nyia̱, da̱ á̱niet ba̱ ka̱n kwi a̱ni na doot ma̱ng swuan bah; da̱ a̱yaata̱m tswá A̱gwaza ku tswá nshya̱ bah. A̱wot A̱fa̱risawa ba, ba̱ nwuak a̱chuchuk di̱ nkyang nani a̱mgba̱m na ntat.

Nta̱m A̱yaata̱m 26:5

Ki̱ ba̱ na hyia̱ a̱tsak a̱lyiat, ba̱ lyen nang n gyet a̱tyo nyiung mami A̱fa̱risawa ba, sot á̱niet ji̱ ba̱ng khwi A̱gwaza nzi̱t hu mi̱ chet a̱ni.