Yoona 1:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ A̱jawa ba̱ si̱ bu lyip gu nyia̱, “Nwan wa yet Iliya a̱ta̱m a̱kwonu A̱gwaza wu a?” Yoona si̱ nwuak ba shim nyia̱, “Kaai, nung gwa bah.” Ba̱ si̱ bu lyip gu, nyia̱ “Nwan wa yet a̱ta̱m a̱kwonu A̱gwaza wu nang á̱ nyia̱ a̱ na ta̱m ndyo a̱ni a?” A̱ si̱ nyia̱ ma̱ng a̱mba, “Kaai.”

Yoona 1:21 Iomraidhean Croise

Matyu 11:14

A̱wot ka̱ nyi shim a̱lyiat nang n shei nyin a̱ni, Yoona wa yet Iliya, a̱ta̱m nang a̱yaata̱m a̱kwonu A̱gwaza ba shei á̱zanson nyia̱ a̱ na bai a̱ni.

Matyu 16:14

Ba̱ si̱ nyia̱, “Á̱ghyang á̱niet nyia̱ nwan wa yet Yoona a̱tyu nyian ba̱ptisman. Á̱ghyang nyia̱ a yet Iliya wa. Á̱ghyang si̱ bu nyia̱ Iri̱miya wa, ku a̱tyo nyiung ma̱ a̱yaata̱m a̱kwonu A̱gwaza á̱ghyang bya.”

Matyu 21:11

A̱wot susot á̱kpa á̱niet ji si̱ nwuak shim nyia̱, “A̱tyu wuni wa yet Yesu, a̱ta̱m a̱kwonu A̱gwaza, a̱ neet Na̱za̱ra̱t mi̱ fam a̱byin Ga̱lili a̱ni!”

Luka 1:17

A̱ na yet a̱tyu a̱ byia̱ tangka̱i za̱kwa ma̱ng chet nang Iliya, a̱ta̱m a̱kwonu A̱gwaza gbangbang ku byia̱ a̱ni. A̱ na khwat a̱son A̱tyoli. A̱ bu jhyi nfwuo á̱niet na ba̱ swan á̱ fwuong A̱tyoli wu a̱ni. A̱ na bwuak nfwuo a̱yaatyia̱ na̱ nat di̱ mman mba na. A̱wot a̱ na tyia̱ á̱niet ba̱ tyia̱ zat a̱ni, ba̱ shya̱ mumwang nang á̱tsotswat á̱niet A̱gwaza a̱ni.”

Yoona 1:22

Ba̱ si̱ bu nyia̱, “Tak zi̱t tangka̱i a̱tyu nang a yet a̱ni! Mat ku yet zi̱t ta hwa zi̱ bwuok nat zi̱ tak ma̱ng á̱niet ba, ba̱ ta̱m zi̱t a̱ni. Nwan a yei a̱pyia̱ ang a̱nyan?”

Yoona 1:25

ba̱ si̱ lyip Yoona nyia̱, “Ka̱ nwan wa yet Kristi wu bah, a̱wot a bu yet Iliya bah, da̱ nwan a bu yet a̱ta̱m a̱kwonu A̱gwaza bah; mi̱ yihwa mbyia̱ nang a nnyia̱ á̱niet ba ba̱ptisman ji?”

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 7:40

Nang á̱kpa á̱niet ka nfa̱k á̱lyiat Yesu na a̱ni, ba̱ si̱ nyia̱, “A̱tsatsak a̱lyiat wa za̱m; a̱tyu wuni yet a̱ta̱m a̱kwonu A̱gwaza wa nang zi̱ fwuong a̱ni!”