Yoona 1:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Á̱ mbyia̱ a̱tyu a̱ ka̱n di A̱gwaza a̱ni bah. Nggwon kikya ma̱nyin ka, ka̱ yet A̱gwaza, a̱wot ka̱ si̱ shya̱ da̱ a̱vwuo a̱nyiung ma̱ng A̱tyia̱ wu; kikya tak za̱kwa A̱gwaza ji kpa̱sai.

Yoona 1:18 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Luka 10:22

Yesu si̱ bu nyia̱, “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 12:41

Ishaya ku hyia̱ a̱lyiat nani á̱ nfa Yesu, mat a̱ ku mi̱ ndi a̱kyenkyai shi Kristi wu, a̱wot a̱ si̱ mbwoi á̱niet ba nkhang.

Yoona 13:23

A̱tyo nyiung mami mman ta̱m nang Yesu fa̱k da̱ nggu a̱ni ba̱t, nang gu swan ma̱ kpa̱mkpaan ma̱ng Yesu;

Yoona 14:9

Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 17:26

N si̱ ntyai mba si̱sak ji nang za̱kwa ang ji ndi a̱ni. A̱wot n bu na ngya a̱son ma̱ng tyai mba ndyo hu. Da̱nian mba, ba̱ ma nshya̱ tangka̱i chat nang a tak nung a̱ni; nung mameang, n swan dundung ma̱ng a̱mba.”

Yoona 17:6

“N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 3:11

Yok, n tak ma̱ng a̱nwan tsatsak a̱lyiat; zi̱ lyiat kyang hu nang zi̱ lyen a̱ni. Zi̱ si̱ bu shei kyang hu nang zi̱ ka̱n di a̱ni. Ma̱ng a̱nia, á̱ mbyia̱ a̱yin ma̱ nyin a̱ chat a̱ san shei kpa̱sai nzi̱t hu tazwa nkyang nani a̱ni bah.

Yoona 6:46

(N fa á̱ mbyia̱ a̱yin a̱ ka̱n di A̱tyia̱ wu a̱ni bah; ma̱ nggu wa a̱tyu a̱ neet da̱ a̱vwuo A̱gwaza ka a̱ni. Nggu wa ma̱nyin gu ka̱n di A̱tyia̱ wu).

2 A̱korontiyawa 4:4

A̱ta̱nyeang ka ka̱ yet a̱gwaza swanta wuni a̱ni, a̱ tyia̱ lyin mi̱ nfwuo á̱niet ba̱ nwai nwuak a̱chuchuk wu a̱ni. Ba̱ si̱ mi̱n di a̱sai a̱kyenkyai shi A̱sham Nkhang wu bah. Ba̱ si̱ lak fi̱k a̱lyiat nani tazwa a̱kyenkyai shi Kristi, a̱tyu a̱ tai A̱gwaza ma̱ cha̱chaat a̱ni.

A̱kolosiyawa 1:15

Kristi tyia̱ a̱tyubishyi nang á̱ nwuan a̱ni. A̱ si̱ tyai A̱gwaza nang á̱ nwai nwuan ma̱ng á̱ghyi a̱ni kpa̱sai. A̱ ku nshya̱ neet nang á̱ ka̱n mat kyang mi̱ swanta hu bah. A̱wot a̱ byia̱ a̱tsatsak a̱gba̱ndang tyok tazwa a̱mgba̱m kuzang kyang nang á̱ mat mi̱ swanta hu a̱ni.

1 Timoti 1:17

Yok a̱kyenkyai shi ma̱ng Tyok ku yong chi̱k da̱ A̱gwaza, a̱ yet A̱gwam sang sangba̱p; A̱gwaza a̱ na nwai khwu a̱ni, A̱gwaza nang a̱ nwai nwuan a̱ni, nggu wa yet A̱gwaza ma̱nyin nggu, si̱ nat sang sangba̱p. Samba̱rka!

1 Timoti 6:16

Nggu wa ma̱nyin gu na nwai khwu. A̱ swan da̱ a̱vwuo ka̱ sai ma̱ mya̱myat, nang a̱tyubishyi si̱ mi̱n tat a̱ni bah. Á̱ mbyia̱ a̱tyu a̱ ka̱n di nggu a̱ni bah. Da̱ mba á̱ mbyia̱ a̱tyu a̱ si̱ mi̱n di nggu a̱ni bah. Yok shi ma̱ng chet ku nwai tyiai a̱ni, shya̱ dundung ma̱ng a̱nggu, si̱ nat sang sangba̱p, Samba̱rka!

1 Yoona 4:12

Á̱ mbyia̱ a̱tyu a̱ ka̱n mak li A̱gwaza wu a̱ni bah. A̱wot ki̱ zi̱ chat á̱ghyang, A̱gwaza shya̱ di̱ mun á̱pyia̱ ma̱ng a̱nzi̱t, a̱wot chat nggu hu nyia̱ a̱tsatsak nta̱m da̱ a̱vwuo nzi̱t.

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

1 Yoona 4:9

A̱wot A̱gwaza tak kpa̱sai nang gu nchat zi̱t ba̱t, di̱ si̱sak nang gu nta̱m ma̱ng Nggwon nggu ka nang gu byia̱ ma̱nyin ka a̱ni, ka̱ si̱ bai mi̱ swanta hu, da̱nian zi̱ ka shya̱ swuan sang sangba̱p ji da̱ a̱vwuo nka kya.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.